Ang Teacher Kong Secret Agent

P R O L O U G E

"Papa! Papa! Gumising ka! Papa!"

Tinignan ko ang babaeng nakatayo sa harap namin ni papa na syang pumatay din sa tatay ko. Taklob ng itim na mask ang buong mukha ng babae. Balot na balot ang katawan niya. Pero kitang kita ko ang tattoo niya sa kamay niya. Ang tattong may ahas.

"Bad ka! Bat mo binaril si papa? Bad ka! Bad ka!"

Pinaghahampas ko ang babaeng pumatay sa tatay ko. Ang sama niya. Di man lang siya naawa sa batang ako. 8 years old lang ako nun.

Tinabig niya ako kaya naman naumpog ang ulo ko sa pader na naging dahilan ng pagputok nito. Bago pa ko mawalan ng malay dahil sa pagkakatulak niya sa akin. Nakita ko pang binaril niya ng tatlong beses ang tatay ko.

At tuluyan na akong nawalang ng malay.

Nagising nalang ako ng nasa headquarters na ko.

"Papaaaaaa!" Pagbangon ko nakita ko ang isang lalaking mas matanda sa akin.

"Sino ka? Asan ako? Nasaan ang papa ko?

"Nandito ka sa ABC Headquarter. Magpahinga ka muna di pa magaling ang sugat mo"

"Asan si papa? Gusto kong makita si papa"

"Sorry Ellise, hindi na umabot ang papa mo sa ospital. Nahuli kami"

"Papaaaaaaa"

Isang bangungot na ayaw kong balikan. Bangungot kung bakit ako napasok sa ganitong trabaho. Trabahong pinagpapasalamat ko dahil nakilala ko sila. SIYA.

Ngunit matatanggap ko ba ang katotohanan kung bakit ako napasok sa bangungot na to kung may kinalaman pala sila, mga mahal nya sa buhay ang dahilan ng pagkamatay ng tatay ko?

Anong pipiliin ko? Hustisya para sa pagkamatay ng tatay ko o ang pagpapatawad sa mga taong mahal ako na minahal ko na rin sa mga nagdaang panahon?