මටත් තිබුණා ප්‍රේමයක් තාම ඉඳහිට මතක දළුලන ප්‍රේමයක් කාලයේ දුර ගෙවා ආ මුත් හිතේ ගැඹුරේ නිදා නොනිදන මටත් තිබුණා ප්‍රේමයක්
මගේ කාමරයේ සිහින් හඬින් වාදනය වුණු චන්දන ලියනාරච්චිගේ ඒ ගීතය මගේ ජීවිතයට බොහොම සමීපයි. කියාගන්නට නොහැකි වුණ ගැඹුරු ප්‍රේම පුරානයක් ඒ ගීතයේ සැඟවිලා තියෙනවා කියලයි මට හැඟෙන්නේ. හරියට මගේ ප්‍රේමය වගේ. යාන්තමින් හිරු අවරට බැස යමින් තිබෙන මේ සැන්දෑව.... මගේ ප්‍රේමයට තීරණාත්මක මොහොතක් ගෙන එමින් තිබෙනවා. වෙනදාට ඒ ගීතය මගේ හිත නිවන්න සමත් වුණත්....අද එය මගේ හිතට එකතු කරලා තියෙන්නේ නොසන්සුන් කමක්....දෙගිඩියාවක්....
ඒ හැඟීම් වලට හේතු කාරණාවත් ප්‍රේමයමයි.....
ප්‍රේමය කියන වචනයට මේ ලෝකේ කරන්න බැරි දෙයක් තියෙනවාද ? ඇතැමුන් ප්‍රේමය වෙනුවෙන් ඇණ කොටා ගනිද්දී, ජීවිත හානි කර ගනිද්දී තවත් අය ප්‍රේමය නිසා මැරි මැරී ජීවත් වෙනවා. හරියට මම වගේ. මතුපිටින් හිනා වෙලා ඉන්න උත්සාහ කලත්, හිත ඇතුලේ තියෙන්නේ අළු යට සැඟවුණු ගිණි ගොඩක්.
ප්‍රේමය... ගැන හිතද්දී මම මොනතරම් දුරට වාසනාවන්තයිද කියන්න දන්නේ නෑ. ඒත් අද එයාගේ ඇස් වල කඳුළු තිබුණොත්....මම හිතන්නේ මම මේ ලෝකේ ඉන්න වාසනාවන්තම කෙල්ල වෙයි කියලා. එයාගේ ඇස්....එයාගේ හද ගැස්ම.....මගේ හද පතුලේ සදහටම සැඟවී ගිය ආදරය තවත් කාලයක් ජීවත් කරාවි කියලා.
"ඒයි සින්ඩරෙල්ලා....මම දුන්න තෑග්ගත් එක්ක....හෙට ඔයා ආපහු මා ළඟට එනකල් මම බලාගෙන ඉන්නවා....ඔයාට පුළුවන් මට ආදරේ කරන්න....මට පුළුවන් ඔයාට ඊටත් වඩා ආදරේ කරන්න....තීරණය ඔයාට අයිති දෙයක්...."
"මේ තෑග්ග හෙට ඔයා දාගෙන ආවොත්.... මේ ලෝකේ මට වඩා සතුටු වෙන වෙනත් කොල්ලෙක් නැති වේවි...."
එයා මගෙන් ඊයේ සමු ගත්තේ ඒ විදිහට මගේ හිතට ලොකු බරක් එකතු කරලා. එයා දුන්න ලස්සන තෑග්ග අතට අරගෙන මම ඒකේ හැඩ බැලු‍වා....
YOU ARE READING
The everlasting memories of love ( Sinhala Romance)
Romanceමටත් තිබුණා ප්‍රේමයක් - The everlasting memories of love ( Sinhala Romance) සේනානි ,සොනාෂ් ,ඒන්ජල් යනු මගේ ජීවිතයේ මට මුණගැසුණු සැබෑ චරිත තුනකි. ඔවුන්ගේ තුන්කොන් ප්‍රේම කතාව අලලා මා විසින් ගොඩ නගන ලද මෙම "මටත් තිබුණා ප්‍රේමයක්" අසම්මත ප්‍රේම කතාව ක...
