أحببته_فأستغلني💔

20

جنان ورباب جابو حاجاتهم وجو قعدوا مع ريم وحبسوها هي ورنا وم كانو بقدروا يشوفوا حسام ومراد

حسام: اشتقت ليك لي اسبوعين م شفتك
ريم: صبرت اسبوعين باقي يومين
حسام: م عندك احساس اصلاً انا عايز اشوفك
ريم: مستحيل ولا تحلم الا يوم العرس بعدين مش الليله حنتك بتتكلم معاي ليه
حسام: اشتقت ليك قلت اسمع صوتك الحفله شغاله بس م لي مزاج لانك م فيها
ريم: ي بكاش بكرا حنتي م ح اكون فاضيه ليك
حسام: بجي احضرها
ريم: ولا تفكر ف الموضوع بقتلك هي حقت بنات
حسام: ح اجي وح تشوفي يلا باي
ريم:الله يهديك
رنا: اها جاهزه ل بكرا
ريم: ايوه وكويس انو الحفله بنات بس ح نهجج ع كيفنا
رنا: ونلبس ع كيفنا
مراد: مالك واقف هنا ومخلي الحفله
حسام: عايز احضر حنه ناس ريم بكرا
مراد: جنيت انت الحفله بنات بس
حسام: ومالو انا عندي فكره ح تخلينا نحضرها بعدين انت م اشتقت ل رنا
مراد: اشتقت ليها بس
حسام: يبقى تعمل البقول ليك عليهو
مراد: حاسي انك ح تودينا ف داهيه ب افكارك دي
..
تاني يوم كانت حنه ريم ورنا وعازمين بنات ونسوان بس
ريم:انتي النسوان المنقبات ديل منو اول مره اشوفهم
رنا: وانا كمان م عرفتهم هو ف منقبات بحضروا حفله
رتاج: قومو خلونا نرقص يلا
ريم: دقيقه هسي ح نعرف ديل منقبات ولا حاجه تانيه مشت عليهم هي ورنا مالكم قاعدين تعالو ارقصوا
رنا: ايوه البنات كلهم برقصوا
حسام: همس ليه شكلنا اتكشفنا
مراد: كلو منك
ريم: بتقولو ف حاجه
حسام: ب صوت بت لالا نحن م بنعرف نرقص
رنا:  ومالو نعلمكم قومو معانا
حسام: نحن لازم نمشي الزمن اتأخر
ريم: ودي تجي انتو ضيوفنا
حسام: بنجي العرس ان شاء الله
ريم: م هو انتو العرسان لازم تجو العرس
مراد: اتكشفنا ارتحت كده كلو من افكارك الغبيه
حسام: غلطان انا الجبتك معاي
ريم: انتو مجانين والله ده شنو العاملنو ف روحكم ده
حسام: اشتقت ليك وكان لازم اشوفك
ريم: تقوم تعمل كده
رنا: امي لو جات شافتكم م بحصل خير
مراد: خلينا نمشي كفايه مصايب
حسام: جبان خلاص يلا نمشي
ريم: تمشوا وين خلونا ناخد سيلفي اول
رنا: ايوه ارفعوا النقاب
حسام: ح تفضحونا
ريم: سيلفي ولا انادي امي
مراد: لالا خلاص صوري سرعه اتصوروا وطلعوا
رنا: ح نذلهم ب الصوره دي تاني
مراد: غلطان انا البمشي ورا افكارك
حسام: غلطان انا البقول ليك افكاري ي جبان
..
تاني يوم رنا وريم ف الكوافير جا حسام ومراد
حسام: م ف داعي ل العرس خلينا نسافر طوالي
ريم: بططل جنك ده
حسام: م ممكن تكوني حلوه كده خايف يسحروك دقيقه ح احصنك ،حصنها وباسها ف راسها اخيرا ح تبقي لي
مراد: مخبيه الجمال ده كلو وين من زمان
رنا: قصدك م كنت سمحه يعني
مراد: لالا هسي اسمح ب زياده
رباب: ح تقضوها غزل هنا الناس منتظرننا ف الصاله
اتحركوا ومشوا الصاله دخلو ع اغنيه
" كملت بيك انا نص ديني"
رقصوا الاسلو بعدها هججو هجييج صاح وعملو الجرتق ومودعنهم
سامي: خلو بالكم ع بناتي
حسام: ف عيونا ي عمي
منى: خليتو لي البيت شين
رنا: م تبكي ي امي عليك الله
ريم: بابا خلي بالك من نفسك
بهاء: اخيراً قلتيها ضماها حاضر وانتي كمان
حسام: خلونا نمشي ح نتأخر ع الطياره
طلعوا ع المطار رنا ومراد مسافرين تركيا وريم وحسام ماشين بالي
حسام: يلا طيارتكم ح تقلع
ريم: ح اشتاق ليك
رنا: وانا كمان
مراد: كفايه بكا ح نتأخر كده ودعوهم ومشوا
ريم: اشتقت ل ناس بيتنا من هسي
حسام: بعد نسافر م ح تشتاقي ليهم
ريم: منو قال كده
حسام: انا قلت وخلينا نلحق طيارتنا
...
بعد مرور سنتين
ريم: حسام انا حاسه نفسي ح اولد خلاص
حسام:  عليك الله ي ريم كل يوم بتعملي لي دراماتك دي بنمشي المستشفى والدكتور بقول لينا لسه
ريم: بس المره دي شكلو ب الجد
حسام: متأكد زي كل مره
ريم: والله ب الجد مويه الراس نزلت
حسام: قومي خلينا نمشي المستشفى
ريم: شيل حاجات البيبي وديهم العرييه اول بعدين تعال ساعدني البس توبي
حسام: طيب
ريم: بسرعه ي حسام ح اموت من الوجع
ودا الحاجات العربيه ولبسها التوب واتحرك ع المستشفى
ريم: اتصل ع ناس امي
حسام: طيب اهدي ح اتصل ليهم طلع تلفونو ي خالتو ريم دي شكلها ح تولد نحن ماشين ع المستشفى
منى: طيب ي ولدي نحن جاين عليكم
سامي: خير ف شنو ي منى
منى: ريم ح تولد
سامي: اجهزي خلينا نلحقهم ب المسافه دي ح اتصل ل بهاء اكلمو
ريم وحسام وصلو المستشفى
حسام: مرتي ح تولد الدكتور وين
الممرضه: خليني ادخلها الغرفه الدكتور جاي
حسام: طيب دخلوها الغرفه الدكتور جا فحص عليها
الدكتور: جهزيها عشان نعمل ليها العمليه
حسام: عمليه ليه مش كانت ح تولد طبيعي
الدكتور: ضغط الجنين منخفض لازم عمليه
ريم: ي دكتور المهم ولدي يجي كويس
حسام: طيب ي دكتور
جهزوها دخلوها غرفه العمليات اهلها وصلوا واهل حسام
منى: ريم وين
حسام: ف العمليات
هاله: مش مفترض تولد طبيعي
حسام: قالو ضغط الجنين منخفض
الممرضه جات طالعه استاذ حسام المدام قالت عايزاك
حسام: طيب ودخل معاها ريم مالك
ريم: م تخليني براي انا خايفه
حسام: انا معاك م تخافي م ح اخليك
الدكتور: البس اللبس المعقم م دام ح تحضر العمليه
حسام: حاضر ساعدتو الممرضه لبس شايفه بقيت عامل كيف دكتور دكتور
ريم: بتشبههم
حسام: ولدنا ح يطلع بشبهك شايل عيونك وضحكتك
ريم: وشايل حنيتك بقى يتكلم معاها لما البنج مشى فيها وفقدت الوعي طول العمليه كان ماسك ايدها لما سمع صوت البيبي ببكي
الدكتور: مبروك جاتكم بت
حسام: الله يبارك فيك
الدكتور: شيلي البيبي نضفيه ووديه ل امو بعد تفيق ف غرفتها
بعد ساعه ريم فاقت ولدي وين ي حسام
حسام: قصدك بتنا جبتي بت زي القمر
ريم: ب الجد وين هي
جابتها الممرضه اتفضلي بتك
ريم: بسم الله شوفها حلوه كيف
حسام: بتشبهك
عبداللطيف: اخيرا بقيت جدو
منى: ما شاء الله تبارك الله عليها
بهاء: ح تسموها منو
ريم: حنين عشان تكون شايله حنيه ابوها
حسام: باسها ف راسها احلى حنين ف الدنيا
رنا: اها ي امي م جات حنين تقومو تنسوا نور
سامي: الاتنين حفيداتي بس الاولويه ل الصغيره
مراد: كده ي عمو بعتونا طوالي
منى: لازم كمان
...
بعد مرور سنه حسام بلعب مع حنين
ريم: جات صاره وشها ح تخلص من اللعب مع بتك دي متين
حسام: مالك زعلانه كده
ريم: من ولدتها وانت بتلعب معاها وم فاضي لي يعني بقت اهم مني
حسام: قام ع حيلو ضماها هو انتي ف اهم منك لو م انتي م كان حنين معانا هسي
ريم: اقعد حنكني زي كل مره
حسام: ي عبيطه انا بحبك وبحب حنين لانو قطعه منك وبتشبهك
ريم: وانا بحبك ي حنين انت
حسام: اخيرا بعد 3 سنين طلعت منك من غير م اطلبها
ريم: ي غبي انت انا لو م حبيتك انت احب منو وباستو ف خدوا
حسام: انتي عارفه انك احلى حاجه حصلت ف حياتي وبشكر عليك ربنا طول عمري💛
ريم: وانت عوضي العوضني بيه ربنا بعد م فقدت الثقه ف الرجال كنت اماني وحضني البتدسى فيهو وراحتي وسعادتي الطلعت بيها من الدنيا وبدعي ف كل لحظه بتنا تكون شايله صفاتك 💛

"النهايه"

العوض ي جماعه خليكم مؤمنين دايماً انو ورا كل حاجه بتكسر ف حاجه بتجبر الخاطر بعوضنا بيها ربنا💛
م تيأسوا من الحياه لأنها ماشه بمشي الشين وبجي بعدوا السمح 💛
ربنا مخبي لينا زول بشبهنا ف روحنا حتى لو دخلنا ف الف علاقه هو بس ح يكون لينا ف النهايه 💛
فأنتظروا الزول بقلب نضيف م تخلوا الفات يأثر ف الجاي عيشوا واتبسطتوا مع الزول الصاح 💛
دايما الفرحه البعد الحزن سمحه 💛

وي رب ترزق كل واحد الشريك الصاح البضحي وبهتم وبحن وبحب من قلبو 💛

اتمنى الروايه تكون عجبتكم مع خالص حبي 💛
بقلمي 📝 ايثو خالد 💛