لماذا ياابى

الفصل الاخييير،الجزء الثانى

كان لؤى فى انتظار نور ليوصلها كالعادة للجامعه
عندما رآها صدم لم يكن يتوقع ان تلتزم فى ملابسها بهذه السرعه
لؤى: ايه الجمال ده يانور،تعرفى انك كده بقيتى اجمل بالحجاب الطويل ده
ابتسمت كل من نور وريم
كريم: ايه ده يا باشمهندس ،انت بتعاكس اختى قدامى ،طب استنى لما امشى
لؤى وهو ينظر لريم : لا طبعا مقصدش ده،،انا بس حبيت اعرفها ان ...
كريم مقاطعا: ايه يابنى بهزر،،انت صدقت ولا ايه ،محدش يعرف يهزر معاك
ضحك لؤى : طيب يلا يانور
نور:لا انا هروح مع ريم
لؤى : ايه ده انتوا اتفقتوا عليا بقا ،ماشى بس يارب طارق بيه ميعرفش،
رحلت نوور وريم
بقى كريم ولؤى
لؤى:عامل ايه يا بطل ف المذاكرة
كريم: الحمد لله ،فين الورق اللى عملته ليا وقلت هيساعدنى
لؤى ،معايا ف العربيه ثوانى
وذهب كل الى جامعته
********
فى الجامعه
لؤى: ايه يازيزو فين المعاد اللى عمى حدده
زياد بتردد: امم ،معلش يا لؤى هوا مشغول ،ولما وقته يسمح هقولك
لؤى وقد فهم ان ياسين يتهرب منه: مم تمام
جاء اتصال الى لؤى
طارق: انت يا متخلف متحضرش ولا محاضرة امبارح وكمان بتغيب معظم المحاضرات ،،،وكمان مزعل دكتور صبرى وعايز يشيلك الماده،،،ده انت وقعتك سودا،تعالالى المكتب بعد المحاضرات

لؤى وقد زفر ضيقا: وده عرف منين ده ،،مصيبه ليكون بيراقبنى
ربنا يستر ،
*******
زينب بفزع: اهدا بس ياحامد ،هنجيب لك ابنك
حامد بحالة هسيريه : ابعدوا عندى ،انا هروحله ،هروح ادور عليه،،ودفشها بعيدا عنه ،وفتح الباب وخرج مهرولا هائما على وجهه
زينب : رامى الحق حامد يارامى بسرعه ،اوعى تسيبه يمشى فى حالته دى
بالفعل لحق به رامى واتى به الى المنزل
وهاتفوا الطبيب ياسر واعلمهم ان يأتوا به فى الساعه ...
*******
لؤى ف الشركه
لؤى متعمدا اتفزازه بقوله (بابا): بابا انا بحضر المحاضرات ،بس امبارح كنت عند ام...
طارق مقاطعا اياه: اسكت انت وقعتك سودا ،بس عارف مين هيأدبك (كان طارق لا يعلم علاقه رعد ولؤى،لذا استغل الموقف ليجعل لؤى يكره رعد)
طارق للسكرتيرة:دخلى الباشمهندس بسرعه
دخل رعد : افندم يا باشمهندس ، وتظاهر انه لا يعرف لؤى
طارق :عايزك تأدبلى الحيوان ده
لؤى وقد تظاهر بالخوف من قوة رعد الباديه عليه واخذ يتراجع للخلف (ظن ان رعد لن يؤذيه)
لكنه تفآجأ بلكمة قويه جدا اسقطته ارضا وسال الدم من فمه وانفه
رعد وقد امسك بياقه لؤى:دى قرصه ودن عارف لو باشمهندس طارق اشتكى منك تانى هعمل فيك ايه ،اخفى من قدامى بدل ما اغير رأيى

تحامل لؤى على نفسه وخرج يجر ارجله بضعف من شده اللكمه الى ان خرج اخيرا من الشركه وهو يتوعد لذلك الرعد

رعد استأذن طارق بالذهاب ومتابعه عمله ،وجرى ليلحق بلؤى
رعد : استنى يالؤى ،،يا نهار مش ابيض وشك عامل كده ليه
لؤى: باستخفاف:اصل فى طور هايج دخل فيا،ابعد من وشى خلينى اشوف دكتور ،يرجعلى وشى اللى حضرتك بوظته
رعد :ما تحسن الفاظك يااخى،بعدين مش ابوك اللى قالى اضربك
لؤى بضيق : وانت ما صدقت
رعد بضحك: صراحه اه ،انت عارف انا عايز اولع فيه وماسك نفسى ،فطلعتهم عليك
لؤى وقد فاض به الكيل:رعد غور م وشى ،مش طايق اشوفك ،،،منك لله يابعيد ،،اااه،
لحق به رعد :استنى يا لؤى انا اسف بجد ،استنى
*****
ريم بخضه :لؤى ايه اللى عمل فيك كده
لؤى : سيبنى ياريم انا مش طايق نفسى
جاءه اتصال
لؤى:تمام عرفته ،شكرا لك
(كان لؤى قد طلب من حارس نور ان يراقب زياد ويعرف مكان منزلهم ليذهب الى ياسين)
*******
ذهب لؤى الى منزل زياد فى اليوم التالى
تفآجأ زياد بوجود لؤى عند منزله
لؤى: ايه يايزو مفيش اتفضل ولا اروح تانى
زياد خوفا من ابيه : اااتفضل يا لؤى
ياسين بصراخ: لؤى ايه اللى جابك هنا، انت اتجننت
زياد سيبنا لواحدنا دلوقتى
وسحب لؤى من يده الى مكتبه واغلق الباب
ياسين:جاى ليه
جاء اتصال لياسين
ياسين: ايوة ياريما
لؤى بصدمه : ريما عايشه؟
لاحظ ياسين دهشه لؤى فاكمل: وعدتك ،وانا عند وعدى، واكمل وهو ينظر للؤى ،اختك هنلاقيها قريب ،وقريب جدا كمان
انهى مكالمته