قصة : { #حتة_مني } الجزء الثاني 👫🧡
الحلقة التاسعة { ٩ } 🙈
الدكتور ل چنى : ازيك ؟
جنى : الحمدلله
الدكتور : انتي اخته ؟
جنى : لأ زميلته ف المدرسة
الدكتور : فيكوا شبه من بعض !
( يبتسموا )
الدكتور ل كريم : انا مش عاوزك تقلق او تخاف ، الموضوع بسيط جداً ، اتفضل
( يقوم كريم ينام ع السرير ، چنى قاعدة ع كرسي قدامه ، الدكتور يركبله المحاليل )
الدكتور : ساعة كدة وتخلص
كريم : شكراً ي دكتور
الدكتور : العفو
( يخرج الدكتور )
جنى : الموضوع بسيط اهو
كريم بقلق : يارب يكمل ع كدة
جنى : يارب
( تمسك چنى فونها وتحط فيه الهيد فون وتحطه ف ودن كريم )
جنى : اسمع الأغنية دي حلوة
( كريم ماسك ايد چنى ومغمض عيونه ، بعد شوية )
كريم وهو بيبص للمحلول : هو لسة بدري ؟
جنى : لا قرب يخلص خلاص
كريم : اوك
جنى : اقولك نكتة ؟
كريم : قولي
جنى : بص ي سيدي ، كان في مرة ، احم ، صلي ع النبي الأول
كريم : هي نكتة ولا حدوتة ؟!
جنى : صلي
كريم : عليه افضل الصلاة والسلام
جنى : بص ي سيدي
كريم : باصص والله
جنى : قصدي يعني خليك معايا ، سيبني اركز
كريم : اخليني معاكي ولا اسيبك ؟
جنى : ي كريم سيبني اتكلم قصدي
كريم : حاضر اتفضلي
جنى : بص كان في مرة ...............................................................
كريم : ليه كان ، هو مبقاش موجود دلوقتي ؟
جنى : هو مين دة ؟!
كريم : الي كان
جنى : كان فين ؟!
كريم : معرفش انتي الي بتقولي !
جنى بزهق : خليني اكمل بقاااا
كريم ب ابتسامة : اوك كملي
جنى : كان في مرة واحد وواحدة و .....................................................................
كريم : والشيطان ثالثهماااا
جنى : يخربيتك فصلتني ، مش قايلة حاجة
كريم : ههههههه ، طب بزمتك انتي كنتي هتقولي حاجة اصلاً ؟
جنى : بصراحة لأ
كريم : م انا عارف إن انتي مبتعرفيش تقولي نكت
جنى : لا كنت هألف وربنا
كريم : ي واد ي جامد انت
جنى : هههههه
( يدخل الدكتور )
الدكتور : ايه الأخبار ؟
كريم : تمام ، لسة كتير ي دكتور ؟
الدكتور : لا خلاص خلص
( يشيل الدكتور المحاليل ل كريم )
الدكتور : تقدر تمشي كدة
كريم : شكراً ي دكتور
الدكتور : العفو
( ينزل كريم وچنى يركبوا العربية ويمشوا ، كريم سايق مش مرتاح )
جنى : حاسس ب ايه ؟
كريم : حران شوية بس !
( يركن كريم ويوقف العربية )
جنى بقلق : مالك ، انت كويس ؟!
كريم بعدم ارتياح : لا مش كويس !
جنى وهي بتحط ايدها ع وشه : انت متلج !
كريم وجسمه بيترعش : لا انا حران !
جنى بقلق : طب تنزل واسوق انا ؟
كريم : اة ، انا مش عارف اسوق !
جنى : اوك انزل
( يبدلوا الأماكن وتسوق چنى ويمشوا ، يوصلوا بيت كريم مافيش حد غيرهم ، يطلعه اوضته ، يدخل يقلع التيشرت ويشعل التكييف )
جنى بخضة : كريم جسمك متلج بتعمل ايه !
كريم بضيق : حران اوي ، دخل اخد دش !
( يدخل كريم ياخد دش ، چنى تمسك ريموت التكييف وتوطيه ، بعد شوية ، يخرج كريم لابس الشورت بس وجسمه كله ماية وشعره )
جنى : وربنا هتبرد كدة !
كريم بضيق : حران ي چنى حران ، علي التكييف دة
جنى : لا هتتعب مينفعش
كريم : انا تعبان والله تعبان ، بالله عليكي عليه شوية بس
جنى : حاضر
( تعليه )
جنى : لسة حران ؟
كريم : اوي ، هدخل اخد دش
جنى ب استغراب : تاني !
كريم بصوت عالي وعصبية : يمكن اسقع بقاااا
( يدخل كريم ياخد دش تاني ويطلع )
كريم بعصبية : انتي بتوطي التكييف دة ؟!
جنى : لا والله مجتش جنبه ، زي مهو اهو
( تديه ريموت التكييف ، يلاقيه متعلي ع الأخر )
كريم ب انفعال وهو بيحدف الريموت : اومال مش جايب ام هوا لييييه !
( ييجي ف الحيطة ينزل متكسر ، تتخض چنى )
جنى بخوف : كريم ممكن تهدى !
كريم : شششش بس اوك بس
جنى : حاضر !
( كريم عمال يلف ف الأوضة كلها ، چنى قاعدة خايفة ومتوترة ، يرن فون كريم ، يقرب يمسكه )
كريم : الو
الام : ايه ي حبيبي وصلت ؟
كريم : ايوة ايوة
الام : عامل ايه دلوقتي ؟
كريم ب انفعال : منيل بستين نيلة وحران والتكييف بايظ ي امى بايظ !
الام ب استغراب : باظ امتى دة ؟!
كريم : معرفش انا بقااا
( يدي الفون ل چنى )
جنى : ايوة ي طنط
الام : انتي معاه ؟
جنى : اة معاه
كريم وهو بيزقها ع برة : برة اتكلمي برة يلاااا !
( تطلع چنى م الأوضة )
الام : طب هو عامل ايه ؟
جنى بخوف : حران ومش طايق حد ومتعصب اوي !
الام : طب خليكي معاه ي چنى انا جاية ف السكة اهو معلش
جنى : حاضر ي طنط بس متغيبيش بالله ، باي
( تقفل چنى وتدخل الأوضة ، كريم واقف ف البلكونة ، تقرب عليه )
جنى وهي بتحط ايدها ع ضهره : هتفضل واقف كدة !
كريم بخضة : ايدك ، ايدك ساقعة !
( يمسك ايدها ويحطها ع وشه )
كريم : هاتيلي تلج من تحت
جنى : تلج ايه لأ طبعاً مش للدرجة !
كريم بتحايل : عشان خاطري ي چنى
جنى : لا ي كريم مينفعش كدة !
( يتنهد كريم بضيق ويروح ينام ع وشه ع السرير ويحط ايده ع دماغه ، تقرب چنى تقعد جنبه )
كريم بوجع : اااه ، دماغي يارب !
( تنزل دموع چنى )
كريم : ااااااه مش قادر !
جنى بحزن : معلش طيب
كريم : دماغي هتنفجر ي جدعااااااان !
جنى : استحمل شوية وهيروح الوجع !
كريم : مش بيروح دة بيزيد وربنا بيزييييد !
جنى وهي بتطبطب ع ضهره : والله مصدقاك معلش
( يحط كريم مخده ع دماغه ، يرن فونه )
كريم بزعيق : اطفي ام الفون دااااااا
جنى بخضة : حاضر حاضر !
كريم ب انزعاج : حرام عليكوا بقاااا
( تقوم چنى تطفي الفون وترجع تقعد مش عارفة تعمله ايه )
كريم : طفي التكييف انا سقعت
جنى وهي بتقوم : حاضر
( تطفي التكييف ، يقوم كريم من ع السرير )
كريم بتعب : اااااه ، نار ف دماغي يارب !
( يرن فون چنى ، تمسكه )
كريم بزعيق وهو بيقوم : مش قلتلك اطفيه مش قلتلك اطفيه اناااا
( ياخد الفون منها يحدفه ف الأرض ، تتخض چنى وتعيط خايفة منه وعليه )
كريم وهو بيمسكها من دراعها : باااااااس اسكتي ، مش كل حاجة تعيطي عليها اخرسي بقااا !
( يزقها ع الحيطة تتخبط دماغها ، تعيط اكتر )
كريم وهو بيمسكها من وشها بعنف : ي بنتي اسكتي حرام عليكي دماغي هتفجر مش مستحمل صوتك وربناااا !
جنى بوجع : ااااه ي كريم بالله خلاص !
كريم وهو بيزقها ف وشها : مسمعش صوتك ماشي
جنى : حاضر حاضر !
( تسكت چنى ويسيبها كريم ، تفضل قاعدة ف الأرض جنب السرير بتعيط بكتمة صعبان عليها مش عشان نفسها خالص بس حالته تصعب ع الكافر ، يروح كريم ينام ع السرير ماسك دماغه )
كريم بوجع : ااااه يارب ، دماغييييي !
( ينام جسمه كله بيترعش ، تقوم چنى تغطيه وتطفي زرار التكييف وتقعد جنبه ، بعد نص ساعة ، توصل ام كريم )
الام : هو نايم ؟
جنى : اة
الام : مالك ؟!
جنى : ماليش ، هي الساعة كام ؟
الام : داخله ع سبعة ، انا هروح اغير هدومي واجي
جنى : اوك
