اسرار القصر الملعون😽😽😽😽😽😽 🏰🏰🏰🏰🏰
مع الرعب والاثارة🙀🙀🙀🙀🙀 والتشويق💒💒💒💒💒
الحلقه السابعةعشر 🏰🏰🏰🏰🏰
بقلم أمل الملواني. ...😾😾😾😾
.....مولي.....😻😻😻😻
بسم الله والصلاة والسلام على رسول الله
......وقفنا امس
على قراءة مفكرة ناريمان ومعرفة اسم حبيبها ووجود شخص تلبس سمعه اسمه عامر وكلم ياسر وهدده احنا عارفين مين عامر بس بالنسبه لياسر مازال مجهول
وليكمل ياسر القراءة حتى غفت عيناه
وايقظه سمعه في الصباح انت نايم ليه كده
ياسر يستيقظ مش عارف نمت كده ازي كنت بقرأ ثم ينتبه لكلامه ويغلق المفكرة ويدسها تحت الوسادة حتى لا يلاحظها سمعه ويعتدل ويقوم هي الساعه كام
سمعه قربنا على الظهر هنعمل ايه هنرجع
على مصر ولا نظامك ايه
ياسر ..لاء مش همشي من هنا الا اما احل الألغاز والاسرار دي لازم افهم في ايه
ويقوم من سريره ليغسل وجهه ويبدل ملابسه
سمعه ..انا لو مشيت هتزعل مني
ياسر يلتفت له وينظر له ثم يقول ابدا عمري ما ازعل منك برحتك مقدرش اغصبك على حاجه
سمعه يحتضن ياسر ويقبله ثم يقول سامحني ياصاحبي
ياسر ولا يهمك هتمشي امته
سمعه ..كنت مستني اشوفك هتقول ايه انا معتش بنام وعلطول كوابيس وخيالات وحاجات غريبه القصر ده ملعون واللى يدخله لازم تصيبه اللعنه نصيحه مني انفد بجلدك ياصاحبي احنا مالنا ومال اللى بيحصل هنا انا رايح احضر شنطتي عشان اسافر ومره تانيه سامحني ياصاحبي
ويودعه ويترك ياسر لوحده يواجه مصيره بس ياتري سمعه هيرجع طبيعي تاني لما يمشى ده اللى هنعرفه في الحلقات القادمه
ياسر يبدل ملابسه ويذهب للقصر
ليتقابل مع رشاد وجلسوا يتكلموا بالحديقه
ياسر أومال عم إبراهيم فين
رشاد مش عارف ماله مردش علينا الصبح
وشكله غريب كده
ياسر انا معتش عارف حاجه هو البروفسير فين
رشاد ده مجنون اعد جوه يقول كلام غريب وبيعمل حركات غريبه عشان كده قلت اسيبه واطلع اعد بره في الهواء الطلق
أومال سمعه فين
ياسر سافر مصر اهله وحشوه
رشاد بس هتقعد وحديك في الظروف المهببه دي
ياسر وانا صغير ولا ايه أه اعد عادي
رشاد بس ولم يكمل ليرد عليه ياسر بلابس بلا مبساش تعالى نشوف المجنون اللى جوه ده
ويدخلان سويا ويبحثون عنه في الغرف حتى يجدونه في غرفة المكتب
رشاد وصلت لحاجه
البروفسير لسه بس في طاقه غريبه محيرانى هنا في الاوضه دي
ليترجم رشاد لياسر اللى قله طاقة ايه
البروفسير ..طاقه حراريه ودي مبتجيش غير من حد حي مش ميت
ياسر ازاي وفين بالظبط
البروفسير ..هنا ويشير للأرض
ياسر يذهب يرفع السجادة سريعا
ليجد قبو ولكن مغلق بمفتاح ليستغرب لما يوجد قبو هنا ومغلق هكذا ليخبط عليه وينادي فلا يجد رد
ليقف البروفسير وعه جهاز لقياس الحرارة المنبعثة ليحاولون فتح القبو فلا يعرفون
فيخرج ياسر لعم ابراهيم كي يأتي يفتح لهم القبو فلا يجده فليس من عادته ان لا يتواجد هكذا في غرفته او على الباب القصر ويجد الباب الخارجي للقصر مغلق مما يعني انه بالقصر ولكن اين لا يعلم
ليدخل لرشاد والبروفسير ليقول لهم انه لم يجده
وكيف سيفتحون هذا القبو ربما حبيبته محبوسه به وربما عصام ابن اخيها فهذه الحرارة تدل على اشاره قويه لوجود بشر احياء ليبحثوا جميعا في كل مكان عن مفتاح فلا يجدون ولكن اصرار ياسر على فتح القبو مازال قائم
ليذهب الى المطبخ ويحاول ايجاد اي شئ لفتح القبو ولكنه لا يجد سوى سكاكين واشياء لا تصلح ليأخذ سكين ربما يستطيع فتح القبو ولكن دون جدوى فيقول لرشاد والحل ايه
رشاد مش عارف
البروفسير يتكلم ورشاد يترجم
البروفسير الجسم يتحرك تحت الارض مما يعني انه يتحرك وان الغرفه التحتية كبيره
ياسر وده معناه ايه
البروفسير بعد ترجمة رشاد
انه هناك غرفه واحد يعيش بها
ياسر انا هتجنن ولازم افتح القبو ده
وسط هذا القلق
والعبث
والتوتر
والاحباط النسبي
يدخل عليهم عم إبراهيم
وعيناه حمروان والضيق والغضب يظهر على وجهه
ويقول
انتو بيتعملوا ايه هنا ازاي كده
ياسر في جسم الأجهزة اكتشفته تحت الارض دى في القبو ولازم نفتحه حالا يمكن حد موجود فيه
ليرد عم ابراهيم
محدش يقدر يفتح القبو ده لان مفاتيحه مع اصحاب القصر وممكن اللى في فيران وقطط
مش اكثر ومش من حقكم تقلبوا في حاجات الناس
ياسر وهو مستغرب لموقف عم ابراهيم ازاي يعني
وببرود شديد يرد عم ابراهيم زي ما قلتلك الاوامر اللى عندي تفحصوا القصر مش تفتحوا القبو واصحاب القصر مش موجودين
رشاد بس لم يمهله ابراهيم الرد انا بره ورجعوا كل حاجه مكانها وفتوكم من القصه دي
ولكن ياسر يلحظ اثر اتربه على جلباب ابراهيم عند خروجه فيقول بصوت مرتفع انت كنت فين والتراب ده من ايه
ابراهيم دون ان يلتفت له ولكن نبرة صوته توحي بالتوتر كنت بنضف حوض الورد منا المسؤل عن الزرع هاه حاجه تانيه
ياسر لا مفيش
البروفسير ..الحرارة راحت معتش ليها وجود ليستغرب كل من رشاد وياسر كيف اختفت ولم تعد موجوده
ياسر خليه يشوف تاني يارشاد
ليقول رشاد للبروفسير
فيظل يوجه الجهاز في كل الاتجاهات ثم يهز راسه بعدم وجود شئ
ياسر انا مش فاهم حاجه وينظر لرشاد
اللى رد عليه هو كمان انا كمان راسي اتلخبطت خالص
البروفسير يجمع الأجهزة ويهم على الرحيل
رشاد لياسر ناوي على ايه
ياسر هروح اعمل ايه
رشاد ايه رايك تيجي معاي للشيخ بدران ممكن يساعدنا هو كبير في السن وعنده درايه بأمور الجن
ياسر ماشي ممكن يفدنا في اللى احنا فيه
وفعلا يرحلون ويوصلون البروفسير للفندق ويذهبون الى الشيخ بدران
رشاد ياشيخنا عيزينك
ليفتح الشيخ بدران باب البيت ويخرج لهم خير ياوليدي حصل حاجه تانيه
رشاد لا يا شيخنا بس حبين نتكلم معاك شوي
ليشير لهم الشيخ على اريكه خشبيه كبيره بجوار البيت يجلسوا عليها ويستأذن منهم
حتى يدخل بيته ويرجع لهم
وبعد عدة ثواني يخرج لهم ناكل لقمه الاول شكلكم على احم بطنكم وبعدين نتكلم زي ما انتو عايزين
ياسر لا ياشيخنا الله يبارك فيك بلاش تتعب نفسك هما كلمتين ونروح علطول انا عارف انك بتنام بدري
الشيخ لسه هنصلي العشا ياولدي ونقعد نتكلم في المسجد براحتنا الوقيت تآكلوا وتشربوا الشاي الأول
وفعلا ماهي الا دقائق واحضروا صنيه بها طعام وجلسوا جميعا على فرش بالأرض
والتفوا حول الطعام
ياسر كتر خيرك ياشيخ ديما عامر
الشيخ عامر بحسكم ياولدي
وجاء الشاي وشربوه واذن اذان الحق ليقوموا الى الصلاه سويا
وبعد انتهاء الصلاه يأخذهم الى ركن بالمسجد
الشيخ هاه قولولي مالكم وايه اللى موتركم اكده
ياسر ..بص ياشيخنا انا شفت هنا حاجات غريبه ولو حد حكتهالي هقول ده فيلم مش حقيقه خالص وحاسس انه كابوس ونفسي اعرف بس اصحى من الكابوس ده
الشيخ اهدي بس ياوليدى واذا كان على القصر واللى فيه هو مسكون من زمان مش اكتر من اكده وممكن بكم جالسه نفضيه بس اصحابه هجروا وتركوه بعد اللى حصل لهم
ياسر ..هو ايه بقه اللى حصل لهم فهمني يمكن افهم
الشيخ ..بص ياوليدي
بقلم ...امل الملواني
انا كنت من عشرين سنه شاب متخرج من الازهر ودرست العلوم الشرعيه بس وانا في القاهره اتعرفت على شيخ جليل واتصحابنا جوي وكان بيخدني معاه جلسات بيعملها لوجه الله للرقية والعلاج من المس والجن ولما لقيته بيعملها لوجه الله ومساعدة الناس بدأت اتعلم منيه كل حاجه وكمان قريت واتبحرت في العالم ده وبعد اكده رجعت البلد وانا دارس وواعي وفاهم
وفي يوم دخل على ادهم بي وكان رجل طيب ومحترم وبيساعد الناس فقررت اسمعله واساعده
في الاول المشكله بتاعت اخته اللى ناس كتير عرفتها في البلد
ياسر مشكلة ايه
الشيخ ...لما اتقدم لها عامر ولد الدهشوري
والدنيا قامت ومقعدتش تاني خالص
نزل الاسم على ياسر كالصاعقه فقد سمع وقرا عنه ولكنه لايعلم من هو
ياسر ازاي ممكن تفهمني اكتر
الشيخ هفهمك ياوليدي
عامر ولد الدهشوري كان شاب زين ومليح والكل يتمني يتقدم لبنته عشان ادبه واخلاقه
بس هو قلبه محبش غير وحده بس واتعلق بيها واحنا هنا مبنعترفش بحاجه اسمها حب
وللأسف ده اللى حصل
كان مهندس شاب ولساته في اول حياته
واول ما ا تخرج راح اتقدم لأبو ادهم الجبلاوي الكبير وطبعا لأنه يعتبر من الخدم بالنسبه للجبلاوي الدنيا قامت على حيلها
وطبعا ادهم مكنش يقدر يقف في وش ابوه مع انه كان بيحب الولد وبيساعده ولأنه متعلم بمصر كان متفهم بس الجبلاوي عمل الكتير
ياسر اللى هو ايه
الشيخ... اولا طرد ابو عامر من الشغل وحاربهم انهم ميشتغلوش عند حد ومكتفاش بكده جاب الولد عامر وجلده بعد ما ربطه في نخله وقام بجلده قدام الخلق
وده جنن الدهشوري وولده ابراهيم لان عامر كان الامل ليهم وبكده كسره امام الناس كليتها
ياسر ابراهيم مين
الشيخ انت متعرفش ان ابراهيم هو ولد الدهشوري الكبير وعامر اخوه الصغير
ياسر يقف ايه ابراهيم حارس القصر
يبقى اخو عامر وولد الدهشورى لا معرفش
اول مره اعرف وانت يارشاد عارف
رشاد طبعا انت ناسي اني من البلد بس انت مسألتنيش ومعرفش ان حاجه زي دي تهمك
ومالك اتفزعت اكده اقعد اسمع باقي الحكايه
ليجلس ياسر وكله لهفة لسماع باقي الحكايه
كمل ياشيخنا كده دخلنا في الجد
الشيخ حاضر ياوليدي
بعد جلد عامر ابراهيم ثار وهاج وحلف لينتقم لأخوه
اللى اعرفه بعد كده ان الجبلاوي الكبير قعد بنته من الكليه وحبسها وكمان جاب عريس وكان هيجوزها بس هي رفضت الاكل والشرب وعيت جامد قوي
وجابوا دكاتره من كل مكان وعلجوها بس البنته مرجعتش زي الأول دبلت واعتزلت الدنيا
وعامر كان حاله ميقلش عنها ساب شغله واهمل صحته ولبسه واتبدل خالص
ممكن استأذنك ياوليدى اليوم لأني تعبان وبكره تجيني نفس الميعاد ان شاء الله واكملك الحكايه
ياسر انا اسف اني سهرتك وثعبتك سامحني
بس زى ما حضرتك شايف الدنيا ملغبطه وفي حاجات كتير معرفهاش
الشيخ ولا يهمك يابني انا هاعرفك اللى اعرفه بس اما باقي الحكايه ملك اصحابها
وربنا يسترها علينا دنيا واخره يارب
ويقوم ويغلق المسجد ويذهب لبيته ورشاد يوصل ياسر لبيته
ياسر اول ما دخل لقه في صوت في البيت
او بالاحر في المطبخ وصوت دربكه وقلق
مشي وهو خايف ليرى ما بالداخل
وعند وصوله للمطبخ نط من مكانه مفزوع
فقد وجد من يقف وظهره له ويعبث بالأواني المطبخ ليلف له ليجده سمعه فيجري عليه يحتضنه ويقبله خضتني ياحيوان
سمعه خضتيك وحيوان كمان وانا اللى مهنش على رجعت من نص الطريق وقلت اعملك اكل
ياسر حبيبي ياسمعه والله كنت عارف اني مش هاهون عليك بردوا دنتا حبيبي
بس للأسف واكل والتنك مليان فول على الاخر
سمعه ومين بقه اللى ملى التنك وكان مستني اما امشي
ياسر ده الشيخ بدران اصر ناكل معاه الناس هنا طيبه اوي
معلش ياسمعه هسيبك وانام شوي اصلي مرهق وتعبان اوي
سمعه ولا يهمك ياحبيبي نام انت وانا هلم الاكل واعينه
ليذهب ياسر الى غرفته ويبدل ملابسه
ويجلس على سريره ويخرج المفكرة حتى يكمل قراءة ما بدأه
ولكن ماحدث غير كل شئ وبدل الحال من الهدوء الى جمرة نار
نقف عند هذا الحد واتمني الحلقه تكون جوبت عن بعض الأسئله والاستفسارات
وياريت بليز تشاركوني ارائكم وبشكر بجد كل اللى بيتفاعل معاي بحبكم وكل سنه وانتم طيبين ....بقلم امل الملواني👻👻👻👻👻👻👻👻👻👻👻👻👻👻👻👻👻💀👻👻👻👻👻
