لماذا ياابى

لماذا يا ابى..مقدمة..

الام :الف الف مبروك ياابنى الحمد لله ربنا ميضيعش تعبك،ربنا اللى عالم انت تعبت قد ايه لحد ما وصلت للى انت عايزة .
لؤى:الحمد لله ياامى متعرفيش انا فرحان علشان شايف السعاده فى عينيكى ودى عندى بالدنيا كلها ،بعمل كل ده علشان اكون سند ليكى ياامى
الام :طب يلا ياحبيبى عشان أحضر لك الأكل ؛انا عاملة لك اكل انما ايه بمناسبه نجاحك .وهمت للذهاب لاحضار الطعام ،فاستوقفها حديث لؤى الذى بدا على ملامحه الضيق والهم ..
لؤى:وتفتكرى طارق بيه هيسيبنى الكليه اللى انا عايزها...قالها وضحك ضحكة استخفاف...هو على يقين انه لن يوافق .
الام:اهه..طارق بيه ...ده أبوك يا ابنى.وعمره ما هيقف ف طريق سعادتك ابدا.
لؤى:امى حضرتك عارفه زى ما انا عارف انه مش بيحبنى وعمره ما حبنى احنا بالنسبه له ولا حاجه .حضرتك عارفه بيعاملنى ازاى ..استحالة يوافق ادخل طب استحاله.،قالها لؤى وهو فى قمة غضبه .
الام:وهى تحاول ان تخفف عنه :مين قال كده بس ياا بنى ابوك بس بيقسى عليك علشان تذاكر وتجيب مجموع كويس (هى تعرف جيدا ولدها هو ليس من النوع الذى يهمل دراسته فقد كان طوال سنواته الدراسية متفوقا محبوبا من مدرسيه وكلهم يتنبأون له بمستقبل باهر،وكلنهاا لم تكن تعرف بما تواسيه)
لؤىّ:وقد لاحظ حزن امه الذى يؤلمه فلقد عاهد نفسه على عدم جعلها حزينه ابدا لذا حاول الا يظهر لها ضيقه مرة اخرى وقال ؛اوعدك ياامى انى هحقق احلامى مهما كانت الصعاب ربنا يعينى انى اقدر اخليكى سعيده .
الام :ربنا يهديك يابنى ويسعدك يارب...وكادت ان تبكى
فحاول لؤى تغيير مجرى الحديث وقال:ايه يا ست الكل فين الاكل ده شكلى كده هنام جعان
ابتسمت الام واحتضنت ابنها بحب وقالت:ثوانى والاكل هيكون جاهز