قصة : { #حتة_منى } الجزء الثاني 👫🧡
الحلقة الأولى { ١ } 🙈
( چنى وكريم قاعدين ع البحر )
جنى وهي بتبص ف الفون : كريم انا أتأخرت ، يلا نقوم
كريم : نقوم فين ؟
جنى : نمشي
كريم : نمشي فين ؟
جنى بزعيق : نروح ي كريم !
كريم : طب بتزعقي ليه ، متخلنيش اتغابى عليكي !
جنى : براحتي
كريم : طيب خديلك توكتوك بقا يروحك مدام براحتك
جنى وهي بتقوم : ي كريم يلااا
كريم : اتحايلي عليا شوية كدة
جنى وهي بتضربه : قوم ياااااض
كريم : طب بالراحة ي معلم ، قوميني ي انشراح
( تشد ايده تقومه م الأرض ويمشوا )
كريم : مش ناسية حاجة ؟
جنى : لأ ، ايه ؟
( تلاقي ف ايده الكوتشي بتاعها )
جنى : اة كوتشيااا !
( يطلعه ع رصيف قدام البحر وجنبهم المتوسيكل ، ينزل كريم كوتشيه ف الأرض ويلبسه ، چنى تحط رجليها ع الرصيف وتوطي عشان تربط الكوتشي )
كريم : ايه يما انتي قومي !
جنى ب استغراب : في ايه ؟!
كريم : ضهرك ي هانم !
جنى : طب هعمل ايه عاوزة اربطه
كريم : انا هربطهولك ، متوطيش كدة تاني ف الشارع ، ماشي ؟
جنى : ماشي حاضر
كريم : اقعدي
( تقعد چنى ع الرصيف ، يوطي كريم عشان يربطلها الكوتشي ، بعد خمس دقايق )
جنى بزهق : كل دة ي كريم يلا !
كريم : انتي يعني سيبتي كل جزمك ورايحة تلبسي كوتشي ، وكمان برباط !
جنى : الي جه ف ايدى ي عم
كريم : كنتي نزلتي حافيه ارحملي !
جنى ب استغراب : انت بتعمل ايه كل دة ؟!
كريم : مش عارف اعمل فيونكة !
جنى : ههههههه طب اوعا انا هعمله
كريم : عليا الطلاق م يحصل ، ي انا ي اهو انهاردة
جنى : اومال بتربط بتاعك ازاي ؟!
كريم : مين قالك إني بربطه ؟
جنى : بشوفه كدة ف رجلك ، اهو مربوط !
كريم : لا انا بخلي المحل يربطهولي بعد اما اقيس ومبفكهوش ابداً
جنى بضحك : لا والله ، اول مرة اعرف المعلومة دي ههههههه !
كريم : طب اسكتي عشان اركز ، ممكن ؟
جنى : لامؤخذة اتفضل
( يمسك كريم الرباط ويحاول يربطه )
كريم : ايوة هما كانوا بيدخلوه هنا اة ، طب وبعدين ؟
جنى بزهق : ي مسهل يارب
كريم : شششش
جنى : طاااايب
كريم بحيرة : اة من هنا صح كدة ، لا غلط غلط ، يخربيت ام الكوتشيات ع الي صنعهااا !
جنى : ها بقاااا
كريم : استني خليني افتكر ، كانت بتقولي ودن الأرنب وندخلها معرفش فين ، اة في البيت يدخل وينط معرفش منين
جنى ب استغراب : ودن ارنب ، انت بتعملي عمل ع الكوتشي ولا ايه !
كريم : لا امي كانت بتقولي اغنية كدة فيها شرح لفيونكة الكوتشي
جنى : طب م نتصل بيها تقولنا احسن
كريم وهو بيقوم : اة والله فكرة
جنى ب انفعال : فكرة ايه ي بني حرام عليك ، بقالك اكتر من ربع ساعة بتعمل فيونكة ، قلتلك انا اعملها !
كريم : التيشيرت الي انتي لبساه قصير ي زفتة ، هتوطي ازاي ضهرك كله باين للناس ، قومي
( تقوم چنى من ع الرصيف ، يقعد كريم نص قاعدة ف الأرض )
كريم : حطي رجلك هنا
( تحط چنى رجليها ع رجل كريم وتربط الكوتشي )
جنى : اخيراً
كريم : وحياة امي لو شوفتك لابسة كوتشي تانى هولعلكوا ف الجزامة بتاعتكوا
جنى بضحك : ههههه ماشي
( يرن فون كريم ، ياخده ويروح ع جنب ، تلمح چنى بتاع الترمس تروح تجيب منه ، يرجع كريم )
كريم ب استغراب : جبتيه منين دة ؟!
جنى : حاسب الراجل
كريم : لا برضو مش هجيبهولك ، انا مبحبش الترمس اصلاً !
جنى : انا جبته خلاص ، وبعدين انا بحبه اولع انت
كريم : اولع ، طيب شوفي مين هيحاسب بقا ، خلي الراجل يطلع يجري وراكي
جنى بندم : لا اسفة اسفة خلاص ، حاسب يلا
كريم بتكبر : لأ
جنى بدلع : وحياتي ي كوكو
كريم : يخربيت ام السهوكة بقا !
جنى : هههههه
( يروح كريم يحاسب الراجل ويرجع )
كريم وهو بيركب المتوسيكل : يلا اركبي
جنى : اوك
( يعدي شاب من جنب چنى وهي بتركب المتوسيكل )
.................. : ي جامد !
( يسمعه كريم ، ينزل من ع المتوسيكل )
جنى بخضة : رايح فين ، كريم !
كريم ب انفعال : اصل هي كانت نقصاك ، تبقا انت والكوتشي !
( يمسك كريم ف خناق الشاب والناس تسلكهم )
جنى بخوف : يلا ي كريم بالله خلاص !
( يركب كريم وتركب چنى ويمشوا ، يوصله قدام بيتها ، ينزلوا من ع المتوسيكل )
جنى : متتأخرش بكرة اوك ؟
كريم : اوك
جنى ب استغراب : مالك ؟!
كريم : ماليش
جنى : بجد مالك ، في حاجة مضيقاك ؟!
كريم : لا بس مش مصدق الي حصل ، حاسس إني كنت بحلم ، وهيخلص الحلم وانتي ماشية دلوقتي !
جنى : بس احنا مش بنحلم ، مش كدة !
( يقرب يحضنها جامد )
جنى ب احراج : كريم ، هتفطسني خلاص !
كريم : بتأكد بس إني مش بحلم
جنى وهي بتبصله : لا انا اخليك تتأكد
( تضربه بالقلم )
كريم بخضة : ي بنت ال !
( تطلع چنى تجري ع جوة وتقفل الباب ف وشه )
كريم : مااااشي ، بكرة هاااا !
( تضحك چنى ، يرجع كريم يركب المتوسيكل ويروح ، يمسك الفون اول م يدخل اوضته ويترمي ع السرير ، ف بيت چنى ، قاعدة ف اوضتها ، يرن فونها )
چنى وهي بترد : روحت ؟
كريم : اة لسة داخل
جنى : حمدلله ع السلامة
كريم : الله يسلمك
جنى : جاي بكرة طبعاً
كريم : اكيد
جنى : اشطاا ، اشوفك بكرة
كريم : بحبك
( تبتسم چنى بفرحة )
جنى بكسوف : وانا كمان
كريم : تصبحي ع خير
جنى : وانت بخير
( لأول مرة من وقت طويل يناموا هما الأتنين وهما مطمنين ، يطلع الصبح ، يوصل كريم وچنى المدرسة ، المدرسة كلها بتبصلهم ومستغرباهم ، عمر واقف مع حمو ورامي وبيبصلهم بغيظ )
جنى ب استغراب : هو في ايه ، انا حاسة إن المدرسة كلها مش طيقانا !
كريم : شكل عمر قام بالواجب !
جنى بفهم : اااه ، باين كدة !
( يرن جرس بداية اليوم ، الكل يطلع ع فصله ، يبدأ اليوم الدراسي ، يدخل نائب المدير )
نائب المدير : بعد اذنك ي مستر ، كريم منصور الشيمي
كريم وهو بيقف : ايوة !
نائب المدير : تعالى ورايا
جنى بقلق : هو في ايه ؟!
كريم ب استغراب : معرفش !
( ينزل كريم ورا النائب ، يدخله مكتب المدير ، يشوف عمر واقف )
المدير : اطلع انت ي عمر
( يبص عمر ل كريم ويبتسم ويمشي ، كريم واقف مش فاهم في ايه )
كريم : حضرتك كنت عاوزني ف حاجة ؟!
المدير بضيق : هو انا بعوزك غير ف المصايب !
كريم ب استغراب : مصايب ايه ، انا معملتش حاجة !
