نسيم القلب (مكتملة)

الخاتمه الجزء الثاني

دخل المنزل يضع يده علي وجهه يحاول مداره جانب فكه ، وجد أبيه وأخوه وأمه علي مائده الطعام ، حاول الهرب ولكن سمع صوت والدته تناديه قائلة
-مازن حبيبي تعالي مستنينك.

همس بصوت حاول جعله هادئاً لا تظهر فيه بحه الالم
-لا امي أكلت في الشغل بالهنا والشفا.

تقدم ليصعد فسمع صوت أبيه يسأله بإهتمام
-طب تعالى قولي مالك قالك اي.

ابتسم ساخراً ، نظر ناحيتهم ، ثم رفع يده ، فضحك آدم ملك فمه وقال مازحاً
-مش محتاج يقول هو واضح لوحده.

بينما شهقت خديجه وقالت بصدمه
-اي اللي شلفط وشك كدا يابني.

تقدم وجلس علي الأريكة قرب منضده الطعام ، فقال زين متسائلاً بغموض
-انت قولتله اي عشان يعمل كدا ، دا شكلك قولتله أنا اتجوزت اختك عرفي ، وإلا مكانش عمل فيك كدا.

ضحك آدم مأيداً فشرح لهم مازن ما حدث وأكمل مشيراً ناحية وجهه
-وبعدها محستش بنفسي غير وأنا في الأرض ودا مديني بوكس في وشي وراح ساب المكتب ومشي.

ضحك زين بشده فقال آدم بحنق
-في حد يروح يقول عاوز اختك ، دا انا لو مكانه كنت روحتك علي نقاله.

نظر له بإستنكار فقال زيد بعدما لكمه في كتفه
-متبصلهوش كدا عشان أنا لو مكانه هدفنك مكانك.

عانقت مازن وقالت معنفه لهم
-بعد الشر عليه ، بلاش الكلام دا فيها اي يعني لما قاله كدا المفروض كان فهم وحده.

صرخ الآخر بنفاذ صبر
-أعمل يعني كنت متوتر ومش عارفه هجبهاله إزاي.

تنهد آدم وقال ساخراً بعدما جلس بإريحيه علي المقعد
-أهو هو جبهالك من الآخر خالص وريحك.

ألقي الوساده في وجهه قائلاً بحنق
-ما تخف تريقه بقا خف.

ربت زين علي قدمة وقال بحنان
-متقلقش يهدي هو بكرة ويستوعب اللي قولته وإن شاء الله نطلبهالك الأسبوع الجاي.

______*💙*_______⁦*💙*______*💙*
دخل مالك غرفة نديم بهدوء ، جلس علي الفراش جوارها ، ربت علي خصلاتها بحنان ، همس بضيق وحزن
-كبرتي وجه اللي هياخدك مني يا قلب اخوكي.

تنهد بحزن وجلس يطالعها بإشتياق وكأنه سيفقدها ، تململت نديم في فراشها ، حكت عنينها وفتحتهم لتطالع مالك بتساؤل ، اعتدلت في جلستها ، وقالت بقلق تمسد علي كتفه
-مالك يا حبيبي في حاجة.

جلس جوارها يستند علي خشبيه الفراش أخذها بين يديه وقال بحنان يمسد على خصلاتها
-كبرتي يا نديم ، فين أيام ما كنت بعلمك تركبي العجلة.