أحببته_فأستغلني💔

3

المحاضره خلصت الدكتور قال ل الطلبه تعالو وراي على اللاب ح اشرح ليكم المحاضره عملي 😊
اثناء م الدكتور بشرح ف طالبه اغمى عليها كلهم جروا اتجاهها الا الدكتور واقف ف مكانو ،صحباتها كانو ببكوا
ريم: ابعدوا شويه خلو الهوا يصلها رباب تعالي امسكي راسها ، جنان ارفعي رجولها ل فوق ،عُدي قيس النبض بتاعها جيبو لي مويه عايزه ترشها بيها
الدكتور: دقيقه تقدري تقومي ي لجين
لجين : طيب وقفت
الدكتور: طبعاً مستغربين من الحصل ده صحبتكم م فيها حاجه بس كنت بختبر فيكم عشان اعرف فهمتو المحاضره ولا لا بس خذلتوني وطلعتوا م فاهمين حاجه غير زميلتكم دي واشر ع ريم اسمك منو!؟
انا ريم
ريم رغم انك جيتي متأخره بس ركزتي ف كل كلامي والساعدوك ديل كمان وي ريت تستمري كده
ريم: شكرا دكتور
الدكتور: يلا اتفضلو خلصنا
جنان: الدكتور ده مجنون شكلو
ريم: بالعكس حبيت العملو
عُدي: انتي عبيطه الجامعه كلها بتخاف منو قالو صعب
رباب: اصلي م حبيتو الراجل ده
ريم: حرام عليكم م تحكموا عليه من اول مره المهم هسي يلا نمشي نفطر
عُدي: م ح تتصلي ع آيات
ريم: اه نسيت دقيقه طلعت تلفونها اتصلت عليها آيات خلصتي عشان نفطر
آيات: افطروا انتو انا ح اطلع افطر برا الجامعه مع ناس ميس
ريم: اوك راحتك
ميس: م عارفه انت مصاحبه البت الفقيره دي كيف
آيات: خلينا منها هسي
ريم: م جايه يلا نفطر نحن مشوا ع الكافتيريا لاقوا حسام
حسام: برالمتي السمحين
رباب: حسوووم مشتاقين
حسام: كتييير عايزين تفطروا شكلكم
ريم: ايوون
حسام: خلاص بعد تفطروا انا ومراد وشلتنا عاملين قعده جيتار ظريفه كده تعالو
ريم: واااي انا بحب الجيتار جداً
حسام: خلصوا وتعالو لينا جنب ...
رباب:اتفقنا 😍
طلبوا الاكل فطروا ومشوا ع ناس حسام
مراد: ريمو
ريم: عيونها
حسام: اقعدوا واقفين ليه شباب دي بت خاله مراد وديل شلتها عرفهم بيهم وده سامر وروئ وصفاء
سامر: نورتونا اتفضلو
حسام بدأ يعزف ع الجيتار وسامر بغني " الحب البديع "
ريم اندمجت مع الاغنيه بقت تغني " خليني جنبك ي عظيم "
كلهم سكتوا وهي بتغني صوتها حلو شديد فجأه ركزت انهم بعاينوا ليها سكتت بقوا يصفروا ويصفقوا
حسام: صوتك رهيييب
مراد: طلع عندك مواهب مدفونه
ريم: م تبالغوا لا حلو لا شي
صفاء: رايك شنو تشاركي معانا ف احتفال استقبال الطلاب الجدد
ريم: انا لالا مستحيل
روئ: مراد قول حااجه
مراد: ريم م تخجلينا وافقي
ريم: بخاف م بقدر اعفيني من الموضوع تلفونها برن ردت طيب دقيقه جايه عليك
مراد: دي منو
ريم: دي رنا ح امشي اجيبها واجي
مراد: خليك انا بمشي عشان يدخلوها وانتو اقنعوها لما اجي
حسام: ريم انتي صوتك حلو والاغنيه جايه معاك لأنو احساسك عالي بعدين ح تشتهري من وراناا
ريم: بس
قاطعتهم رنا: م بس وافقي م تكسفيهم
ريم: اممم طيب موافقه
حسام: رنوش انقذتينا
رنا: ف الخدمه بس تعزموني😹
ريم: م ع اساس انتي عازماني!؟
رنا: برري عازمنا مراد م انا 😹
ريم عاينت ل مراد بغضب
مراد:خلاص اسف اخر مره م تعايني لي كده
رنا:يلا نطلع عشان الزمن م يتأخر
طلعوا كلهم ع شارع النيل قعدوا وطلبوا قهوه وبتونسوا وبضحكوا
ريم: يلا ناخد سيلفي
اتصوروا كتير وعملو فيديوهات وهم بغنوا اليوم كان حلو شديد
حسام: بعد كده نمشي عشان الترحيل م يفوتكم
جنان: صح يلا نرجع الجامعه
رجعوا الجامعه ودعوهم
صفاء: اديني رقمك ي ريم اضيفك ف القروب عشان تعرفي زمن البروفات متين
مراد: انا برسلوا ليك بعدين
ريم: طيب يلا باي
رجعوا البيت ريم نزلت الصور استوري وكتبت احلى يوم مع احلى ناس
ردت ليها آيات: شكلك اتبسطتي
ريم: شديد اصحاب مراد طلعوا ظريفين
آيات: كويس والله
....
عدا اسبوع آيات وريم م بتلاقوا وريم كانت مشغوله ب بروفات الاحتفال لما جا اليوم
ريم كانت لابسه جمبسوت زيتي ومحجبه طرحتها وعامله ميكب خفيف
حسام شافها : اوبااا مخبيه الجمال ده كلو وين
ريم: من يومي جميله بس انا خايفه ومتوتره م ح اقدر اغني
حسام: لالا ابردي اشربي عصير الليمون ده وكل م تحسي انك اتوترتي عايني لي وم تركزي مع الناس انسي انك بتغني قدام زول تمام
ريم: طيب
روئ: يلا اطلعوا دورنا جاء
طلعوا وكل زول اخد مكانوا
حسام: قبل نبدأ احب اعرفكم ع العضو الجديد ف فرقتنا ريم سامي برلومه كليه طب
الناس كلهم بصفقوا ليها حسام اشر ل ريم نظام ركزي معاي هنا وبدوا يغني
" وانا جنبك حاجات كتيره بتبقى ضي"
ف نص الاغنيه كلهم سكتوا وريم بتغني براها وكانت بتعاين ل حسام والناس بغنوا معاها لما خلصت بدوا يصفروا ويصفقوا ويهتفوا ب اسمها ريم ،ريم
كانت مبسوطه ب الحصل نزلوا من المسرح
رنا: ابدعتي
ريم: كنت متوتره
شافتهم آيات جات عليهم
آيات: ليه م كلمتيني انك مشاركه
ريم: مش لما نكون بنتكلم الاول بعدين بهمك ف شنو
آيات: ولا شي ي ستي
ريم: انتي اتغيرتي م آيات البعرفها مالك زعلتك ف شي انا!؟
آيات: لا بس عرفت انك م مستواي وم تستاهلي تكوني صحبتي
ريم: انتي بتقولي ف شنو
آيات: السمعتيه ومن الليله صحبتنا انتهت وخلي البشبهوك ديل ينفعوك
ريم: ولا كلمه تانيه فاهمه م تغلطي فيهم ودموعها نازله
ميس: آيات يلا نمشي م تتكلمي مع الاشكال دي
رنا: احترمي نفسك لو ريم مسكينه وم قادره ترد عليك انا بمسح بيك الارض
مراد:رنا اهدي
حسام جرا ريم من ايدها وهي بتبكي طلعوا برا ركبها العربيه واتحرك وقف ف شارع النيل وهي لسه بتبكي لما بتتنهد
حسام: خلاص م تبكي
ريم: هي ليه اتغيرت كده نست كل البينا نحن كنا بنوم ف غرفه واحده وكل الوقت مع بعض وم بنعمل حاجه من غير بعض
حسام: انتي م غلطتي عليها هي الغلطت مفترض م تزعلي بعدين غيروها الناس الماشه معاهم
ريم: بس انا وزادت ف البكاء
حسام: مسح دموعها وخت ايدوا ف وشها بططلي غباء م ف زول بستاهل دموعك دي وهسي عندك صحبات جنان ورباب وكلنا معاك ريم هدت شويه بعد كلامو ده
حسام اتصل ع مراد ورجعوا الجامعه وصلوا رنا وريم البيت
المساء ابوها بينده عليها عشان العشاء
منى: من جات قافله ع نفسها
رنا: خليها تنوم تعبانه شويه
سامي: تعبانه من شنو عيانه اختك
رنا: لالا بس
سامي: بس شنو اختك ماله ي رنا
رنا: حكت ليهم الحصل كلو
سامي: انا ح اتكلم معاها قام اتوجه ع غرفتها دقه الباب
ريم: م عايزه اتكلم مع زول او اكل انا خلوني
سامي: حتى انا م عايزه تتكلمي معاي
ريم: لا م كده
سامي: رنا حكت لي ع اي حاجه عايزك تفهمي حاجه انو الناس فترات ف حياه بعض بمشي واحد وبجي غيروا والحياه مستمره فما تزعلي نفسك واهوو ربنا عوضك ب صحبتين صاح
ريم: صح
سامي: يلا قومي ناكل سوا
ريم: حاضر
..
الصباح ف الجامعه ريم قاعده ف بينش تحت شجره قاطعها ولد ريم
ريم: ايوه بتعرفني !؟
انا اسمي كريم شفتك وانتي بتغني يوم الاحتفال صوتك حلو جداً وكان نفسي اتعرف عليك
ريم: شكراً من زوقك
كريم: ممكن اقعد لو م ح اعطلك
ريم: اتفضل
كريم: انا ي ستي كريم بدرس اقتصاد خريج السنه دي
ريم: دفعه مراد انت
كريم: بتعرفي مراد انتي !؟
ريم: ايوه ود خالتي
كريم: اهاا بعرفوا ف الدفعه بس نحن م اصحاب المهم اتشرفنا ممكن نبقى اصحاب
ريم: امم افكر
كريم: م ح اعمل زي باقي الاولاد واقول ليك اديني رقمك لأنو متأكد ح نتلاقى تاني وح نتصاحب
ريم: واثق من نفسك شديد
كريم: م ثقه بس بختار صاح
ريم: م فهمت
كريم: م مهم ح استأذن انا عندي محاضره عن اذنك ومشى
جات جنان ده منو المزز الكان معاك ده
ريم: اسمو كريم وحكت ليها
جنان: شكلو حكايه الولد ده
ريم: امممم
عدت الايام وريم بتفكر ف كريم وبتفتش عليه بس م بتلاقيه ف يوم ماشين ف الجامعه شافتو مشت سلمت عليه
كريم: مش قلت ليك ح نتلاقى تاني
ريم: واتلاقينا
كريم: اها ح تبقي صحبتي
ريم: موافقه ده رقمي سيفو عندك
مراد شافها ناداها استأذنت من كريم ومشت
مراد: بتعرفي كريم ده من وين والموقفك معاه شنو
ريم: اتلاقينا صدفه وطلع ولد ظريف
مراد: م اشوفك معاه تاني فاهمه!
ريم: ليه يعني
مراد: كده بس انتي م بتعرفي الولد ده
ريم: بس
مراد: م بس ولا شي
حسام: جايطين مالكم
مراد: ي سيدي الاخت مصاحبه كريم
حسام: بخلعه كريم دفعتنا!!؟