أحببته_فأستغلني💔

15

الباب بدق تاني حسام فتح الباب كان سامي ومنذر وبهاء وياسين
منذر: انتو كويسين
حسام: ايوه م حصل شي
سامي: م عملو ليكم حاجه
ريم:لالا م تقلق بس عمو بهاء وعمو ياسين الجابكم شنو
بهاء: ااا جيت بيتكم اسلم عليكم وابوك كلمني نسيتي انو كنا جيران
ريم: اهااا
سامي:طيب خلونا نمشي
ريم: لا ي ابوي ف حاجه تانيه لازم نعملها
سامي: عايزين تعملو شنو
مراد: نعرف الكان بهدد صاحبنا منو وببتذوا لاننا شاكين ف زول قريب ليكم
ياسين: وده منو كمان
حسام: لما نشوفو ونتأكد بنقول ليكم مفترض نلاقيه بكرا المساء
سامي: الكلام ده كده كتير وح تدخلو نفسكم ف مشاكل
رنا:م تخاف علينا الموضوع ده م فيه تجار مخدرات تاني
ريم: خلينا الليله بس وبكرا بنرجع مع مراد
مراد: اتطمن ي عمي انا معاهم
سامي: لو حصل اي شي اتصلو لي
منذر: موضوع العصابه ده لسه م انتهى عشان كده اعملو حسابكم
بهاء: ريم م تخاطري ي بتي فاهمه
ريم: ان شاء الله ي عمو
منذر: خلونا نمشي نحن
قعدوا ف الصاله بفكروا ح يعملو شنو بكرا
...
تاني يوم المساء حسام اتصل ع رقم آيات من تلفون كريم
حسام: اها جهزتي القروش
آيات: ايوه جاهزه
حسام: طيب لاقيني ف المكان ده حالاٌ وم تتأخري
آيات:طيب
حسام: انا ح امشي اقابلها براي
ريم: نحن ح نمشي معاك
مراد: ايوه نمشي كلنا
حسام: طيب خلونا نطلع
طلعوا وقفوا بعيد من المكان شايفين بت نزلت من تكس وشايله ظرف ف ايدها
حسام: انا ح انزل انتو خلوكم هنا لما أشر ليكم تعالو
مراد: طيب
حسام نزل ومشى عليها لما وصلها
آيات: حسام
حسام: طلع شكنا ف محلو انتي سبب البلاوي دي كلها
آيات: انت م عارف حاجه انا عملت كده ليه
حسام: م عندك مبرر عشان تأذي ريم
آيات: لا عندي مبررات كتير
قطعتهم ريم : مبرراتك شنو ي صحبه عمري وجارتي
رنا: ريم عملت ليك شنو عشان تعملي فيها كده دي كانت بتحبك زي اختها
آيات: عملت لي شنو اقول ليك من صغار هي البتجي الاولى ف المدرسه امي بتقول لي ابقي شاطره زي ريم ولما نجي بيتكم تجيب لينا العصير وتعمل الاكل امي تقول لي شوفي ريم بتشتغل ابقي زيها ياخ ف الونسه دي بتقول ليك خليك زيها مع انو انا الابوي عندو قروش وبجيب لي اي حاجه نفسي فيها بس لما ابوك يجيب ليك حاجه مع انها اقل من العندي بس بحس بيها اكبر ولما دخلنا الجامعه عملتي اصحاب من اول يوم وحتى الولد العاجبني وحبيتو م شايفني قدامو عشانك انتي ولما كنت بشوف حب اخواتك ليك بقول حتى دي اتحرمت منها ،انتي كنتي الكابوس الفي الحياتي
حسام: الحقد ده كلو شايلاه ف قلبك انتي مريضه ولازم تتعالجي
ريم: انتي كنتي بتغيري مني انا صحبتك واختك كان تجي تقولي لي كلامك ده والله كنت خليتهم ليك
آيات: عشان تشفقي علي انا كان لازم انتصر عليك فكان لازم اخد منك الحاجات دي خربت بينك وبين اختك ومراد وحسام وابوك اللي هو اصلا م ابوك
رنا: لا انتي جنيتي ع الاخر
آيات: انا م جنيت دي الحقيقه
ريم: كفايه كذب م عايزه اسمع منك حاجه
آيات: لو م مصدقه امشي اسألي العامل فيها ابوك ودكتور بهاء بتاعك ابوك منو فيهم
مراد: م تصدقيها دي مجنونه ساي
آيات: المجنونه دي سمعتهم ب اضانها يوم كنتي ف المستشفى كانو هو وامك ودكتورك واقفين بتكلمو
رنا: آيات خلاص اسكتي كفايه كده
آيات: انا قلت ليكم العندي وتاني القرار قرارك وم دام الحقيقه اتكشفت م اظن ف داعي ل القروش عن اذنكم ومشت
ريم: رنا هي بتكذب صح انتي ورتاج اخواتي ومنى امي وسامي ابوي
رنا: ايوه صاح م تصدقيها
حسام: ريم اهدي البت دي كذابه
مجد: ي جماعه عشان نحل الموضوع ده خلونا نمشي بيتكم ونعرف الحقيقه من اهلك
رنا: ايوه خلونا نمشي ركبوا العربيه ريم سارحه بتتذكر لما بهاء قال ليها بتشبهي مرتي
..
وصلوا البيت كان بهاء ومنى وسامي وياسين ورتاج قاعدين ف الصالون
سامي: اتأخرتو كده مالكم
ريم: انت م ابوي الحقيقي الكلام ده صاح
سامي اتصدم من كلام ريم
ريم: رد لي ي ابوي دكتور بهاء هو ابوي م انت
سامي: ااانا ابوك الربيتك ي ريم
ريم:سؤالي واضح ابوي منو فيكم
منى: سامي كفايه كده خليها تعرف الحقيقه ح نخبي ل متين
سامي: لا ي منى هي بتنا نحن
منى: انا ح اقول ليك الحقيقه ايوه صاح بهاء هو ابوك بس نحن الربيناك نحن المن اتكلمتي قلتي ماما وبابا كانت لينا
ريم: وكذبتو علي كل السنين الفاتت دي ليه
منى: امك الله يرحمها جابتك لينا وانتي عمرك 6 شهور
Back...
ف يوم رهف جات بيت ناس سامي
رهف: سامي انا تعبت من بهاء ده كل يوم يجي نص الليل سكران انا بقيت خايفه ع بتي دي منو والمرض اتملك جسمي خايفه اموت واخليها وراي م يقدر يربيها
منى: م تقولي كده ربنا يطول ف عمرك وتربيها
رهف: عندي طلب ي ريت م ترفضوا
سامي: قولي ي اختي
رهف: نحن عشرتنا م هينه من صغار قمت انا ومنى سوا لما كبرنا واتزوجنا م فارقنا بعض وانا م ح القى غيركم اثق فيه واستئمنو ع بتي
مني: م فهمت قصدك
رهف: ح اخلي ريم معاكم تربوها
سامي: ده كلام شنو ي رهف ح تحرمي البت من ابوها
رهف: وين ابوها ده ! الما حاسي بوجودها ولا قيمتها الما عارف لينا حاجه غير السكر
منى: بس ده قرار صعب حتى لو وافقنا خليناها معانا هو ح يجي يفتشها
رهف: ح اديكم قروش اجروا بيت تاني  ف مكان م يلقاكم فيه
سامي: قروش شنو ي اختي الكلام ده قوليه ل زول غريب بتك بقت من دور بناتي من هسي
رهف:وده العشم وتقدر تسجلها ب اسمك واسم مني ف الشهاده عشان م يقدر يصل ليها
منى: م عارفه اقول ليك شنو بس خير
رهف: انا امشي قبل م يجي وخلوا بالكم ع ريم انا مخليه ليكم روحي
سامي: م تقلقي ف امان استأذنت وطلعت رجعت البيت لقت بهاء جا
بهاء: كنتي وين وريم وين
رهف: قاعده محل لازم تكون ولا عايزني اخليك تقتل بتي ب سكرك ده
بهاء: انتي مجنونه وديتي البت وين
رهف: م بقول ليك وم تحاول تفتشها م ح تلقاها ودخلت غرفتها اتسطحت ودمعتها ف عينها وبهاء طلع يفتشها لافي اليوم كلو لما تعب رجع البيت طلع غرفه رهف
بهاء: ي رهف وريني بتي وين م ردت عليه ، رهف انا بتكلم معاك ردي علي مشى عليها حاول يصحيها بس هي كانت روحها عند ربها بقى يكورك زي المجنون خليتيني ل منو ي رهف مشيتي انتي وبتي قومي خلاص انا م ح اشرب تاني وح اسمع كلامك صدقيني قومي
عدا ع العزا اسبوع بهاء قرر يرحل من البيت عشان م يتذكر رهف بطلع ف ملابسو من الدولاب وقعت ورقه فتحها

" سامحني ي بهاء بس كان لازم اعمل كده انت الاضطريتني اعمل كده لما تلقى الرساله دي انا ح اكون مت م تخاف ع ريم هي مع سامي ومنى وح يقدروا يربوها كويس ويحبوها حاول تتغير وتبقى انسان كويس اشتغل واسس نفسك عشان يوم تلقى بتك تلقى ابوها زول محترم ومالي مركزوا تفخر بيه "

بهاء اول م قرا الرساله مشى ع بيت سامي دقه الباب م ف زول بفتح طلعت جارتهم قالت ليه الناس ديل رحلوا وبقى يفتش ف اي مكان لما يئس وقرر بعدها يعمل ب وصيه رهف اشتغل وبقى دكتور ف الجامعه البتقرا فيها ريم

Continue...

منى: دي كل الحقيقه بس خليك عارفه امك عملت كده عشان تحميك
بهاء: ده كلو بسببي انا هم م عندهم ذنب انا الكنت اناني وانسان تافه م قدرت اراعي امك ولا اراعيك
سامي: ريم م تسكتي قولي حاجه
ريم كانت بتسمع ف الكلام وهي مصدومه فتحت الباب وطلعت بسرعه
سامي: ريم ماشه وين تعالي
حسام: انا بمشي وراها خليها طلع وراها لحقها ريم اقيفي م ردت ليه مسكها من ايدها
ريم: حسام خليني
حسام: ماشه وين
ريم: م عارفه انا طلعت م بتهم يعني ديل م اهلي
حسام: تعالي معاي اركبي العربيه
ريم : م ح اركب خليني ف حالي
حسام : م بخليك ح تجي معاي
ريم: حسام ياخ قلت ليك خليني ركبها العربيه غصب وطول الطريق بتبكي وقف ف شارع النيل
حسام: اهدي ي ريم البكاء م بغير حاجه
ريم: انا طول السنين دي كنت عايشه ف كذبه
حسام: فكري من الجانب الايحابي امك عملت كده عشانك وعمو سامي وخالتو منى م قصروا منك ربوك وكبروك وتعبوا فيك وعمرهم م حسسوك انك م بتهم كانو بعملو ليك كل النفسك فيه ورنا ورتاج بحبوك كأنك اختهم
ريم: بس بعد العرفوه الليله ح يحبوني زي اول
حسام: م ف شي ح يتغير عارف الموضوع صعب عليك بس الناس دي كلها اتوجعت وضحت م براك امك وابوك كونهم شايلين السر ده طول المده دي ده براهو هم وابوك الاتغير عشانك
ريم: كانو يحكوا لي
قاطعهم تلفون حسام رنا متصله
حسام: ايوه ي رنا
رنا: ابوي ي حسام ابوي بموت
حسام: اهدي فهميني براحه عمو سامي مالو طيب طيب نحن جايين ع المستشفى
ريم:مستشفى شنو وابوي مالو ي حسام اتكلم