أحببته_فأستغلني💔

19

ريم: انا جاهزه خلونا نطلع
طلعوا ووصلو بيت حسام م كان ف زول غير اهل حسام واهل مراد وهم سلموا عليهم وقعدوا
رنا:شكلو العروس لسه م وصلت
ريم: ان شاء الله م تصل
رنا: قلتي حاجه
ريم: لا ابداً انا عطشانه ماشه اشرب
هاله: خليك انا بجيب ليك
ريم:م مشكله بمشي اشرب
هاله: طيب المطبخ ع شمالك
ريم: تمام دخلت المطبخ فتحت التلاجه شالت مويه
حسام: كيفك
ريم: امم بخير
حسام:الفستان حلو
ريم:شكرا اهل خطيبتك اتأخروا
حسام: بكونو ف الطريق
ريم: اها كويس عايزه تنزل الكبايه من فوق
حسام: خليني اساعدك
ريم: شكرا بنزلها براي
حسام: طيب راحتك
ريم: جرت التربيزه طلعت فيها عايزه تنزل الكرسي مال بيها عايزه تقع حسام مسكها وعيونها جات ف عيونو
حسام: انتي كويسه
ريم: ايوه ممكن اسألك سؤال انت عايز تخطب ليه
حسام: لو م عايزاني اخطب هسي بلغيها
ريم: ي ريت
حسام: بس ح اخطبك انتي بدلها
ريم: موافقه
حسام: قدر كلامك ده انتي
ريم:دقيقه لا لا انا بقول ف شنو فكني خليني امشي
حسام: م بفكك الا تقوليها
ريم: اقول شنو
حسام: انك موافقه ع خطوبتنا
ريم: انت مجنون والبت الجايه ف الطريق دي
حسام: اي بت !؟
ريم: خطيبتك واهلها
حسام: م ف زول جاي
ريم: كيف يعني مش خطوبتك الليله
حسام: م ف خطوبه لانو هي م وافقت لسه
ريم: وعازم الناس ع اي اساس
حسام: قلت احتمال توافق
ريم: هي منو انا راسي شطب
حسام: انتي
ريم: انت مجنون والله
حسام: ايوا انتي اقنعيني انك م زعلتي لما عرفتي اني ح اخطب وم كنتي بتفكري فيني
ريم:زعلت بس م
حسام: ما شنو وافقي وخلي الموضوع ينتهي
ريم: ولو وافقت البضمني شنو م تكون زي غيرك وتزعلني وتبكيني
حسام: عايني ف عيوني ديل ووريني شايفه شنو
ريم: شايفه امان
حسام: انا لو م فرحتك م ببكيك وانا م حبيتك عشان ازعلك فاهمه
ريم: ولو زعلتني
حسام: وقتها عاقبيني ب اي طريقه انتي عايزاها
ريم: طيب اتفقنا
حسام: يعني موافقه
ريم: امم ايوه
رنا: اخيراً ده انتو هديتو حيلنا
حسام: كلو من اختك دي
ريم: والله خلاص ح اغير رايي
حسام : لا والنبي انا م صدقت انك وافقتي
رنا: خلونا نطلع برا ديل منتظرننا
مراد: اها وافقت ولا غلبتك
حسام:نسيت انا منو اكيد وافقت
عبداللطيف: كده انا اقدر اطلب ايد بتك ريم ل ولدي حسام
سامي: وانا يشرفني بتي تبقى ل ولدك
حسام: خلونا نقرا الفاتحه قبل تغير رايها
هاله: ادبتك البت دي تستاهل
حسام: من هسي عرسنا انا ومراد ف يوم واحد
ريم: بس انا لسه م خلصت جامعه
حسام: ومالو تخلصيها من بيتك
ريم: لالا م موافقه
حسام: نتفاهم ف الموضوع ده برانا بعدين ي اقنعتيني ي اقنعتك

لبسوا الدبل وكلهم باركوا ليهم 💛

حسام: ف مشوار لازم نعملو
ريم: مشوار وين
حسام: تعالي معاي وح تعرفي
سامي: امشي معاه هو ح يرجعك البيت بعدين
ريم: طيب
طلعوا ركبوا العربيه ومشوا
ريم: نحن جايين هنا ليه
حسام: ده كمان ابوك ولازم اطلبك منو انزلي ضرب الجرس فتح بهاء
بهاء: ريم خير ف حاجه اتفضلو
حسام: ي عمي انا طلبت ايد ريم من ابوها ووافق وانت كمان ابوها وعندك راي
بهاء: لو ريم موافقه انا م عندي مانع فرحي من فرحها بس لازم تكمل دراستها
ريم: نفس كلامي القلتو ليهو
حسام: بالعكس انا ح اشجعها تكمل دراستها لانو مستقبلها بهمني بس ممكن تكملها من بيتها انا م ضامن يحصل شنو وهي بعيده مني
بهاء: كلامك منطقي بس الراي رايها
ريم: طيب انا موافقه بس بشرط ح تخليني امشي بيت اهلي وقت م عايزه
حسام: ده حقك من غير م تطلبي
بهاء: يبقى ع بركه الله

"الاختيار الصاح بتجي معاه الحاجات الحلوه 💛"

حددوا العرس بعد ريم تخلص السنه وف الفتره دي حسام ومراد اشتغلوا وعملو مكاتبهم الخاصه وفرشوا شققهم

حسام: حبيبي خلصتي
ريم: ايوه خلصت
حسام: طيب انا منتظرك برا تعالي
ريم: طيب طالعه
رباب: م مصدقه كراشي ح يعرس
ريم: اتلمي ده ح يبقى راجلي بعد كم يوم
جنان: واي من الغيره بس صبرتي ونلتي ي بنت المحظوظه حسام المكسر جكس الجامعه كلو
ريم: اهاا احسديني عليه ي جزمه
عُدي: انا حسدتك خلي هم
ريم: امشوا ي سناجل ي معفنين
رباب: قبل كم يوم كنتي زينا متين لحقتي تفتري كلو منك ي حسام
ريم: هوي اتلموا انا اتأخرت ماشه وم تنسوا من بكرا ح تجو تقعدوا معاي
رباب: تمام ان شاء الله
جنان: يلا عشان حبيب القلب منتظر
ريم: اوف منكم يلا ماشه زاتو طلعت ركبت مع حسام
حسام: اها اخر امتحان كان كيف
ريم:زي وشك
حسام: يبقى حلو
ريم: واثق من نفسك شديد
حسام: م ف شك ف انتاج هاله وعبدو
ريم:النصيحه اها ماشين وين
حسام: بما انو ده اخر يوم اشوفك فيه قبل العرس خلينا نحضر فيلم وبعدها ناكل وبعدها عندي ليك مفاجاه
ريم: موافقه
حسام: يلا نمشي
مشوا السينما حضروا الفيلم
حسام: خليك هنا ح اجيب حاجه واجي
ريم : طيب
كان ف اولاد واقفين بشاغلو ف ريم الجميل واقف براهو مالو
حسام جا شافهم خير ف حاجه مالكم مع خطيبتي
الولد: المزه دي خطيبتك
حسام: ايوه وضربوا بوكس واتشاكلو الا جا حجزهم الامن
ريم: انت كويس
حسام: شايفاهم بشاغلو فيك وساكته
ريم: عاجبني انهم بشاغلوني مثلاً ولا عايزني امشي اضربهم
حسام: م كان قصدي كده
ريم: قصدك ولا م قصدك رجعني البيت
حسام: م برجعك وم تصري لي وشك ده اسف خلاص خلينا نمشي ناكل
ريم: م جعانه
حسام: م ع كيفك وبعدين م ف مفاجأه الا ناكل
ريم: اووف طيب مشوا المطعم اكلو وطلعوا
ريم: اها المفاجاه شنو
حسام: دقايق وبتعرفي
مشى ب العربيه ووقف رايك شنو ف المفاجاه
ريم: ملاهي دي احلى مفاجاه ف الدنيا
حسام: عارف اني ح اعرس لي شافعه
ريم: الملاهي م الا ل الشفع ي غبي
حسام: طيب خلينا ندخل
دخلوا م خلت لعبه م لعبتها
ريم: انا عايزه غزل البنات
حسام: طيب مشى جاب ليها كيس مليان
ريم: ده كلو ي مجنون
حسام: ادي معاك رتاج
ريم: ابييت باكلهم براي
حسام: طماعه خلاص تاني م بشتري ليك
ريم:اننننن ح تشتري لي
حسام: سمح خلينا نمشي ركبوا العربيه وصلها البيت عايزه تنزل
حسام : دقيقه
ريم: ف شنو
حسام: فتح كبوت العربيه طلع اكياس
ريم: فيهم شنو
حسام: بعد تدخلي افتحيهم وبتعرفي
ريم: طيب يلا باي
حسام: باي ساي كده
ريم: اه ي منحرف
حسام: دايما فاهماني غلط قصدي قولي لي بحبك ساي ان شاء الله من عرفتك م سمعتها
ريم: مااام ونزلت دخلت البيت
حسام: ي رب صبرني ع البلاوي دي
رنا: دي شنو الاكياس دي كلها
ريم: م عارفه جابهم حسام
رنا: افتحيهم نشوف
ريم: طيب فتحتهم لقت بوكس شوكلاته وشيبس وسلسال ب اسمها واسموا مع بعض وخاتم فضه وبرطمان سعاده وعطر
رنا: ليه مراد م بعمل لي كده
ريم: لانو م ف زول زي حسامي
رنا: حسامي مش ده الكنتي رافضاه
ريم: كنت بس هسي م ح اخليه ابداً
رنا: الله يديم البينكم
ريم: امين والله ي رنا عوض ربنا ده سمح شديد منو كان يتخيل حسام يكون ف حياتي ويسعدني كده
رنا: وع نياتكم ترزقون وانت نيتك بيضاء وتستاهلي كل خير