أحببته_فأستغلني💔

9

كريم: ريم جيتي متين
ريم: بتصل ليك م بترد جيت ماره شفتكم
آيات: كريم كان بسألني منك وبتطمن عليك
ريم: انتو بتعرفوا بعض من وين م حصل عرفتكم ع بعض
كريم: اا مره لاقتني واقف مع عُدي جات سلمت عليه وعرفت انو هي صحبتك من زمان
ريم: امم وم بترد علي ليه
آيات: كنا بنخطط ل مفاجأه وانا قلت ليه م ترد لما نكمل اتفاق بس انتي جيتي
ريم: مفاجأه لي انا
كريم: ايوه حبيبي بس شكلها ح تبوظ
ريم: لا خلاص م عايزه اعرف
آيات: طيب اخليكم انا نتلاقى ف البيت ومشت
كريم:طمنيني عليك
ريم:م شفت ابوي جاب لي سواق يجيبني ويرجعني البيت 😔
كريم: استحملي فتره مؤقته بس
ريم: انا من هسي زهجت وحاسه نفسي ف سجن وتاني م ح نقدر نطلع مع بعض
كريم: ح نطلع ونلف ونتبسط خلى الفتره دي تمر ع خير
ريم: ان شاء الله
كريم: يلا عشان تشوفي اصحابك ومحاضراتك لما تخلصي اتصلي لي
ريم: طيب حاضر اتصلت ل رباب ومشت عليهم
جنان: امس مشيتو فجأه مالكم خير
ريم: ابدا الزمن اتأخر بس
جنان: متأكده!؟
ريم: ايوه
رباب: وحسام ومراد كمان شفتهم وفجأه طلعوا بسرعه
ريم: ابو حسام تعب فجأه عشان كده
رباب: لا حوله سلامتو نتصل ليه بعدين
ريم: الليله برضو م ف محاضره!؟
جنان: دكتور بهاء ليهو اكتر من اسبوع م جا م عارفه مالو
ريم: بكون ف حاجه حاصله معاه
رباب: يمكن مسافر
جنان: م ظنيت
عُدي: بدل الاحتمالات دي نمشي نسأل سكرتيرتو وخلاص
ريم: انت صح يلا نمشي وصلوا المكتب
رباب: السلام عليكم كنا عايزين نعرف دكتور بهاء ليه م بجي الجامعه
السكرتيره: الدكتور عيان الفتره دي
ريم: خير عندو شنو وهو هسي كيف
السكرتيره : عمل عمليه زايده وهسي ف المستشفى ووضعو احسن شويه
ريم: طيب ممكن اسم المستشفى ورقم غرفتو
السكرتيره : اوك كتبتهم ليها ف ورقه
ريم: شكراً وطلعوا
رباب: البحصل شنو هسي
ريم: ح نمشي المستشفى
جنان: ح نمشي كيف طيب
ريم: دقيقه بس اتصلت ع ابوها ابوي كنت عايزاك ف موضوع
سامي: خير ف شنو
ريم: دكتورنا الحكيت ليك عنو عمل عمليه وهو ف المستشفى وكنا عايزين نزورو لو ف طريقه عبداللطيف يجي يوصلنا بما انك قلت م امشي مكان براي
سامي: طيب شويه وبجي عليكم وقفل
ريم: الموضوع ظبط خلاص
نص ساعه وعبداللطيف جا ركبوا معاه
عبداللطيف: اوو بنات حلوات صحبه بت مجنون
ريم: عبدو ماريا دي م شايفه شغلها معاها
عبداللطيف: هوي ماريا تعرف تقتل انا
رباب: عبدو م دام بتخاف منها م تشاغل
عبداللطيف: انا نشاغل بس قلب انا يشيل زول واحد بس هو ماريا
عُدي: ده الحب ولا بلاش
كلهم ضحكوا وصلو المستشفى
عبداللطيف: انا انتظركم هنا يلا
دخلو المستشفى الطابق التاني ريم دقت الباب
بهاء: اتفضل دخلوا كلهم
ريم: سلامتك دكتور
بهاء: الله يسلمك
جنان: بقيت كيف هسي
بهاء: الحمدلله تمام بس عرفتوا كيف اني هنا
عُدي: سألنا السكرتيره
بهاء: م قصرتو تسلمو
رباب: ده واجبنا واقل حاجه نعملها
بهاء: اها طمنوني كيف مع الدراسه
جنان: الحمدلله بس فاقدين محاضراتك
بهاء: ان شاء الله ف اقرب وقت اتونسوا معاه
ريم: بالمناسبه م شفنا زول معاك من جينا
بهاء: انا وحيد عايش براي وم عندي غير صحبي ياسين ومشى البيت وشويه بجي
ريم: وين زوجتك واولادك
بهاء: زوجتي ربنا يرحمها اتوفت بعد زواجنا ب 3 سنين وم عندي اولاد
ريم: اسفه ربنا يرحمها
رباب: نحن اولادك من الليله وانت م وحيد
عُدي: صح وانا ولدك الوحيد مفترض تدلعني وتنجحني
بهاء: ضحك همك كلو تنجح ي بكاش
ريم: اصلا دي شغلتو
رباب: عبدو منتظرنا تحت اتأخرنا يلا نمشي
ريم: نستأذن نحن دكتور وبكرا ح نجي نتطمن عليك تاني
بهاء: م ف داعي ل التعب م قصرتوا
ريم: تعبك راحه خلي بالك من نفسك واجر وعافيه
جنان: بالعافيه ان شاء الله وطلعوا
ف العربيه
ريم: دكتور بهاء ده عايش كده كيف بياكل وين وبغسل ليه منو وبهتم بيه منو
جنان: انا كمان فكرت ف كده مسكين ي حليلو
ريم: رايكم شنو بكرا نعمل اكل ونجي نقضي اليوم معاه اصلا م ف محاضرات
عُدي: فكره حلوه
ريم: طيب نقسم الحاجات بينا ونتفق
...
آيات مع كريم ف العربيه
كريم: قربنا نتكشف بسببك
آيات: وم اتكشفنا بسببي برضو م تنسى
كريم: المهم تاني م نتلاقى ف الجامعه
آيات:تمام هسي عايزه منك تخلي ريم تمشي معاك الشقه
كريم:مستحيل الكلام ده يحصل
آيات: وليه مستحيل
كريم: ريم م من النوع ده من البنات
آيات: ومالو تبقى زيهم
كريم: انتي بتعملي فيها كده ليه البت دي عملت ليك شنو لما شايله تجاهها كميه الحقد ده كلو
آيات: م ليك دخل انا بدفع ليك انت تعمل الانا بقولو وبس وم تنسى الفيديو حقك العندي ده لو وصل ل الشرطه ح تروح ف ستين الف داهيه
كريم: اسف طيب ح اعمل كده كيف
آيات: ايوه كده اتعدل ي سيدي عيد ميلاد ريم بعد يومين كل المطلوب منك انو....... فهمت!؟
كريم: اول مره تلاقيني بت ب الخباثه دي
آيات: ودي حاجه كويسه ولا كعبه وضحكت