اسرار القصر الملعون😽😽😽😽😽😽 🏰🏰🏰🏰🏰
مع الرعب والاثارة🙀🙀🙀🙀🙀 والتشويق💒💒💒💒💒
الحلقه الثامنة عشر 🏰🏰🏰🏰🏰
بقلم أمل الملواني. ...😾😾😾😾
.....مولي.....😻😻😻😻
بسم الله والصلاة والسلام على رسول الله
......وقفنا امس
ان البروفسير وجد قبو تحت غرفة المكتب ولكنه مغلق بمفتاح غريب ولم يستطيعوا فتحه وان الشيخ بدران وصل لهم بعد الحقائق وكان اهمها ان عامر هو اخو عم ابراهيم وعند رجوع ياسر للبيت ارتعب عندما وجد احد يعبث في المطبخ ولكنه اكتشف انه سمعه قد عاد ففرح جدا
نبدأ عشان الناس المنتظره
دخل ياسر غرفته وبدل ملابسه وجلس
على السرير واخرج مفكرة ناريمان
وبدأ في القراءة ولكن ماحدث جعله ينتفض من مكانه فقد راي جدران الغرفه تتهاوي ونيران تخرج من الحائط
ليظل ينادي على سمعه ولكنه لا يسمعه وفجأة وجده امامه ليقفز عاليا انت دخلت منين والباب مقفول
ليضحك سمعه ضحكه عاليه باب ايه وانا يفرق معاي ببان ليقف ياسر مكانه ماذا يفعل اكيد ده مش سمعه ليتبدل شكله لشكل افعي كبيره تريد التهامه وهنا يتأكد انه مش سمعه صاحبه ليبدأ بتلاوة آيات من الذكر الحكيم برعشة في بدنه ورجفة تكاد توقف قلبه مما يراه ثم يغلق عينيه ويحاول التركيز في القرآن والتوكل على الله وقراءة الاذكار والرقية الشرعية ليجد صوت مرعب يقول مش هنقدر على فاهم نهايتك على ايدي ثم يبتعد تدريجيا وهو مغلق العينين ومازال يقرأ القرآن وعند انتهاء سماع الصوت يفتح عينه تدريجيا فيجد السكون يعم المكان وكل شئ عاد كما كان فيجري للخارج ليرى هل سمعه موجود ولا ده الجن من الأول
ليبحث عن سمعه فلا يجده فيمسك الهاتف
ويتصل ليرد عليه
اكيد مش عارف تنام من غيري حبيبي
ياسر انت وصلت
سمعه ..اه الحمدلله مردتش اتصل قلت لتكون نايم
ياسر اه كنت نايم وفي سره هو انت عارف حاجه
سترك يارب انت عالم اني طيب وعمري مأذتش حد وان كان ده اختبار انا راضي والله يارب
ثم يكلم سمعه اللى لسه على الخط
سمعه ...روحت فين انا عمال اكلمك مبتردش على ليه
ياسر ..هاه معلش اصلي سرحت كنت بطمن عليك ياصاحبي ويغلق معه
ويسترجع ماحدث منذ قليل فيخاف ان ينام ولكنه يرجع للمذكرة ويمسكها
ثم يقول لاء انا اعمل كوباية شاي واعد اقرأ
ويدخل يعمل الشاي ثم يتذكر سمعه وماحدث منذ قليل ليضرب كف على كف ثم يأخذ الشاي وهو يقول اللعب بدأ ومع مين مع الجن ياسلام ياسلام ياواد ياياسر
ثم يخرج يجلس بالصاله ومعه المذكرة ويجلس ويمسك المفكرة ويبدأ بالقراءة
ناريمان
كنت قاعده في غرفتي بعيط على اللى حصل لعامر ليدخل بابا على شوفي يابت انتي من النهارده مفيش كليه والعريس اللى جايلك هتوافقي عليه غصبن عنك ومفيش نقاش والغرفة دى متخرجيش منها فاهمه ولا لاء
ناريمان ...بابا بلاش كده وافهمني وياريت تسمعني بابا ارجوك اسمعني
الاب يقف ..مفيش بيني وبينك كلام بعد ما حطيتي راسي في التراب بنتي بنت الجبلاوي تحب ابن خدام من الخدم بتوعي
ناريمان ..بابا عامر مش وحش ده مهندس وله مستقبل كبير ولكنها لم تجد رد بل وجدت صفعه على وجهها جعلتها تهوى على الأرض وفمها ينزف دماء ويخرج الاب المتكبر دون الاهتمام بها
لتجد من يجلس بجوارها ويضع يده على كتفها ويطبطب عليها ثم يقول متزعليش
ياريت في ايدي حاجه انا حاولت اكلم بابا بس هو رافض الكلام بتاتا في الموضوع ده نهائيا وانا هحاول ابعد عامر من البلد
ناريمان تمسح دموعها بجد يا ابيه ادهم
ادهم طبعا وكمان هقنعه يرجع شغله ويشوف حياته لغاية ما اشوف صرفه او اقنع بابا
لتحتضنه ناريمان انت احسن أخ في الدنيا ربنا يخليك لي وتمسح دموعها ويخرج هو منديل ويمسح الدم اللى نزل من فمها ويحتضنها ثانية ويقول لها عايزك تكوني قويه مش ضعيفه كده وانا هروح الشيخ بدران وهحاول اخليه يشوف حد كبير يقنع بابا بالعدول عن موقفه
ناريمان يارب ياحبيبي
ثم تكمل بس للأسف لم تنجح كل المحاولات لأجد في يوم خطاب من عامر ويطلب مني الهرب معه ولكني اعلم جيدا جبروت ابي وانها ستكون النهايه ولهذا طلبت منه الرحيل وكان يرسل لي الخطابات مع عم زكريا الطباخ كان يحضر الخطابات اي مع الطعام اللى معتش بشتهيه خالص
بس بتنظره عشان الخطابات والاطمئنان على عامر فقط لاغير
ليجد ياسر زوبعة امامه ليقول لاء بقه هو مفيش الا انا في البلد دي ولا ايه
ليجدها الأميره تقف امامه اهدي كده ميبقاش قلبك خفيف وبعدين اللى عمله معاك الملك ده لعب عيال بيتسلى باللعب
معاك بس لسه بيجهزلك حاجه كبيره
ياسر ..والله طمنتيني الله يبشرك بالخير
لتظل الأميره تلف حواليه وهي تضحك وتقول بس عجبتني وانت واثق بنفسك وعرفت تخليه يترعب ويرحل
ياسر انتي كنتي موجوده
الأميره ...طبعا بس مقدرش اكشف عن نفسي انت عارف الملك لو شك بس اني بساعدك ممكن يقضى على في ثانيه
عارف يا ياسر لولا اني بيني وبين حبيبي عهد كان زماني حبيتك الواتي انت بني ادم جميل قليلون من البشر من نجد فيهم هذه الصفات انت زي ادهم ابو نورا
ياسر ينتبه لها ويقول اولا الحمدلله انك ملتزمة بوعدك لأني بحب نورا جدا
وثانيا بقه انتي تعرفي ابو نورا منين
الأميرة اعرفه منين قصتي معاه طويله جدا بعدين احكهالك
ياسر لاء ...احنا ورانا ايه احكي
الأميره ..ادهم اتجوزني قبل مراته و ثم تصمت وتكمل في حاجات كتير حصلت قبل ما يموت
وكنا اسعد اتنين
ياسر ...نعم بتقولي ايه اتجوزك ازاي يعني هو ينفع اصلا
الأميره...اة ينفع إيه اللى يمنع يعني
ياسر ... معرفش بس اول مره اسمع عن زواج الانس بالجن كنت فاكرها في القصص بس
الأميره ..لا موجود ووفقت اني اكون انا ومرا ته مع ان في قنونا مينفعش اكون انا وانسيه سوا بس وفقت لما لقيته انسان طيب بيساعد الكل لغاية ما حصل اللى حصل
ومقدرتش احميه لان الملك سلسلني وحبسني ومخرجتش من حبسي الا لما مات وده اللى هيجنني وكان نفسي اساعده
ياسر أه فهميني كده عشا ن كده بتساعديني
وبتساعدي نورا
الأميره ...نورا اغلي من عني في حاجات كتير مقدرش اقلك عليها الوقتي
بس اوعدك هتعرف كل حاجه في وقتها
الاهم الواتي اللى جيالك عشانه لازم تتحضر كويس اللى جاي هيكون كبير وعايزه قوه اكبر لمواجهة الملك حيتغور والقضاء عليه وسعتها انا همسك مكانه واحرر المملكة من
الظلم والقهر والجبروت
في حاجه عايزه اقلهالك وتفهمها كويس
نتركهم سوا ونروح نشوف اللى حصل للبروفسور
كان يجلس ويرجع الشريط في كاميرا الفيديو ويعيده اكثر من مره حتي رأى شئ
اذهله في الكاميرا ولكن ماحدث جعله يترك الكاميرا سريعا
فقد وجد خيال يتحرك ورائه وكأنه يتجهز لينقض عليه ليقف سريعا ويبدأ بقراءة اشياء لصرف هذا الشيء ولكن هيهات انه الملك حيتغور الذي تحداه ولابد من تلقينه درس كي يعلم من هو ومن تحدى
ليجد الخيال الاسود يحاوطه ثم يقترب منه ثم يتشكل بهيئات ارعبته ليقول الملك له تحديتني وسألقنك درسا لن تنساه ابدا ايها العجوز الخرف
ليرد البروفسير بثقه خارجيه فهو من الداخل مرعوب
لن تستطيع فعل شئ لي مها فعلت
الملك ايه الثقة دى انتم جبناء ونحن عندنا قوة النار فكيف تقول هذا
البروفسير سريعا يرسم دائرة حوله ويرش ماده بيضاء حول الدائره وعندما يقترب منها الملك يصرخ ويقول ايها اللعين ماذا فعلت
ليضحك البروفسير الم اقل لك لن تستطيع فعل شئ لي
الملك ...ممكن مقدرش اقرب منك بس في اللى يقدر بقرب منك ويفنيك ايها الفانون انتم البشر لا تستطيعون مواجهتي ولو
وهو يتكلم يشعل الغرفه ويضحك ارني كيف ستحمي نفسك ايها الصعلوك
الى لقاء اخر ان خرجت من هنا ويتركه ويخرج وهو مازال يضحك اما البروفسير فقد ظل يصرخ كيف سيخرج من هذه النار ولكن العنايه الإلهية هي الوحيده التي انقذته
فقد انفتح رشاشات المياه بالفندق لتطفئ النيران ولكن من الدخان واللهيب اغمى على البروفسير
وصعد عمال الفندق والمدير ليتفقدوا النزيل ليجدوه مغمى عليه
ليأخذوه سريعا الى المشفى ويتم التحقيق في الحريق وطبعا السبب مجهول
اما ياسر مازال مع الأميره اللى فضلت تقله على حاجات كتير تفيده في القضاء على الملك حيتغور
ولتكمل زى ما فهمتك لازم تتجهز كويس اوي هو مش سهل
ياسر ..نفسي اشوف نورا
الأميره غمض عينك وهات ايدك
وتمسك يده وتريه نورا اللى جالسه شاردة مقيدة الايدي والارجل بسلاسل
ياسر ..ازاي سيباها كده مش بتقولي بتحبيها
الأميره اه بس مقدرش اعمل حاجه الا اذا
قضينا على الملك القوه والسلطه له هو وهو المتحكم في جنود الجن والوزراء والحاشية كله تحت امره لكن وعدوني ان خلصتهم منه هيبقى ولائهم كله لي انا وسعتها بس اقدر اساعد الكل
ياسر ..الكل اللى هما مين
الأميره متشغلش بالك الوقتي غير بنفسك وبس وتحاول في اقرب وقت تكون جهزت
لان لو خسرت المعركة دي هتبقى نهايتنا كلنا فهمني
ياسر بس انا ممكن استعين بحد ولا عيزاني انا بس
الأميره ...حد تكون واثق فيهم مش اي حد لان الملك مسخر ناس كتير ومتهيالي انت عرفت حاجات كتيره تفيدك في اللي هتعمله
ياسر خلاص تمام ولسه هيكمل
الأميره لازم امشي حالا الملك بيدور على وقالب الدنيا علي وقبل ما امشى متجبش سيرة جوازي من ادهم فاهم مش وقته خالص
ياسر حاضر انا فاهم متشليش هم
اسفه ياجماعه الحلقه قصيره وبجد تعبانه بس مقدرتش مبعتلكوش وهحاول اعوضكم عن التأخير بحلقات كبيره بس دعواتكم
بقلم امل الملواني ....مولي
