اسرار القصر الملعون😽😽😽😽😽😽 🏰🏰🏰🏰🏰
مع الرعب والاثارة🙀🙀🙀🙀🙀 والتشويق💒💒💒💒💒
الحلقة الرابعة و العشرون 🏰🏰🏰🏰🏰
بقلم أمل الملواني. ...😾😾😾😾
.....مولي.....😻😻😻😻
بسم الله والصلاة والسلام على رسول الله
......وقفنا امس
طبعا كالعاده ياسر واللي معاه وابوه قبلوا مصاعب في الطريق لكن قدروا يسيطروا عليها وطبعا الولد في المستشفى يتم علاجه والضابط سافر يراقب القصر ويحاول يعرف مين المسؤل وياسر وابوه والشيخ الملك بيلعبهم
نبتدي عشان الناس المنتظرة
الاب ...لاء الاول اللي شفته والشيخ سالم كمان شافه بيقول ان الجن ده مبيهظرش بيبعت اشاره وبعدين ينفذ علطول ولازم نأخذ احتياطنا
ياسر ..حاضر ياسي بابا ويخرج من الغرفة لينفذ ما قاله له الاب
واثناء بداية الأب بتحصين المكان وياسر ايضا يجدون الام تصرخ عاليا
ليجري الاب والابن سريعا ليرون ما حدث للأم ليجدون الام تبكي بشده فقد انسكبت الشوربه الساخنه عليها وبدل من مواساتها ظل يضحكان
الام بتوتر وضيق ممكن اعرف بتضحكوا على ايه
ياسر ...بدون وعي افتكرنا طلعك عفريت
الام ...بضيق لا والله وده من ايه
عماد ...ينظر لابنه ليتدارك كلامه
ياسر بهظر معاكي الف سلامه ثواني اجيب شنطة الاسعافات ويرحل من امامها ليظل يضحك ويكتم ضحكاته
ويذهب الاب يحضر ثلجا يضعه وهو يضحك على ابنه
على قدمها التي احمرت كثيرا
يأتي ياسر بحقيبة الاسعافات ويأتي الاب بالثلج ويجلس الاب على الارض ويضع لها الثلج في مشهد رومانسي لينظر الاب ليجد ابنه وبناته ينظرون اليهم وكانه فيلم سينمائي ليصرخ في ياسر اطلع اعمل اللي قلتلك عليه ثم ينظر لبناته اتفضلوا انتوا كمان حضروا السفرة امكم مش هتتحرك
البنات ياعيني على الدلع لترد الاخرى ناس ليها عماد وحنيه وناس في الدنيا منسيه ياله ياختي وينصرفان
الاب ...سمعتي بناتك دول اكيد غيرانين
ليجد زوجته تصرخ مره واحده
لينظر لها في ايه
الام .ِ...رجلي براحه انت ضغطت عليها جامد
الاب ....الف سلامه يارب اللي يكرهك
الام وقد تناست الالم بجد خايف على ياعماد
عماد ....وانا لو مخفتش
عليكي هخاف على مين انا ليا غيرك في الدنيا
(لأبقى كده كتير اتلموا شويه احنا اعدين معاكم ولا ايه)
عماد اسكت بقه اصل عيالك زمنهم راجعين وبعد العشا هقلك في.....اوضتنا محدش يكون ظنه سوء٠ فاهمين نسبهم بقه يتعشوا وتعالوا نشوف اللي جرى في بيت سمعه وابوه
سمعه وابوه دخلوا من الباب متربين ومنكوشين اول ما دخلوا مراته شافته صوتت انتو كنتوا فين كده
ليفزع الاب وابنه هي نقصاكي انتي كمان
الاب روحي ياحاجه حضريلي غيار وفوطه على ما استحمى
سمعه وانا كمان
الام ينيلكوا ايه عمل كده فيكم
سمعه ...ينظر لها ماما بابا قال ايه
الام تشيح بيدها وتتركه وترحل
وبعد خمس دقائق مفيش غيرهم
ابوسمعه الحقوني هموت الحقوني
لتجري زوجته وابنه ليجده يقف
بدون ملابس وعمال يهش حاجه مش موجوده الام الله يكسفك وتتركه وتمشي والابن يعطيه الفوطه وهو مداري وشه لغاية ما لفها عليه
سمعه في ايه يابابا
ابو سمعه...يضرب سمعه بالقلم ثم يقول كان هنا يابن ....... وكان هيموتني انت السبب جبتهم لبيتنا
سمعه ...بابا اكيد تهيؤات انساهم متفكرش فيهم
الاب ...انا بتخيل وربنا لموتك ويجري وراه من الحمام لتراه بناته لافف الفوطه وبيجري ورا سمعه يضربه ليضحكوا عليهم ليتذكر الاب انه بالفوطة فيجري على غرفته ويلبس ملابسه وهو خجلان من زوجته وبناته ويقف يمشط شعره في المرآه ليجد العفريت يخرج له منها ليرمي الفرشة فيه فيكسر زجاج المرآه لتاتي زوجته تصوت
ياخراب بيتك اصوت يقلوا اتجننت ولا الم الناس
ابوسمعه ياوليه افهمي هو اللي طلع من المرايه وانا كنت بمشيه بس بس هو خلع والمرايه انكسرت
الام ...لاء بقى ده جنان رسمي المفروض اطلب العباسيه
وماهي الا دقائق لتجد ابنها يصرخ
الام تجري هي والاب ليرون ما به
سمعه الحقوني نار مسكت في
الام تنظر له نار ايه وتخلع الشبشب وهاتك ياضرب فيه وتقول هو انا نقصاك انت كمان يامجنون يابن المجنون
الاب عملتي اللي كنت هعمله اديله كمان يستأهل هو السبب هو اللي جابهم لحد هنا
اديله كمان لتنتبه الام له وهو مبسوط في ابنه وتقول لا والله ده على اساس انك مش لسه كاسر زجاج المرايه اللي جوه
الاب يقف صامت ووجهه في الارض زي تلميذ المدرسة
الام امشوا من وشي بدل ما اطلع عليكم عفاريتي
لتجد الاب والابن في ثانيه فص ملح وداب
لتجلس على الكرسي صبرني يارب الاب وابنه في يوم واحد الاثنين كده كتير
نتركهم ونروح مكان تاني انا هلكت ضحك عليهم
في الاقصر....
الظابط ايه اللي حصل
ليقف امامه شاب اصغر سنا حوالي ٣٠ عاما ضابط صغير
التقرير ..قدامك يافندم
الظابط ...هقرأه بعدين احكيلي علطول
الظابط الصغير ...بص يافندم انا اول ما روحت لقيت حاله من الهرج وناس داخله وخارجه ولما سالت العسكري اللي معاي قالي دول خدم بيجوا ينظفوا القصر ولما فضلت مستني لقينا هانم كبيره في السن بس مش اوي جايه في عربيه ايه مقلكش
واول ما دخلت من البوابه فتحت الازاز وقالت للحارس حصلني
وشكله اترعب منها وفعلا فضل يجري ورا العربيه لحد باب القصر
وبعد شويه سمعنا زعيق بس للأسف الصوت بعيد معرفناش منه حاجه
وبعد ساعه بحالها خرج الحارس وعليه غضب الدنيا كله واعد يكلم نفسه بس احنا بعيد مسمعناش حاجه
الغريب بقى يافندم ان الست دي خرجت ومبتتش في القصر بعد الهيصه دي كلها
وقفلوا القصر ومشوا طبعا انا مشيت بس خليت غفر يراقبوا القصر الاغرب بقى
انهم لقوا انوار القصر بليل عماله تفتح وتطفى واصوات صريخ زي ما يكون حد يتعذب جوا وشويه ولقوا رياح وعواصف عماله تلف حوالين القصر والزوبعه دي طلعت فوق القصر وعملت زي عفريت كبير
وشويه ولقوا صوت رزع وخبط ولما بصوا كويس لقوا الشبابيك والابواب عماله تفتح وتقفل
الاغرب بقه ان الغفر دول جهم حكولي كل حاجه وقالوا مش رايحين هناك تاني وروحوا قبل الفجر
الظابط وايه الغريب في كده ياحضرة الظابط
الظابط …الغريب يافندم انهم مروحوش بيوتهم ومفيش ليهم اثر ولا اهليهم عارفين عنهم حاجه وللأسف بعد اللي حصل ده محدش راضي يروح القصر تاني ولا راضي يراقب كله خايف على نفسه وبقول عندي ولاد
الظابط ايه الكلام الفارغ ده وانت ياحضرة الظابط خايف انت كمان
الظابط ...بصراحه عندي خطبتي وعلى وش جواز
الظابط يزيد غضبا امشي من قدامي ياحضرة الظابط حالا
لينصرف الظابط فورا دون تردد
الظابط ...وبعدين بقه في القضيه المعرقبه دي ويجلس على مكتبه يفكر ماذا يفعل
وتقف عيناه على المروحة التي بالسقف ليظل ينظر اليها وهو يفكر ليرى نفسه معلق بها وتدور المروحه سريعا لتقطع راسه ويتطاير الدم في جميع انحاء الغرفة ليرجع بالكرسي سريعا ليقع هو والكرسي ويصدر صوتا عاليا
ليدخل العسكري اللي على الباب خير يافندم
الظابط ووجهه مخطوف ابقى غير الكرسي الزفت ده رجله مش مظبوطه
ليذهب العسكري له ليساعده على النهوض
ويذهب يفحص الكرسي بس الكرسي سليم يافندم
الظابط ...بضيق اخرج بره حالا واعملي قهوه ياله
ويقف بجوار الشباك يحاول اخذ نفسه
ويفكر ماذا يفعل وهل الجن يحذره ام سيفعل به هكذا
نتركه يفكر ونعالوا نروح باريس
رؤيه تتصل بأخيها سامح
رؤيه...سامح حبيبي اخبارك ايه
سامح ...انا الحمدلله طول ما انتو بخير
رؤيه….سامح عندك علم ماما نزلت مصر ليه
سامح....لاء هي ماما سفرت انا معرفش اصلا
بقلم امل الملواني ...مولي
رؤيه ...غريبه ازاي تسافر من غير ما تقلنا ولا تعرفنا انا بتصل بيها زي كل يوم ردت الداده وقالتلي انها سافرت وكانت منزعجه جدا
سامح ...معانتوه ايه الكلام ده
رؤيه ...مش عارفه وبتصل بيها مش بترد على خالص
سامح ..اقفلي انا اتصل بيها واعرف ايه الحكايه
ويغلق معها ويتصل على امه اللي مردتش عليه نهائي
تعالوا نشوف ياسر بيعمل ايه ونرجع ليهم تاني
بعد ماحصن ياسر البيت نزل اتعشى مع والدته اللي عماد عمال يأكلها وناسي وجودهم خالص وعمال سرحان معاها
البنات في حس واحد لاء بقه كده كتير ارحموا من في الارض وراعوا ان احنا سنجل
لينتفض الاب وتخجل الام وينظر لهم ياسر ويشير بيده🖒ويرحل عن مائدة الطعام لغرفته
اما الاب فيقف ويسند زوجته وينظر لبناته انتو بقى تلموا السفرة وتغسلوا الاطباق جزاء لكم وعايز بعد ما اطلع امكم للاوضه
انزل الاقي الدنيا بتلمع لاء بتلمع ايه بتبرق
ويصعد وهو يسند زوجته لغرفتها وهي تضحك انت مالك النها رده حسستني اني لسه عروسه وان الزمن لا راح ولا جه بينا وكسفتني اودام البنات خلتني محروجه جدا
بقلم امل الملواني ..مولي
الاب.. لازم الكل يفهم انك مراتي وده اقل حق لكي عندي وعايز افهمك حاجه انتي مش بس مراتي حبيبتي وبنتي وصديقتي اللي جمعنا مش زواج وبس لا رباط اقوى من كده بكثير الحب فاهمه لتخجل يسرا وتحمر وجنتاها ليقبل عماد يدها وراسها ويقول لها نامي ياحبيبتي على اما انزل اشوف العيال دي
ويغطيها ويتركها وينزل لأولاده اللي واقفين في المطبخ و عماليين يضحكوا يقلدوا كلام ابوهم
الاب دخل ولم يتكلم وبعد سماعه لهم بصوت عالي على فكره احنا مرب نكوش على كده دي وقاحه لما تكون والدتكم تعبانه ورجلها محروقه وبدل ما تواسوها معاي تعدوا تتريقوا وتتكلموا بالشكل ده بجد خجلان منكم
البنات يضعون وجوهم في الارض ثم يتكلمون بابا مقصدناش احنا كنا بنهزر
الاب ..بغضب هزار ايه ووالدتكم بتتالم وبدل ما تواسوها تزعلوها
بجد لتاني مره زعلان ومش عايز اسمع منكم رد هستنى اشوف الصبح تعملوا ايه وتعتذروا لوالدتكم ازاي ويتركهم دون ان يسمع منهم ولا كلمه اخرى
لتخجل البنتان ويتموا العمل المكلفين به دون كلمه
اما ياسر فقد جلس بغرفته واخرج المذكرات وجلس ايكمل مذكرة نورا ام يبدأ ب ادهم ليستقر نظره على ادهم ليفتحها
ادهم
فكرت اكتب مذكراتي لان احداث كتير حصلت خايف على نورا اوي احوالها مش مريحاني وعامر احواله اتغيرت تماما
والاغرب انه طلع الجبل وخاوى الجن لاء والاغرب انه سلط على جنيه بس للأسف حبتني ورفضت تأذيني معرفش ليه فكر ياذيني رغم اني كنت واقف جمبه
المهم انا وهوزغوريس بنحب بعض اتفقنا وا تجوزنا ووعدتني ملهاش دعوه بمراتي اللي حامل في شهورها الاولي
من الطفل التالت لي وانا سعيد معاها بس الأميرة هوزوغوريس كملت فراغ كبير عندي مش عارف معاها بحس ان لسه طفل
المشكلة اني حاسس ان زينات حاسه بيا
النهارده هوزوغوريس جت وفرحتني وقالنلى انها حامل بس خايفه من اخوها حيتغور انا مش عارف افرح ولا ازعل
انا اصلا مش عارف انا بكتب ليه ولا مين هيقرأ الكلام ده
بس بكتبه
ثم يكمل ياسر القراءه
النهارده ناريمان اختفت وانا هتجنن الكل ببقول هربيت بس انا متأكد انها اتخطفت
دورنا في كل مكان محدش لقاها
طلعت الجبل ادور زي المجنون بس ملقتهاش
مش عارف اعمل ايه وعيلة عامر كلها اتحرقت في الحريق الكبير وعامر كمان
فيش الا ابراهيم اخوه اللي اختفى خالص عن البلد ومحدش بعرفله مكان
البيت بقى كئيب والاحوال اتغيرت الصبر يارب
انا بكتب بعد عدة ايام
الملك عرف بجوازي وحالف ماهيسبنبي انا وولادي
بعد فتره من الزمن نجد جثة اختي على السرير بنفس الفسنان اللي كانت لبساه يوم اختفائها كانت فين محدش يعرف
بعد عدة اشهر من الاكتئاب اكتب تاني
النهارده مراتي بتولد والاغرب ان زوجتي التانيه بتولد هي كمان اعمل ايه
مش عارف
زينات جابت بنت المفروض افرح بس قلقي على زوجتي التانيه مجنني
زينا انت مش فرحان ليه دي بنت زي القمر وعشان كده هسميها نورا
رديت عليها وانا مش واعي حلو وسبتها وخرجت وبعد شويه جالي خبر من هوزوغوريس انا جبت بنت زي القمر
وفرحت جدا وكأن الفرحه كانت لها وبس
ليفيق ياسر من القراءه على صخب بالبيت وصوت عالي ليقوم ويشاهد ما يحدث ليجد اخوته البنات يعدون لحفل ليحتفلون بأمهم
وطبعا ده من باب الاعتذار لها عما بدر منهم امس
ليفرح عماد فهؤلاء بناته اللي رباهم على الحب
الام سعيدة وفرحانه ليضمها الاب له ويشير لبناته بسعادة
ياسر سعيد لسعادتهم
ولكن السؤال هنا الى متي تدوم السعادة وما سيحدث توقعاتكم بقه النهارده انا نزلتها بدرى شجعوني الناس اللي بتسأل على النهايه امته وباقي اد ايه الصبر
بقلم امل الملواني ....مولي😽🙀😿😾😽🙀😿😾😽🙀😿😾😽🙀😿😿😾😹😻😼
