أحببته_فأستغلني💔

2

ريم وآيات اتعودوا ع الجامعه ،آيات عملت شله مهند وميس وايمن وسنيرهم هاني اخو مهند
ريم كانت بتتجاوز تقعد معاهم لانها م بتحبهم وآيات بقت بتشبهم ف لبسها وكلامها حتى تواصلها مع ريم قل
ف يوم ريم وجنان قاعدين ف الكافتيريا جا مهند قعد معاهم
ريم: انت منو سمح ليك تقعد
مهند: م مضطر اخد اذن زول عشان اعمل حاجه
ريم: ده عند امك ي فالح واتفضل قوم من هنا عشان م اعمل حاجه م بتعجبك
مهند: ولو م قمت
ريم: شالت قاروره المويه كشحتها فيه
مهند: انتي حيوانه وعايز يمد ايدو يضربها كف جا حسام مسكو
حسام: اهلك م علموك انو من قله الادب تضرب بت
مهند: وانت منو عشان تدخل
حسام: اممم ملك الموت
مهند: ع نفسك وضرب حسام بوكس وحسام رداهو ليه واتضاربو الاتنين لما الأمن جا حجزهم وداهم مكتب العميد
العميد: ممكن افهم الحاصل شنو
مهند: هو الغلطان
حسام: ارجل شويه م تكذب عايز تضرب بت
مهند: وانت بتدخل ب صفتك شنو
حسام: بصفتي راجل ولازم أعرفك حدودك
العميد: عايزين تتشاكلو تاني يعني طيب الاتنين مفصولين اسبوع المره الجايه ح يكون فصل نهائي فاهمين اتفضلو يلا
اول م طلعوا يان ورباب وجنان وعُدي وآيات وهاني وميس جوهم جاريين
ريم: حسام انت كويس
حسام: م تخافي متعود ع المواقف دي
آيات: كيف اتجرأت تضربو
حسام: وممكن اضربو تاني لو عايزه
ريم: ضربو عشان التافه ده اتواقح علي وكان عايز يضربني
آيات: لاالا مستحيل
ريم: اسأليه ياهو قدامك
مهند: ايوه كنت ح اعمل كده م ف بت بتقدر تقول لي لا انا مهند حسن
ريم: يعني شنو مهند حسن توم كروز مثلا ي شافع اتلهي
حسام: انت بالله ولد العقيد حسن سبحان الله م ف اي شبه ف الاخلاق
مهند: بتعرف ابوي من وين
حسام: شغال عند ابوي
مهند: ابوي شغال عند ابوك انت !! ابوك يطلع منو اصلاً
قاطعهم مراد: يطلع الأنت قاري ف جامعتو وده شنو ي حسام بقيت بتساوي عقلك ب شفع
مهند: وانت تطلع منو كمان
مراد: انا اخو الفكرت تمد ايدك عليها واخو الضربك للأسف وولد نائب المشغل ابوك ولو فكرت تتعرض ل ريم تاني اتأكد ح يكون اخر ليك يوم ف الجامعه لالا ف الدنيا كلها وآيات ي ريت تخلي شلتك بعيد من ريم ويلا نمشي عازمكم
حسام: جادي انت ولا عشان قدام الناس ديل 😹
مراد: جادي حلاوه فصلك من الجامعه 😹
ريم: يلا قبل يغير رايوو شكلو عندو حمى 😹
مشو الكافتيريا وبتونسوا
ريم: انا اسفه اتفصلت ب سببي
حسام: لاا عادي متعوود
مراد: الاخ ده كل اسبوع بتفصل
ريم: مع انو ابوك العميد بعمل كده
حسام: ابوي ف البيت بس هنا م بعرفني
ريم: وانا البنيت آمالي عليك انو بقيت اعرف ولد العميد وتاني ح نتحامى بيه طلعت فشنك ساي
حسام: بتفكري ف مصلحتك ي حقيره 😹😹😹
جنان: كلنا كنا متأملين فيك الصراحه
عُدي: حتى اناا
رباب: اما انا كنت شايلاهو ل التقيله لما ارسب ينجحني
حسام: وهسي اكتشفتو انو م مني فايده صح هسي اكلو خلونا نمشي الزمن اتأخر عشان نوصلكم
اكلو ركبو مع حسام كلهم وصل كل زول بيتو باقي ريم بس ومراد وصلوها البيت ريم انزلو
حسام: مره تانيه
ريم: لا ح تنزلو ولا م نزلتو ح اكلم ليك امي ي مراد وانت عارفها
مراد: اووف منك طيب ح ننزل
نزلو دقت الباب فتحت رتاج
رتاج: مرااد اشتقنااا
مراد: كتيير كيفك وكيف مع الدراسه
رتاج: زي وشك كده
مراد: حلوه معناها
ريم: احم احم خلونا ندخل كملو ونستكم جوه
دخلو سلمو عليهم ام ريم مسكتهم الا يتغدوا مشت هي وريم المطبخ بجهزوا ف الاكل ابوها جا سلم عليهم وقعد يتونس معاهم ريم نادتهم الاكل جاهز
ابوها: بقيتي بتاعه مشاكل قالو لي
ريم: انا دي برري من يومي مسكينه م تصدق الاتنين ديل
حسام: نحن بنكذب كمان ي عم سامي
ابوها: معقوله ابداً
ريم: والله يعني بتصدقهم هم سسسمح
امها: الاكل ح يبرد اكلو خلو المناقره
خلصو اكل وشربوا الشاي
مراد: بعد كده نمشي نحن
ابوها: اتونسوا شويه
حسام: مره تانيه وتسلم ايدك ي خالتو ع الاكل
امها:الله يسلمك ي ولدي وخلو بالكم ع ريم لانها طايشه شديد
حسام: م تقلقي عليها وطلعوا
..
المساء تلفون ريم بتصل رقم غريب ردت
ريم: الو مين
هو: معاك هاني
ريم: هاني منو!؟
هاني: هاني صاحب آيات
ريم: اهاا وعايز شنو كمان وجبت رقمي من وين
هاني: شلتو من آيات كنت عايز اعتزر ليك عن العملو مهند اخوي الليله
ريم: ولي امرو انت عشان تعتذر لي وبدل اصلا تعتذر امشي علم اخوك الأدب
هاني: ليك حق تقولي اكتر من كده المهم ي ريت تقبلي اعتذاري واسف لو ازعجتك
ريم: طيب ولا يهمك تسلم باي
اتصلت ل آيات طوالي
ريم: انتي اديتي رقمي ل هاني ليه
آيات: قال عايزو يعتذر ليك
ريم: يعني اي زول يقول ليك عايز رقمي تديهو بعدين انتي عارفه انو الانسان ده م بطيقو
آيات: الموضوع عادي م فيه شي زول وعايز يعتذر
ريم: لو سمحتي تاني م تدي رقمي ل زول تمام وقفلت
جات رنا داخله : جايطه مالك
ريم: م ف شي
رنا:اممم واضح
ريم: م ناقصاك انا هسي عايزه انوم عندي محاضرات بدري
رنا: وانا الكنت عازماك بكرا
ريم: احححلفي والنبي
رنا: والله ح اجيك ف الجامعه نطلع سوا
ريم: قامت حضنتها احلى اخت ف الدنيا
رنا: هسي احلى اخت ي جزمه زحي مني مش قلتي عايزه تنومي يلا
ريم: سسسمح تصبحي ع خير
...
ف بيت حسام نزل المطبخ يشرب جا طالع
ابوه: انت ح تفضل انسان مستهتر كده ل متين كل يوم جاي ب مشكله جديده
حسام: مش انت العلمتنا م نسكت ع الغلط م ممكن اشوف ولد بمد ايدو ع بت واسكت خصوصا لو اخت صحبي
ابوه: انت ح تعمل لي الجلطه
امو: براحه ع الولد م كده
ابوه: م ف زول خارب الولد ده غيرك
حسام: انت مش قلت ف البيت ابوي وف الجامعه م بتعرفني يبقى م تجي تناقش معاي مشاكل الجامعه ف البيت عشان انا هنا م طالب تصبحوا ع خير وطلع غرفتو
ابوه: لالا الولد ده ح يقتلني ويقعد
امو: حاول اتكلم معاه براحه انا م مستعده اخسر ولدي الوحيد بسبب تصرفاتك
ابوه: انا البخليك تخسريه يعني والله كلام غريب احسن امشي انوم تصبحي ع خير
..
الصباح ف بيت ريم وهم بفطروا
ريم: ي ابوي انا عايزه اعمل ترحيل
امها: ليه مش بتمشي مع ابو آيات
ريم: حاسه نفسي تقيله عليهم وم مرتاحه وبعدين آيات متغيره من دخلت الجامعه وانا بقيت اتحسس من الموضوع ده
ابوها: انا كمان كنت عايز اقول ليك كده بس خفت تزعلي
ريم: طيب انا صحباتي عاملين ترحيل ح امشي واجي معاهم ع الاقل نفس المجال وكلنا بندفع قروش
ابوها: م عندي مشكله وانا معاك
ريم: طيب ح اطلع انا بعد كده
رنا: بعد تخلصي اتصلي لي
رتاج: ماشين وين
ريم:رنا عازماني
رتاج: ماشه معاكم
رنا: عندك مدرسه اول م تأجزي بنطلعك معانا
ريم: انا اتأخرت يلا باي
طلعت ركبت العربيه مع آيات ورا
ريم: اسفه ع كلامي معاك امس بس كنت متضايقه شويه
آيات: ابداً م زعلانه والله
ريم: طيب كنت عايزه اقول ليك بعدين م تنتظروني عشان ح ارجع ب الترحيل
آيات: ترحيل شنو
ريم: سجلت ف ترحيل ح يوديني ويجيبني
آيات: وليه كده زعلتك ف حاجه انا
ريم: ابداً والله بس كده احسن م عايزه اتقل عليكم
آيات: تتقلي علينا عويره انتي
ريم: كده ح اكون مرتاحه خليني
ابو ايات: خليها ع راحتها
ريم:تسلم ي عمو
وصلهم الجامعه ريم نزلت مشت طوالي عشان تلحق المحاضره
آيات: ليه ي بابا قلت كده
ابوها: كويس جات منها اصلا البت دي م مستوانا انا م عارف انتي متلصقه فيها ليه
آيات: بس هي صحبتي من صغار
ابوها: بس هسي كبرتو اتعرفي ع ناس من مستواك فاهمين وراقين زي ناس ميس كده
آيات: كويس ي بابا انا ح الحق المحاضره باي
..
ف المحاضره الدكتور سأل سؤال م ف زول عرف الاجابه جات ريم دقت الباب اسفه دكتور الشارع كان زحمه
الدكتور: ودي مشكله منو م كل زمايلك وصلو بدري
ريم: آخر مره
الدكتور: طيب انا سألت سؤال ل زمايلك وم عرفوا الاجابه لو عرفتي الاجابه ح ادخلك
ريم: طيب
الدكتور: انتي كطبيبه ف المستشفى جا بيشن اثناء م بتشخصي ف حالتو جاتو صرعه ح تعملي شنو
ريم: ح ابعد اي حاجه حاده جنبو واسطحو ع جنبو الايمن واديه حبوب الصرع واسعفو
الدكتور: صفقوا ليها بس سؤال عرفتي المعلومات دي من وين
ريم: بتصفح مواقع الطب فباخد اكبر قدر من المعلومات بجانب المعلومات الباخدها من الجامعه
الدكتور: كويس وي ريت كلكم تعملو زيها اتفضلي ع مكانك
ريم: شكرا