ﻣﻨﻰ : ﺷﺒﻴﻚ ﺳﻜﺖ ... ﻫﻴﺎ ﺻﻴﺢ ... ﻣﺰﻟﺖ ﺗﺤﺐ ﺗﻌﻴﺶ ﺑﻌﺪ ﺍﻟﻠﺲ ﺻﺎﺭﻟﻚ ... ﺍﺻﻼ ﻣﺴﺘﻐﺮﺑﺔ ﻛﻴﻔﺎﻩ ﻣﺰﺍﻝ ﻣﻌﺎﻙ ﻭﺣﺒﻠﺔ ﻣﻨﻮ ... ﺯﻋﻤﺔ ﻣﻴﻜﻮﻧﺶ ﻣﻌﺎﻙ ﻋﻠﻰ ﺟﺎﻝ ﺻﻐﻴﺮ ﻛﻬﻮ ... ﻓﻲ ﺑﺎﻟﻚ ﻫﻮ ﺑﺎﻟﺤﻖ ﻳﺤﺒﻚ ... ﻛﻴﻔﺎﻩ ﺑﺎﺵ ﻳﺒﻘﻰ ﻳﺤﺒﻚ ﻭ ﺧﻮﻩ ﺷﺒﻊ ﺑﻴﻚ ﻣﻦ ﻗﺒﻞ ... ﻭ ﺳﻤﻌﺖ ﻟﻲ ﺣﺘﻰ ﺑﻮﻩ ﺧﺬﺍ ﺑﺎﻳﻮ ﻣﻨﻚ ﻧﺰﻟﺖ ﺩﻣﻌﺘﻲ ﺑﺎﻟﻮﻗﺖ ... ﻧﺴﻴﺖ ﺍﻟﺴﻜﻴﻨﺔ ﻟﻲ ﻋﻠﻰ ﺭﻗﺒﺘﻲ ﻭﺭﻛﺰﺕ ﻣﻊ ﻛﻼﻣﻬﺎ ... ﺗﺒﺴﻤﺖ ﻧﺪﺭﺍ ﻛﻴﻒ ... ﻭ ﻫﺰﺕ ﻳﺪﻫﺎ ﻋﺪﺍﺗﻬﺎ ﻋﻠﻰ ﺧﺪﻱ ... ﺗﺤﻜﻲ ﻣﻨﻰ : ﺷﺸﺸﺶ ... ﺍﻧﺖ ﺗﻌﺮﻑ ﻫﺬﺍ ﺑﺎﻟﻘﺪﺍ ﺍﺧﺘﻲ ﺍﻟﻐﺎﻟﻴﺔ ... ﻣﺶ ﺣﺘﻰ ﻧﻘﻠﻚ ﺍﻧﺎ ... ﺍﻣﺎ ﺳﻜﺘﺖ ﻭﻧﺰﻟﺖ ﻳﺪﻫﺎ ... ﺳﻜﺮﺕ ﺍﻟﺴﻜﻴﻨﺔ ... ﺗﺤﻜﻲ ﻣﻨﻰ : ﺍﻣﺎ ﻣﺎﻧﻴﺶ ﺑﺎﺵ ﻧﻘﺘﻠﻚ ﺗﻌﺮﻑ ﻋﻼﻩ ... ﺑﺎﺑﺎ ﻳﺴﺘﺤﻖ ﻟﻲ ﺻﺎﺭ ﻓﻴﻪ ... ﺧﺎﻃﺮﻭ ﻋﺪﺍ ﺷﻄﺮ ﻋﻤﺮﻭ ﺑﻌﻴﺪ ﻋﻠﻴﻨﺎ ... ﺣﺘﻰ ﺍﺣﻨﺎ ﻣﺤﺒﻨﺎﺵ .. ﻭ ﺍﻣﻲ ... ﺟﺮﺍﻳﺮ ﺍﻣﻚ ﻫﻮ ﻭﻟﻰ ﻣﺮﺓ ﺣﺒﻬﺎ ... ﻛﺎﻥ ﻳﻘﻮﻟﻬﺎ ﻛﺎﻥ ﺍﻧﺖ ﻭﺍﻓﻘﺖ ﻋﻠﻰ ﻃﻼﻕ ﺳﺎﻋﺘﻬﺎ ﻣﻜﻨﺘﺶ ﺑﺎﺵ ﻧﺨﺴﺮ ﺍﻟﻠﻲ ﺣﺒﻴﺘﻬﺎ ... ﻃﻮﻝ ﻋﻤﺮﻭ ﻛﺎﻥ ﻳﻠﻮﻣﻨﺎ ﺑﺎﻟﺒﻌﺪ ﻋﻠﻴﻨﺎ ... ﻛﺎﻥ ﻳﺨﺘﺎﺭ ﻳﺒﻘﻰ ﺑﻌﻴﺪ ... ﺣﺘﻰ ﺍﻧﺖ ﻋﺎﻗﺒﻚ ﻋﻠﻰ ﺍﻟﻤﺎﺿﻲ ... ﺍﻣﺎ ﺻﺮﺍﺣﺔ ﺷﻔﻘﺖ ﻋﻠﻴﻚ ﺍﻛﺜﺮ ... ﻣﺤﻘﻮﺵ ﻳﻌﺎﻗﺒﻚ ﺑﻌﺪ ﺍﻟﻠﻲ ﺻﺎﺭ ﻓﻴﻚ ﺍﻟﻜﻞ ... ﺗﻤﻴﻨﺖ ﻛﺎﻥ ﻗﺎﺑﻠﺘﻚ ﻣﻦ ﻗﺒﻞ ... ﻛﺎﻥ ﻧﺠﻤﺖ ﻧﺤﺒﻚ ﻛﻴﻒ ﺍﺧﺘﻲ ... ﺍﻣﺎ ﺍﻧﺘﻲ ﻭ ﺍﻣﻚ ... ﺑﻌﺪﺗﻮ ﻋﻠﻴﻨﺎ ﺑﺎﺑﺎ ... ﻋﺸﻨﺎ ﻃﻮﻝ ﻋﻤﺮﻧﺎ ﻧﺴﺘﻨﺎﻭﻩ ﻳﺤﺒﻨﺎ ... ﻋﺪﻳﺖ ﺷﻄﺮ ﻋﻤﺮﻱ ﻭﺍﻧﺎ ﻧﻐﺰﺭ ﻟﺪﻣﻮﻉ ﺍﻣﻲ ... ﺍﻣﻲ ﻋﺪﺍﺕ ﺷﻄﺮ ﻋﻤﺮﻫﺎ ﻭ ﻫﻲ ﺗﺴﻬﺮ ﻧﺺ ﻟﻴﻞ ﺗﺴﺘﻨﻰ ﻓﻴﻪ ﻟﻴﻦ ﻳﺠﻲ ... ﺣﺘﻰ ﺗﻔﺪ ﻭ ﺗﻄﻠﻊ ﻟﺒﻴﺘﻬﺎ ... ﻃﻮﻝ ﻋﻤﺮﻭ ﻛﺎﻥ ﻳﻐﻠﻂ ﻓﻲ ﺍﺳﻤﻬﺎ ... ﻭ ﻳﻌﻴﻄﻠﻬﺎ ﺑﺎﺳﻢ ﺍﻣﻚ ﺍﻧﺘﻲ ... ﻭ ﺗﺘﻠﺰ ﺗﺴﻜﺖ ... ﻫﻮ ﻣﻌﺎﻗﺒﻜﺶ ﺍﻧﺘﻲ ﻭﺍﻣﻚ ﻛﻬﻮ ... ﻋﺎﻗﺐ ﺣﺘﻰ ﺭﻭﺣﻮ ... ﻛﺮﻫﻚ ﺍﻧﺘﻲ ﺧﺎﻃﺮ ﺍﻣﻚ ﺧﻼﺗﻮ ... ﻛﺮﻫﻨﺎ ﺧﺎﻃﺮﻧﺎ ﻛﻨﺎ ﻓﻲ ﺣﻴﺎﺗﻮ ... ﻃﻮﻝ ﻋﻤﺮﻭ ﺗﻤﻨﻰ ﻳﻌﻴﺶ ﻣﻌﺎﻛﻢ ﻧﺘﻮﻣﺎ ... ﻗﺪﺍﺵ ﻣﻦ ﻣﺮﺓ ﺭﻳﺘﻮ ﻳﺒﻜﻲ ﺑﺎﻟﺴﺮﻗﺔ ... ﺗﻌﺮﻑ ﻋﻼﻩ ﻫﻮ ﺍﻛﺎﻛﺎ ... ﻫﻮ ﻳﻮﺟﻌﻨﺎ ﺍﺣﻨﺎ ﺑﺎﺵ ﻳﺨﺒﻲ ﺿﻌﻔﻮ ... ﻛﺮﻫﺖ ﺍﻣﻚ ﻣﻦ ﺻﻐﺮﺗﻲ ... ﻭﻛﺮﻫﺘﻚ ﺗﻮﺍ ... ﺷﺘﺒﻘﻰ ﺗﺨﻠﺺ ﺣﻖ ﺍﻣﻚ ... ﺷﺘﻌﻴﺶ ﻛﻴﻤﺎ ﺍﻣﻲ ﺑﺎﻟﻈﺒﻂ ... ﺑﺎﺵ ﺗﺮﺑﻲ ﻭﻟﺪﻙ ... ﻭ ﺍﻧﺖ ﺗﺴﺘﻨﻰ ﻓﻴﻪ ﻳﺪﺧﻞ ... ﺍﻣﺎ ﻣﺎﻫﻮﺵ ﺑﺎﺵ ﻳﺠﻲ ... ﺷﻴﺘﻠﺰ ﻳﺒﻘﻰ ﻣﻌﺎﻙ ... ﻋﻠﻰ ﺧﺎﻃﺮ ﺻﻐﻴﺮ ﻳﺎ ﺳﻮﺍﺭ ... ﺑﺎﺵ ﻳﺒﻘﻰ ﻃﻮﻝ ﻋﻤﺮﻭ ﺣﺎﺷﻢ ﺑﻴﻚ ... ﻛﻴﻤﺎ ﺧﻼﻙ ﻧﻬﺎﺭ ﻋﺮﺳﻚ ... ﺑﺎﺵ ﻳﺨﻠﻴﻚ ﺑﺮﺷﺎ ﻣﺮﺍﺕ ... ﻭﻛﻞ ﻣﺮﺓ ﻳﺤﺐ ﻳﻨﺴﻰ ﻟﻲ ﺻﺎﺭ ﺗﻠﻘﺎﻩ ﻓﻲ ﺣﻀﻦ ﻏﻴﺮﻙ ... ﻟﻲ ﻋﻴﺸﺘﻮﻩ ﻻﻣﻲ ... ﺷﺘﻌﻴﺸﻮ ﺍﻧﺖ ﺗﻮﺍ ﻳﺎ ﺳﻮﺍﺭ ... ﺑﺎﺵ ﺗﺮﺍ ﺍﻟﻌﺬﺍﺏ ﻫﺬﺍ ﻓﻲ ﺣﻴﺎﺗﻚ ... ﺑﺎﺵ ﺗﻨﺪﻡ ﻋﺎﻟﻨﻬﺎﺭ ﺍﻟﻠﻲ ﻓﻜﺮﺕ ﺍﻧﻚ ﺗﺒﻘﻰ ﻣﻌﺎﻩ ... ﻭﻛﻞ ﻣﺮﺓ ﺗﺤﺐ ﺗﺒﻌﺪ ... ﺑﺎﺵ ﺗﺘﻠﺰ ﺗﺒﻘﻰ ﻋﻠﻰ ﺧﺎﻃﺮ ﻟﻲ ﻓﻲ ﻛﺮﺷﻚ ... ﺑﺎﺵ ﺗﺸﻮﻑ ﺑﻌﻴﻨﻴﻚ ﻭﺗﻤﻮﺕ ﺑﻘﻠﺒﻚ ﻳﺎ ﺳﻮﺍﺭ ... ﻭ ﻛﻞ ﻣﺮﺓ ﺗﻘﻌﺪ ﻭﺣﺪﻙ ﺑﺎﺵ ﺗﺬﻛﺮﻭ ﻛﻼﻣﻲ ﻫﺬﺍ ﺑﺎﻟﻘﺪﺍ ... ﻭ ﻳﺎ ﺭﻳﺖ ﻣﻌﺎﺩﺵ ﻧﻘﺎﺑﻠﻚ ﻓﻲ ﺣﻴﺎﺗﻲ ﺟﻤﻠﺔ ﻫﺰﺗﻨﻲ ﻭﺣﻄﺘﻨﻲ ﻭﺧﺮﺟﺖ ﻣﻦ ﺍﻟﺒﻴﺖ ... ﺑﻘﻴﺖ ﻧﻐﺰﺭ ﻟﺒﺎﺏ ... ﻧﺤﺲ ﻓﻲ ﻗﻠﺒﻲ ﺑﺎﺵ ﻳﺨﺮﺝ ﻣﻦ ﺑﻘﻌﺘﻮ ... ﺩﻣﻮﻋﻲ ﻣﺤﺼﻮﺭﻳﻦ ﺍﻣﺎ ﻣﻨﺰﻟﻮﺵ ... ﻛﻞ ﻛﻠﻤﺔ ﻗﺎﻟﺘﻬﺎ ﺗﻌﺎﻭﺩﺕ ﻓﻲ ﻣﺨﻲ ﺑﺎﻟﺤﺮﻑ ﺑﺎﻟﺤﺮﻑ ... ﻏﻤﻀﺖ ﻋﻴﻨﻴﺎ ... ﻭﺭﺟﻌﺖ ﺣﻠﻴﺘﻬﻢ ﻋﻠﻰ ﺩﺧﻠﺘﻮ ... ﺩﻭﺭﺕ ﻋﻴﻨﻴﺎ ﻋﻠﻰ ﻭﺟﻬﻮ ... ﻗﺮﺏ ﻣﻨﻲ ﻗﻌﺪ ﻗﺪﺍﻣﻲ ... ﺣﻂ ﻳﺪﻭ ﻋﻠﻰ ﻭﺟﻬﻲ ﻳﺤﻜﻲ ﺯﻳﺎﺩ : ﻟﺒﺎﺱ ﻣﺎﻫﻮ ... ﻳﻮﺟﻊ ﻓﻴﻚ ﺷﻲ ﻫﺰﻳﺘﻠﻮ ﺑﺮﺍﺳﻲ ﻻ ... ﻣﻨﺠﻤﺖ ﻧﺤﻜﻲ ﺣﺘﻰ ﺣﺮﻑ ... ﻧﺰﻝ ﺑﻴﺪﻭ ﻛﺒﺲ ﻋﻠﻰ ﻳﺪﻱ ... ﻭﻗﻔﻨﻲ ﻣﻌﺎﻩ ﻳﺤﻜﻲ ﺯﻳﺎﺩ؛ﻟﺤﻖ ﺍﻟﻮﻗﺖ ﺑﺎﺵ ﻧﻤﺸﻮ ﻣﻦ ﻫﻮﻧﻲ ﺗﺒﺴﻤﺖ ﺑﺎﻟﺴﻴﻒ ... ﻣﻨﺠﻤﺖ ﻧﻌﻤﻞ ﺣﺘﻰ ﺷﻲ ... ﻻ ﻧﺤﻜﻴﻠﻮ ﻟﻲ ﺻﺎﺭ ... ﻭ ﻻ ﻧﺠﺒﺪ ﻳﺪﻱ ﻣﻨﻮ ... ﻫﺰ ﻳﺎﻗﻲ ﺍﻟﻘﻀﻴﺎﺕ ﻓﻲ ﻳﺪﻭ ... ﻭ ﻳﻤﺸﻲ ﻓﻴﺎ ﻭﺭﺍﻩ ... ﺗﻌﺪﻳﻨﺎ ﻟﻬﺎﺭﻭﻥ ... ﺩﻭﺏ ﻧﺠﻤﺖ ﻧﺤﻜﻲ ﻣﻌﺎﻩ ... ﺧﺮﺟﻨﺎ ﻣﻦ ﻋﻨﺪﻭ ﻟﻠﻜﺮﻫﺒﺔ ... ﻃﻮﻝ ﺍﻟﺜﻨﻴﺔ ﻭ ﻫﻮ ﺷﺎﺩ ﻳﺪﻱ ... ﻣﻦ ﻏﻴﺮ ﺣﺘﻰ ﻛﻠﻤﺔ ... ﻧﻐﺰﺭ ﻟﻄﺮﻳﻖ ﻭ ﺍﻓﻜﺎﺭ ﺗﻬﺰ ﻓﻴﺎ ﻭﺟﻴﺐ ... ﺣﺘﻰ ﻋﻤﺎﺩ ﻣﺤﺴﻴﺘﺶ ﺑﻴﻪ ﻛﻲ ﺭﻛﺐ ... ﺧﺎﻳﻔﺔ ﺍﺫﺍ ﻛﻼﻣﻬﺎ ﻃﻠﻊ ﺻﺤﻴﺢ ... ﺗﻠﻔﺖ ﺷﻮﻳﺔ ﻏﺰﺭﺗﻠﻮ ... ﻟﻠﺤﻈﺔ ﺧﻔﺖ ﺍﺫﺍ ﻳﺘﺒﺪﻝ ﻋﻠﻴﺎ ... ﻭ ﻳﻔﺪ ﻣﻨﻲ ... ﺟﺒﺪﺕ ﻳﺪﻱ ﻣﻦ ﻳﺪﻭ ... ﻭ ﺗﻜﻴﺖ ﻋﺎﻟﺒﻼﺭ ... ﻏﻤﻀﺖ ﻋﻴﻨﻴﺎ ﻣﻨﺤﺐ ﻧﺤﻜﻲ ﻣﻊ ﺣﺪ ﻭﻻ ﻧﺴﻤﻊ ﺣﺪ ... ﻧﺤﺐ ﻧﻨﺴﻰ ﻟﻲ ﺻﺎﺭ ﺟﻤﻠﺔ ... ﻧﻨﺴﻰ ﻭﻛﻬﻮ
أنت تقرأ
🔥🔞"في أحضان عزرائيل"🔞🔥( الجزء السادس و الأخير)
Romanceبنووتااااتي 🙋❤ تلموولي 🙆❤ نتصور توا بش نكمللكم الكرونيك🤔😙 و ما نعرش كان بش نزيد جزء ٱخر ولا يزي 🤔🤷♀️ مزلت منيش عارفة 🤷♀️❤أما نتصور هذا جزء النهاية و الأخير 🙆💋 #نحبكم ❤ #شيماء
