🔥🔞"في أحضان عزرائيل"🔞🔥( الجزء السادس و الأخير)

الحلقة 996

ﺯﻳﻨﺐ ﺗﺤﻜﻲ :
ﺑﻘﻴﺖ ﻧﻌﺪﻱ ﻓﻲ ﻳﺪﻱ ﻋﻠﻰ ﺷﻌﺮﻫﺎ ... ﻟﻴﻦ ﺣﺴﻴﺘﻬﺎ ﻫﺪﺍﺕ ... ﻧﺰﻟﺖ ﺭﺍﺳﻲ ﺷﻮﻳﺔ ﻟﻘﻴﺘﻬﺎ ﺩﻳﺠﺎ ﻏﻔﺎﺕ ... ﺍﺻﻼ ﻛﻦ ﻭﺟﻬﺎ ﻇﺎﻫﺮ ﺍﻟﻮﺣﻢ ﺗﻌﺒﻬﺎ ﺑﺮﺷﺎ ... ﻓﺮﺣﺖ ﻣﺶ ﻧﻮﺭﻣﺎﻝ ... ﻳﻤﻜﻦ ﺍﻟﺼﻐﻴﺮ ﻫﺬﺍ ... ﺑﺎﺵ ﻳﻘﻮﻱ ﻋﻼﻗﺘﻬﻢ ﺍﻛﺜﺮ ... ﻫﺰﻳﺖ ﺭﻭﺣﻲ ﺷﻮﻳﺔ ... ﺭﺟﻌﺘﻬﺎ ﻟﺘﺎﻟﻲ ... ﻋﺪﻟﺘﻬﺎ ﻓﻲ ﺑﻼﺻﺘﻬﺎ ... ﻏﻄﻴﺘﻪﺍ ﻭ ﻧﺰﻟﺖ ﺑﺴﺘﻬﺎ ﻣﻦ ﺧﺪﻫﺎ ... ﺭﺩﻳﺖ ﺍﻟﺸﺒﺎﻙ ﺷﻮﻳﺔ ﻋﻠﻰ ﺿﻮ ... ﻭﺧﺮﺟﺖ ﻣﻦ ﺍﻟﺒﻴﺖ ... ﻛﻞ ﺧﻄﻮﺓ ﻧﻌﻤﻠﻬﺎ ... ﻗﻠﺒﻲ ﻳﺪﻕ ﺑﺎﻟﻘﺎﻭﻱ ... ﻣﻨﺤﺒﺶ ﻧﻘﺎﺑﻠﻮ ﺑﻌﺪ ﺍﻟﻠﻲ ﺻﺎﺭ ... ﻭﻻ ﻧﺤﻜﻲ ﻣﻌﺎﻩ ... ﻣﻨﺤﺒﺶ ﻧﺘﺤﻂ ﻓﻲ ﻧﻔﺲ ﺍﻟﻤﻮﻗﻒ ﻣﺮﺓ ﺍﺧﺮﻯ ... ﻭ ﻻ ﻧﺬﻛﺮ ﻟﻲ ﻗﺎﻟﻮ ... ﻟﻠﺤﻈﺔ ﺭﺳﻤﺖ ﺍﺣﻼﻡ ﺑﺎﻫﻴﺔ ﻓﻲ ﻣﺨﻲ ... ﺳﺘﻨﻴﺖ ﻣﻨﻮ ﻳﺤﺒﻨﻲ ﺣﺘﻰ ﺷﻮﻳﺔ ﻣﻴﺴﺎﻟﺶ ... ﺍﻟﻤﻬﻢ ﻳﻌﻮﺿﻨﻲ ﻋﻠﻰ ﻛﻠﺸﻲ ﻋﺸﺘﻮ ... ﺍﻣﺎ ﻛﻠﻤﺔ ﻣﻨﻮ ... ﻛﻠﻤﺔ ﻭﺣﺪﺓ ﻛﺎﻧﺖ ﻛﺎﻓﻴﺔ ﺑﺎﺵ ﺗﻮﻓﻲ ﻛﻠﺸﻲ ... ﻭ ﺗﺨﻠﻴﻨﻲ ﻧﻌﺮﻑ ﻗﻴﻤﺘﻲ ﻭ ﺑﻼﺻﺘﻲ ... ﻋﻨﺪﻭ ﺣﻖ ﺍﻧﺎ ﻏﺰﺭﺕ ﻟﻔﻮﻕ ﺑﺮﺷﺎ ... ﻧﺴﻴﺖ ﺷﻜﻮﻥ ﺍﻧﺎ ﻭ ﺷﻜﻮﻥ ﻫﻮ ... ﺍﺩﻡ ﻋﺒﺪ ﺍﻟﺴﻼﻡ ... ﻻﺳﻤﻮ ﻛﻬﻮ ﻛﺎﻓﻲ ﺑﺎﺵ ﻳﻘﺺ ﺣﻠﻤﺘﻲ ﺟﻤﻠﺔ ... ﻏﻤﻀﺖ ﻋﻴﻨﻴﺎ ﺑﺎﻟﻘﺎﻭﻱ ﻭﺭﺟﻌﺖ ﺣﻠﻴﺘﻬﻢ ... ﻛﺒﺴﺖ ﻋﺎﻟﺒﻮﺍﻧﻲ ﻭﺣﻠﻴﺖ ﺍﻟﺒﺎﺏ ... ﺟﺎﺕ ﻋﻴﻨﻲ ﻋﻠﻴﻬﻢ ... ﺭﺍﻗﺪ ﻭ ﻣﺪﺧﻞ ﻣﻼﻙ ﻓﻲ ﺣﻀﻨﻮ ... ﻣﻜﺒﺸﺔ ﻓﻴﻪ ﻭ ﺣﺎﻃﺔ ﺭﺍﺳﻬﺎ ﻋﻠﻰ ﺻﺪﺭﻭ ... ﻃﻠﻌﺖ ﺭﺍﺳﻬﺎ ﺷﻮﻳﺔ ... ﻭﻫﺰﺕ ﻳﺪﻫﺎ ﺣﻄﺘﻬﺎ ﻋﻠﻰ ﻓﻤﻬﺎ ﻣﻌﻨﺎﻫﺎ ﻣﻨﻌﻤﻠﺶ ﺣﺲ ﺧﺎﻃﺮﻭ ﺭﺍﻗﺪ ... ﻫﺰﻳﺘﻠﻬﺎ ﺑﺮﺍﺳﻲ ﺍﻳﻪ ... ﻭﻗﺮﺑﺖ ﻣﻨﻬﺎ ﺷﻮﻳﺔ ... ﻧﺤﻜﻲ ﺑﺼﻮﺕ ﺩﻭﺏ ﻳﺘﺴﻤﻊ
ﺍﻧﺎ : ﻣﻼﻙ ﻋﺰﻳﺰﺗﻲ ... ﺷﺮﺍﻳﻚ ﺗﻨﺰﻝ ﻣﻌﺎﻳﺎ ﺗﻮﺍ ... ﻻﺯﻣﻚ ﺗﺎﻛﻮﻝ ﺷﻲ ... ﻫﺎﻙ ﻣﻦ ﺑﺎﺭﺡ
ﻣﻼﻙ : ﺑﺎﺙ ﻧﺨﻠﻮﻩ ﻭﺣﺪﻭ ﻫﻮﻧﻲ
ﺍﻧﺎ : ﻫﻮ ﻣﻠﻴﺢ ... ﻫﻴﺎ ﻋﺰﻳﺰﺗﻲ
ﻣﻼﻙ : ﻻ ﺑﺮﺍ ﺟﻴﺒﻠﻲ ﺍﻧﺖ ... ﺍﻧﺎ ﺑﺎﺙ ﻧﻌﺚ ‏( ﻧﻌﺲ ‏) ﻋﻠﻰ ﺑﺎﺑﺎﺗﻲ
ﻫﺰﻳﺘﻠﻬﺎ ﺑﺮﺍﺳﻲ ﺍﻳﻪ ... ﺧﺎﻃﺮ ﻧﻌﺮﻑ ﻛﻲ ﺗﺒﺪﺍ ﻓﻲ ﺣﻀﻨﻮ ﻣﺎ ﺗﻤﺸﻲ ﻟﺤﺘﻰ ﺑﻼﺻﺔ ... ﺭﺟﻌﺖ ﺣﻄﺖ ﺭﺍﺳﻬﺎ ﻋﻠﻰ ﺻﺪﺭﻭ ... ﺻﺤﺔ ﻟﻴﻬﺎ ﺗﻨﺠﻢ ﺗﻘﺮﺏ ﻣﻨﻮ ﻛﻴﻤﺎ ﺗﺤﺐ ﻭﻭﻗﺖ ﻣﺎ ﺗﺤﺐ ... ﺗﻨﻬﺪﺕ ﺑﺎﻟﻘﺎﻭﻱ ... ﻭﻫﺰﻳﺖ ﺭﻭﺣﻲ ﺧﺮﺟﺖ ... ﻧﺰﻟﺖ ﻟﻠﻜﻔﻴﺘﻴﺮﻳﺎ ﻭ ﺗﻔﻜﻴﺮﻱ ﺑﻌﻴﺪ ﺑﺮﺷﺎ ... ﺷﺮﻳﺖ ﻟﻲ ﻧﺠﻢ ﻋﻠﻴﻬﺎ ... ﺧﺎﻃﺮ ﺍﻟﻔﻠﻮﺱ ﻟﻲ ﻋﻨﺪﻱ ﻭﻓﺎﻭ ... ﻭﺭﺟﻌﺖ ﻟﻔﻮﻕ ... ﻟﻘﻴﺖ ﺍﺳﻤﺎﻋﻴﻞ ﻓﻲ ﻭﺟﻬﻲ ... ﺗﺒﺴﻤﻠﻲ ﻳﺤﻜﻲ
ﺍﺳﻤﺎﻋﻴﻞ : ﺯﻳﻨﺐ ﻟﺒﺎﺱ ﻳﺎﺧﻲ
ﺍﻧﺎ : ﻟﺒﺎﺱ ﺍﺳﻤﺎﻋﻴﻞ ﻋﻴﺸﻚ
ﺍﺳﻤﺎﻋﻴﻞ : ﺍﺭﺗﺤﺖ ﻳﺎﺧﻲ
ﺍﻧﺎ : ﻣﻤﻤﻢ ﺣﻤﺪ ﺍﻟﻠﻪ
ﺍﺳﻤﺎﻋﻴﻞ : ﻛﺎﻥ ﻣﻴﻘﻠﻘﻜﺶ ﺗﺤﺐ ﻧﻨﺰﻟﻮ ﻟﻠﻜﺎﻓﻲ ﺷﻮﻳﺔ
ﺟﻴﺖ ﺑﺎﺵ ﻧﺤﻜﻲ ... ﻗﺼﺖ ﻋﻠﻴﺎ ﻣﻼﻙ ﻛﻴﻒ ﻗﺮﺑﺖ ﻣﻨﺎ ﺗﺤﻜﻲ
ﻣﻼﻙ : ﻻﺍﺍ ... ﺑﺎﺏﺍ ﺑﺤﺎﺟﺘﻬﺎ
ﻋﻘﺪﺕ ﺣﻮﺍﺟﺒﻲ ﻣﺴﺘﻐﺮﺑﺔ ... ﺗﺒﺴﻤﻞﻫﺎ ... ﻭ ﻫﺰ ﻳﺪﻭ ﺣﻄﻬﺎ ﻋﻠﻰ ﺷﻌﺮﻫﺎ ﻳﺤﻜﻲ
ﺍﺳﻤﺎﻋﻴﻞ : ﺑﺎﻫﻲ ﻋﺰﻳﺰﺗﻲ
ﺟﺒﺪﺕ ﺭﻭﺣﻬﺎ ﻟﺘﺎﻟﻲ ... ﺗﺠﺒﺪ ﻓﻴﺎ ﻣﻦ ﺟﻴﺐ ... ﻭ ﺗﺤﻜﻲ ﻓﺮﺩ ﻭﻗﺖ
ﻣﻼﻙ : ﻫﻴﺎﺍﺍ ﻓﻴﺜﻊ ‏( ﻓﻴﺴﻊ ‏) ﺑﺎﺑﺎ ﻳﻄﻠﺐ ﻓﻴﻚ ... ﻭ ﺍﻧﺎ ﺟﻌﺖ ﺑﺮﺛﺎ
ﻫﺰﻳﺘﻠﻬﺎ ﺑﺮﺍﺳﻲ ﺑﺎﻫﻲ ... ﻭ ﻏﺰﺭﺕ ﻻﺳﻤﺎﻋﻴﻞ ﻧﺤﻜﻲ
ﺍﻧﺎ : ﺳﺎﻣﺤﻨﻲ ﺍﺳﻤﺎﻋﻴﻞ ... ﻣﺮﺓ ﺍﺧﺮﻯ
ﺍﺳﻤﺎﻋﻴﻞ : ﺍﻧﺸﺎﺀ ﺍﻟﻠﻪ
ﺗﺒﺴﻤﺘﻠﻮ ﻭ ﺗﻠﻔﺖ ﻣﻊ ﻣﻼﻙ ﻟﻲ ﺑﺎﻗﻲ ﺗﺠﺒﺪ ﻓﻴﺎ ... ﻟﻴﻦ ﺩﺧﻠﻨﺎ ﻟﻠﺒﻴﺖ ... ﻟﻘﻴﺘﻮ ﻓﺎﻕ ﻭﻣﺘﻜﻲ ﻟﺘﺎﻟﻲ ... ﺣﻄﻴﺖ ﺍﻟﻘﻀﻴﺔ ﻋﺎﻟﻄﺎﻭﻟﺔ ﻧﺤﻜﻲ
ﺍﻧﺎ : ﻫﻴﺎ ﻣﻼﻙ ﺍﻳﺠﺎ ﺗﺎﻛﻮﻝ
ﻣﻼﻙ : ﻣﻨﺤﺒﺚ ‏( ﻣﻨﺤﺒﺶ ‏)
ﺍﻧﺎ : ﻋﻼﻩ ... ﻣﺎﻙ ﻗﺘﻠﻲ ﺍﻧﺰﻝ ﺷﺮﻳﻠﻲ
ﻣﻼﻙ : ﻗﺘﺘﺘﻠﻚ ﻣﻨﺤﺤﺤﺒﺚ
ﺗﻨﻬﺪﺕ ﺑﺎﻟﻘﺎﻭﻱ ... ﻣﻨﻌﺮﻑﺵ ﺷﺒﻴﻬﺎ ﺣﺘﻰ ﻫﻲ ... ﻧﺤﺲ ﻓﻲ ﺭﻭﺣﻲ ﺗﺎﻋﺒﺔ ... ﻻ ﻧﺠﻢ ﻧﻐﺰﺭﻟﻮ ... ﻭ ﻻ ﻧﺠﻢ ﻧﺮﺿﻴﻬﺎ ﺗﻮﺍ ... ﻳﻤﻜﻦ ﻟﻲ ﺟﺒﺘﻮ ﻣﻌﺠﺒﻬﺎﺵ ... ﻫﺰﻳﺘﻞﻫﺎ ﺑﺮﺍﺳﻲ ﺍﻳﻪ ﻧﺤﻜﻲ
ﺍﻧﺎ؛ﺑﺎﻫﻲ ﻣﻼﻙ ﻛﻴﻤﺎ ﺗﺤﺐ
ﺗﻠﻔﺖ ﺑﺎﺵ ﻧﺨﺮﺝ ... ﻭﻗﻔﻨﻲ ﻫﻮ ... ﻛﻴﻒ ﻫﺰ ﺭﻭﺣﻮ ﺷﻮﻳﺔ ﻳﺤﻜﻲ
ﺍﺩﻡ : ﻣﻼﺍﺍﻙ ... ﺷﻦﻳﺔ ﻫﺬﺍ ﻟﻲ ﺗﻌﻤﻞ ﻓﻴﻪ ﺍﻧﺖ
ﻣﻼﻙ : ﺍﺛﺄﻟﻬﺎ ‏( ﺍﺳﺄﻟﻬﺎ ‏) ﻫﻲ
ﺍﺩﻡ : ﻣﻼﺍﺍﻙ
ﺗﻠﻔﺖ ﻋﻨﺪﻱ ﻏﺰﺭﺗﻠﻬﺎ ﻣﺶ ﻓﺎﻫﻤﺔ ﻛﻼﻣﻬﺎ ... ﻧﻔﺨﺖ ﺑﺎﻟﻘﺎﻭﻱ ... ﻭ ﻫﺰﺕ ﺭﻭﺣﻬﺎ ﻗﺮﺑﺖ ﻣﻨﻲ ... ﺣﻀﻨﺘﻨﻲ ﺗﺤﻜﻲ
ﻣﻼﻙ : ﺛﺎﻣﺤﻨﻲ ﻣﺎﻣﺎﺗﻲ ﻣﺚ ﻗﺜﺪﻱ ‏( ﻗﺼﺪﻱ ‏)
ﻫﺰﻳﺖ ﻳﺪﻱ ﺣﻄﻴﺘﻬﺎ ﻋﻠﻰ ﺷﻌﺮﻫﺎ ... ﺗﺒﺴﻤﺖ ﻧﺤﻜﻲ
ﺍﻧﺎ : ﺑﺎﻫﻲ ﻳﺎ ﺭﻭﺣﻲ ﻣﺎ ﺻﺎﺭ ﺷﻲ
ﻣﻼﻙ : ﺑﺎﺙ ﺗﺎﻛﻮﻝ ﻣﻌﺎﻳﺎ ﺑﺎﻫﻲ
ﻫﺰﻳﺘﻠﻬﺎ ﺑﺮﺍﺳﻲ ﺍﻳﻪ ... ﻭﻗﺮﺑﺖ ﻗﻌﺪﺕ ﻣﻌﺎﻫﺎ ﻋﺎﻟﻔﻮﺗﺎﻱ .. ﻧﻮﻛﻞ ﻓﻴﻬﺎ ... ﻧﺤﺲ ﻓﻴﻪ ﻳﻐﺰﺭﻟﻲ ... ﻏﺰﺭﺗﻠﻲ ﺗﺤﻜﻲ
ﻣﻼﻙ : ﺛﺒﻴﻚ ﻣﺘﺤﺒﺚ ﺗﺎﻛﻮﻝ ... ﻫﺎﻙ ﻛﻞ ﻳﻮﻡ ﻫﻜﺎ ﺍﻧﺖ ... ﻛﻞ ﻳﻮﻡ ﻧﺤﺎﻭﻝ ﻓﻴﻚ ﻣﺘﺤﺒﺚ ... ﻫﻮﻛﺎ ﺑﺎﺑﺎ ﻣﻠﻴﺢ ... ﺍﻧﺖ ﻋﻼﻩ ﻣﺘﺤﺒﺚ ﺗﺎﻛﻮﻝ
ﻃﻠﻌﺖ ﺭﺍﺳﻲ ﺷﻮﻳﺔ ... ﺟﺎﺕ ﻋﻴﻨﻲ ﻓﻲ ﻋﻴﻨﻮ ﻏﺰﺭﻟﻲ ﻧﺪﺭﺍ ﻛﻴﻒ ... ﻧﺰﻟﺖ ﻋﻴﻨﻴﺎ ﺑﺎﻟﻮﻗﺖ ... ﻏﺰﺭﺕ ﻟﻤﻼﻙ ﻧﺤﻜﻲ
ﺍﻧﺎ : ﻛﻠﻴﺖ ﻗﺒﻞ ﻣﺎ ﻧﺠﻲ ﻋﺰﻳﺰﺗﻲ