مراد: كريم ده م ح يجيبها ل بر شكلو
حسام: واحنا مالنا عملنا العلينا وحزرناها
مراد: حتى ولو ف النهايه ريم صغيره وم عارفه الصاح من الغلط
حسام: انا برا الموضوع ده كفايه السمعتو منها
مراد: عشان خاطر خالتي ورنا ي حسام لازم نساعدها
حسام: اووف نعمل شنو يعني نحبسها يعني
مراد: م عارف بعد نتطمن ع ابوك بعدها نفكر
وصلوا المستشفى دخلو الغرفه
مراد: عمو بقيت كيف
ابو حسام: احسن ي ولدي
الدكتور: اتحسن شديد بس لازم ياخد الدواء ف وقتوا المره الجايه م ح يسلم منها
حسام: ان شاء الله ح ياخدها
الدكتور: تقدروا تطلعوا البيت بعد كده
....
ريم ف غرفتها بتبكي جات رنا داخله
رنا: ريم اهدي خلاص الموضوع م مستاهل
ريم: م شفتي ابوي اتعامل معاي كيف ده ضربني كف
رنا: وكنتي عايزاه يعمل شنو ياخدك ب الحضن مثلاً!!؟
ريم: انتي جايه تواسيني ولا تزيديها علي
رنا: ريم اصحي من الانتي فيه ده م ملاحظه انو مشاكلك بدت تظهر بسبب كريم ده !؟
ريم: م عندو ذنب ف الموضوع ولو سمحتي م تتكلمي عنو
رنا:ولسه بتدافعي ليهو !؟ انتي خسرتي ثقه ابوك ب سببوا
ريم: ل المره الألف نحن بنحب بعض م بنعمل ف حاجه غلط
رنا: لو بحبك ب الجد بجي ب الباب م بمسك ايدك وبخليك تكذبي ع اهلك وتخوني ثقتهم
ريم: اووف م تتكلمي معاي ف الموضوع ده لو سمحتي وفعلاً كلام ايات صح كلكم م عايزين علاقتي ب كريم تستمر خصوصاً انتي
رنا: انا!؟
ريم: ايوه انتي غيرانه عشان من اول سنه حبيت واتحبيت وانتي ل هسي م ف زول جاب خبرك
رنا: م قادره اصدق البتقولي فيه ده انا بغير منك انتي !؟ انتي اختي من لحمي ودمي وعشان شنو عشان ولد !؟
ريم:ايوه عشان ولد
رنا: عايزاك تفهمي حاجه واحده انا لو عايزه ادخل ف علاقه الاولاد قدامي زي الرز بس انا الما عايزه عشان هم بقضوا وقتهم بيناا م اكتر مسحت دموعها ، انا م ح اتدخل ف اي حاجه بتخصك تاني المهم امشي اعتزري ل ابوك ع العملتيه عشان م ياخد قرار يضرك ف مستقبلك وطلعت خلتها ولسه بتبكي
..
منى:سامي الدكتور قال ليك م تتوتر وم تتعب نفسك
سامي: ي منى اعمل شنو لو التعب بجي لحدي عندي
منى: كلو مكتوب ومقدر بس نحن نحل م نعقد كلو بهون قول ي رب
سامي: ي رب ي منى
منى: انا ح امشي اعمل ليك عصير عشان تاخد حبوبك طلعت
سامي: ي رب انا م قدر الاختبارات دي الا بناتي ونزلت دمعه ع خدوا
" الأب صح اغلبيه وقتوا بكون ف الشغل وم فاضي بس بشتغل ب ايديه ورجولو عشان يوفر لينا راحه وم يحوجنا ل حاجه ، هو برفع راسوا ب انجازاتنا وم بيستاهل مننا نجازيه ب اننا نوطي راسوا وهو كل ذنبو ادانا الثقه💔 قبل م تعملو الغلط فكروا ف انو ابوي يستاهل مني كده !؟ "
ريم قعدت شويه وطلعت ع غرفه ابوها دقت الباب لقتو متسطح ف السرير قعدت ف الارض مقاصده وشو
ريم: ابوي م تزعل مني عارفه نفسي غلطته بس كلنا بنغلط وانا عرفت غلطي انت مش كنت بتقول علي طفله
سامي: بس غلطتك م صغيره انا اديتك ثقتي واهتميت بيك اكتر من اي حاجه وتعبت لما وصلتك ل المرحله دي عشان تبقي دكتوره وترفعي لي راسي بس انتي عملتي شنو!؟ نزلتيه ل سابع ارض
ريم:م تقول كده انا م ح اخلي راسك ينزل م ح اعيدها والله بس انت سامحني انا من غير رضاك ولا اي حاجه
سامي: استغفر الله انا م عايز منك شي غير تركزي ف دراستك وتنجحي وتبقي دكتوره كبيره انتي لسه صغيره. ولما تكبري ح تندمي ع الاغلاط دي وانا م ضربتك الا من خوفي عليك
ريم: اوعدك م ح يتكرر وح ابقى دكتوره شايله اسمك باستو ف راسو طيب اخليك ترتاح هسي رجعت غرفتها لقت كميه مكالمات من كريم رجعت ليه
كريم: مالك م بتردي خوفتيني عليك
ريم:م تخاف انا تمام بس حصلت دراما كده ف البيت
كريم: م يكون ابوك مد ايدو عليك تاني
ريم: لالا
كريم: اسف حبيبي دي تاني مره تحصل ليك مشكله بسببي
ريم: ولا يهمك حصل خير
كريم: ريم انتي عارفه اني بحبك وعمري م اتحمل اشوف زول بيئذيك حتى لو ابوك
ريم: وانا بحبك بس م تنسى اننا غلطنا ووقفتنا كانت م صاح
كريم: صح وكلو بسببي
ريم: الحصل حصل انا تعبانه عايزه انوم هسي
كريم: طيب حبيبي تصبحي ع خير اول م تصحي اتصلي لي
ريم:حاضر
" البحبك م بخليك تخوني اهلك💛 "
الصباح ف البيت بشربوا ف الشاي
ريم: صباح الخير
منى ورتاج ردوا : صباح النور
رتاج:رنا مالك م بتردي
رنا: م بخصك خليك ف حالك
منى:انتو متشاكلين
رنا: ابداً بس مزاجي م رايق
رتاج: البيت كلو منفسن انا اتأخرت ع المدرسه يلا
ريم: انتظري انا كمان طالعه معاك
ريم عايزه تطلع ابوها وقفها
سامي: ماشه وين
ريم: الجامعه
سامي: عبداللطيف ح يوصلك ويجيبك تاني
ريم: ليه انا مسجله ف ترحيل
سامي: كده بس لو م عاجبك اقعدي م تمشي الجامعه
ريم: انت م واثق فيني يعني
سامي: كلامي واضح
ريم: م هو انا م ارتكبت جريمه عشان تعاملني كده
سامي: كويس اني خليتك تنزلي الجامعه وم قعدتك ف البيت
ريم: تقعدني ف البيت وصلت ل كده
رتاج: كملوا مشاكلكم انا طالعه
سامي: واكتر وهسي القرار قرارك ي تمشي مع عبداللطيف ي م ف جامعه
ريم: طيب ي ابوي وطلعت
منى: براحه ع البت م كده
سامي: انتي م تدخلي
رنا: العملو ابوي هو الصح لمصلحتها
منى: م تزيديها انتي كمان
رنا: ابوي م غلط ف حاجه عشان ازيدها
منى: خلاص اسكتي
...
ف العربيه ريم مع عبداللطيف
عبداللطيف: بت مجنون ساكت مالك زعلان من ابوك م تزعل هو خاف عليك ،م ردت عليه
عبداللطيف: شكلك زعلان
ريم: عبدو انا م ناقصاك هسي خليني
عبداللطيف: عبدو سكت م اتكلم مع بت مجنون
وصلوا الجامعه
ريم: بخلص الساعه 4 ونزلت اتصلت ع كريم م برد رجعت اتصلت وم برد
..
كريم واقف مع آيات بتكلموا
آيات: دي هي بتتصل عليك
كريم : ايوه
آيات:شكلو امس حصلت معركه ف بيت ريم
كريم: بزعل ايوه قالت لي
آيات: ومالك زعلان كده م يكون حبيتها ب الجد
كريم: مجنونه انتي احبها كيف يعني البيني وبينها ده اتفاق وانتي عارفه كده كويس
آيات: كويس انك متذكر
كريم: الموضوع ده طول ح ينتهي متين
آيات: ح ينتهي وقت م انا اقول ينتهي فاهم
كريم: نفسي افهم انتي بتعملي كده ليه ريم دي مش صحبتك
آيات: انت م عارف حاجه عشان كده م تتدخل اعمل البقولو ليك وبس
كريم: طيب
آيات: المهم هسي خلي بالك من تصرفاتك
..
ريم واقفه وماسكه تلفونها
حسام: ريم كيفك
ريم: تمام ابوك بقى كيف
حسام: الحمدلله كويس اتفاهمتي مع ابوك !؟
ريم: الموضوع م مهم
حسام: اسف لو بتدخل ف خصوصياتك المهم شكلك بتفتشي ع كريم واقف مع آيات جنب..
ريم: دي لعبه جديده منك
حسام: لعبه شنو
ريم: خلينا نكون واضحين انت م عايز علاقتي مع كريم وبتغير منو
حسام: صح ف البدايه كنت رافض علاقتك ب كريم عشان خايف عليك منو بس حالياً الموضوع م بهمني وانتي حره ودي حياتك بس اني اغيير منو انتي جنيتي شكلك وشكلو كريم أثر عليك وفقدتي المنطق عن أذنك ي مدام كريم مشى خلاها
ريم: كريم وآيات مستحيل يكونو سوا لالا م ح اشك فيه تاني بس م فيها شي لو مشيت اتأكدت
مشت ع مكان م وصف ليها حسام شافتهم واقفين طلعت تلفونها اتصلت ع كريم كان بعاين ل التلفون بصمتو وبدخلو جيبو مشت عليهم
ريم: كريم وآيات بتعملو شنو هنا!؟
أنت تقرأ
أحببته_فأستغلني💔
عاطفيةاغلبيه احداث الروايه حقيقيه مع تغيير بسيط ف الاسامي وترتيب الاحداث😴م دايماً اول حب بكون صاح وم اذا اتكسرنا مره معناها م ح يجي زول ويعوضنا ويحبنا " نحن بنستاهل نتحب ب الجد "💛 يمكن سبب دمارنا وخراب حياتنا يكونو اقرب الناس الحولينا 💔وسبب سعادتنا ناس...
