قصة : { #حتى_مني } الجزء الثاني 👫🧡
الحلقة الخامسة { ٥ } 🙈
غادة بصدمة : يعني جالها السكر ، معقول !
الدكتور : للأسف اة ، ياريت بقا تتابع مع دكتور متخصص ف العيادات ، عن اذنكم
( يمشي الدكتور ، يدخل صحاب چنى يشوفوها ، چنى عمالة تعيط ، تاخدها رودي ف حضنها )
غادة : ممكن بقا كفياكي عياط وزعل ، شوفتي حصلك ايه !
( چنى ف حضن رودي مش مبطلة عياط ، عند كريم ف المستشفى ، نايم ع السرير ومامته قاعدة جنبه ع كرسي ، يفتح عيونه )
الام : صباح الخير ي قلبي
كريم : صباح النور
الام : عامل ايه انهاردة ي حبيبي ؟
كريم : الحمدلله ، انا عاوز امشي من هنا ، انا زهقت !
الام : دلوقتي ايمن هييجي ونمشي
( يدخل الدكتور )
الدكتور : كريم ازيك انهاردة ؟
كريم : الحمدلله
الدكتور : حاسس بتحسن ؟
كريم : اة بكتير
الدكتور : طب الحمدلله ، تقدر تخرج دلوقتي بس هترجع بالليل عشان نكمل باقي الأشاعات والتحاليل
كريم ب استغراب : اشاعات ايه ، هو فين بابا ؟!
الام بتوتر : ااا ..............................................................
( مامته مش عارفة تقول ايه ، يدخل ايمن ويخرج الدكتور )
كريم بقلق : هو في ايه ي ايمن ؟!
ايمن بعدم فهم : في ايه ؟!
كريم : معرفش مالكم ، وفين چنى وفين بابا وحصل ايه ، واشاعات ايه انا مش فاهم حاجة !
الام وهي بتقوم : انا هشوف ابوك
ايمن : اوك
كريم بقلق : قولي في ايه ؟!
( يحكيله ايمن ، يتصدم كريم )
كريم : يعني انا هموت ولا ايه ؟!
ايمن بخضة : ايه الي انت بتقوله دة لأ طبعاً !
( يقوم كريم من ع السرير يلبس هدومه ويمشي يروح العناية عشان يشوف باباه ، يلاقي مامته واقفة برة ممنوع الدخول ، يبص عليه ويحضنها ويمشي )
الام : رايح فين ؟!
( ميردش كريم ويمشي يخرج م المستشفى ، يتصل ب چنى ، تمسك غادة الفون )
غادة بتوتر : ايوة ي كريم !
كريم ب استغراب : غادة ، انتوا لسة ف المدرسة ولا ايه ؟!
غادة : لا طلعنا من بدري ، انت عامل ايه ؟
كريم : انا كويس ، هي فين چنى ؟!
غادة : هي نايمة ف انا رديت عليك
( كريم واقف قدام شارع عمومي )
كريم : هو انتي عندها ؟!
غادة : لا احنا ف المستشفى
كريم ب استغراب : مستشفى ليه في ايه ؟!
غادة : چنى تعبت شوية وجبناها المستشفى
كريم بخضة : لا بجد ، مستشفى ايه ؟!
( يوقف كريم تاكسي ويركب )
كريم : طب هي حصلها ايه عشان تتعب ؟!
غادة : سكرها علي
كريم ب استغراب : سكرها ايه هى چنى عندها سكر !
غادة : جالها م الزعل عليك ي كريم ، انت مش شايف منظرها عامل ازاي !
كريم : طب انا جاي ي غادة ، باي !
غادة : ماشي باي
( تقفل غادة مع كريم ، يعدي الوقت )
حمو : انا همشي انا ورامي عشان عندنا درس ، لو طلعت قوليلي ي غادة
غادة : حاضر
عمر : استنوا انا جاي معاكم
( ينزل عمر وحمو ورامي وهما طالعين م المستشفى يقابله كريم ، يجروا عليه يحضنوا فيه )
حمو : سلامتك ي عم
كريم : متقلقوش انا كويس مفيش حاجة
عمر : الف سلامة ي كريم
كريم : الله يسلمك ، انا طالع اشوف چنى
حمو : هنجيلك بالليل
كريم : ماشي هستناكوا ، باي
( يطلع كريم فوق ، رودي وغادة قاعدين عند چنى ، يدخل كريم يشوفوه يسلموا عليه ، چنى نايمة )
غادة : انت كويس دلوقتي ؟
كريم وهو باصص ل چنى : اة الحمدلله
رودى وهي بتقوم : هنمشي احنا بقا ، يلا ي غادة
غادة : هنسيبها ازاي ؟!
رودى : كريم معاها ، يلا
غادة بفهم : اة اوك ، يلا
( تمشي غادة ورودي ، يقعد كريم ع السرير جنبها ويمسك ايدها يبوسها وتنزل دموعه )
كريم بزعل : مكانش قصدي اتعبك ، والله م كان قصدي ، غصب عني
( تفتح عيونها ، تشوفه )
جنى : كريم !
( تقوم تحضنه وتعيط وهو كمان تنزل دموعه )
كريم : بس كفاية عياط اوك ، متقلقيش انا مش هسيبك
جنى وهي بتبصله : وعد ؟
( ميردش )
جنى : توعدني متسبنيش ؟
كريم بحيرة : مش عارف ي چنى
جنى ب استغراب : يعني ايه ؟!
كريم : خايف اوعدك مقدرش اوفي بوعدي !
جنى بعياط : بس انت عمرك م خليت بوعدك معايا ابداً !
كريم : عشان كدة مقدرش اوعدك ، الوضع اختلف
( يقوم كريم يقف ويضير وشوا )
جنى : ي كريم !
( تقوم چنى من ع السرير )
كريم وهو بيلفلها : چنى انا محتاجلك جنبي ، محتاجلك اوي واكتر من اي وقت ، ف بالله عليكي متصعبيهاش عليا اكتر من كدة
( تقعد چنى ع طرف السرير وتعيط ، يقرب كريم يقعد نص قاعدة ف الأرض قصادها )
كريم : يعنى انتي يرضيكي اوعدك واطلع عيل ف الأخر ؟
( تشاورله ب لأ )
كريم : وبعدين انا هتعالج اكيد وهبقا كويس ، مش كدة ؟
جنى : ايوة
كريم : طيب يعني مفيش مشكلة ، وحتى لو مت م انا مسيري هموت برضو مش هخلل فيها
جني بخضة وانفعال : متقولشي كدااا !
كريم بمرح : بيني وبينك انا كنت حاسس إن اخرتي سودة ، اة والله
( تبتسم چنى بحزن )
كريم : ع الأقل هموت راجل ، ولا اوعدك واموت عيل بقا ؟
جنى : بعد الشر عليك !
كريم ودموعه بتنزل : چنى انا بحبك ومحتاجلك جنبي ، اوعديني انتي الي متسبنيش مهما حصل
( تبصله بدموع )
كريم : هتوعديني ؟
( تشاورله ب اة وتحضنه ، يدخل الدكتور )
الدكتور : انتي لسة بتعيطي ، كفياكي ي بنتى ، انت مين ؟
كريم وهو بيقف : انا ابوا العيال
جنى : ههههه
الدكتور ب استغراب : هي متجوزة ؟!
كريم : لأ
الدكتور : اومال انت مين ؟!
كريم : انت بتسال مين ؟
الدكتور : بسألك انت
كريم : طب وهي مالها ؟
الدكتور : هي مين ؟
كريم : معرفش انت الي بتسأل
الدكتور بتشويش : ي بني انت شقلبت مخي ، خدها وامشي هي بقت كويسة ، بس وانتوا نازلين تعدي ع الصيدلية تجيب العلاج دة
كريم وهو بياخد منه الروشتة : اوك شكراً
الدكتور : العفو
( يمشي الدكتور )
كريم : يلا بينا ؟
جنى : يلا
( يشيل كريم شنطة چنى بتاعة المدرسة )
جنى : لا ادهاني متشيلهاش انت
كريم : يما امشي بس
جنى : حاضر
كريم : لو كانت لون تاني غير الأحمر كنت شيلتهالك ، حظك إنها حمرا
جنى : ههههه ماشي
( يطلعوا م الأوضة ، كريم ماسك الروشتة )
جنى : فيها ايه ؟
كريم : فيها كلام
جنى : لا والله !
كريم : م الواضح إنه كلام مهم
جنى ب اندهاش : يرااااجل !
كريم : اممممم
( ينزلوا تحت ، يقربه ع صيدلية المستشفى ، يدي كريم الروشته للدكتور وياخد العلاج ، يطلعوا برة المستشفى يركبوا تاكسي ، ف الطريق ، يرن فون كريم )
كريم : الو
دلال : كريم انت كويس ؟
كريم : اة
دلال : انا مش قادرة اقولك حالتي بقت عاملة ازاي من ساعة م سمعت الي حصللك !
كريم : معلش
دلال : حصل ازاي دة ؟!
كريم : زى الناس
دلال : طب انا عاوزة اشوفك
كريم : امممم
دلال : هي چنى معاك ؟
كريم : ايوة
دلال : سمعت إنه جالها السكر ، دة فعلاً حصل ؟!
