قصة : { #حتة_مني } الجزء الثاني 👫🧡
الحلقة الثالثة عشر { ١٣ } 🙈
رودى : عشان من غيرها ، اقولك حاجة ، قوم دلوقتي روحلها
كريم : دلوقتي !
رودى : ايوة دة انسب وقت ، هي اكيد ف البيت ، قوم انت مسافر بكرة يعني مافيش وقت تاني ، يلا انت قريب عشر دقايق وتكون عندها يلااااااا
كريم : طيب
( يقوم كريم يركب عربيته ويمشي ، بعد دقايق ، چنى قاعدة ف اوضتها مرعوبة من عمر )
جنى بخوف : عمر روح بالله ي عمر !
( وفجأة ، يكسر عمر الباب ، تصرخ چني وتجري ع البلكونة لسة هتنط يمسكها عمر يحدفها ف الأرض ، تزحف چنى ف الأرض عشان تخرج م الأوضة ، يمسكها عمر من شعرها )
جنى بعياط : انت ليه بتعمل كداااا !
عمر : هو هيموت خلاص وانا الي باقيلك ، برضاكي او غصب عنك
جنى : طب ماشي اوك سيبني !
عمر : لأ
( يزقها ع السرير ويقرب عليها ، يحاول يبوسها وهي صداه ب ايدها ، يرن جرس الباب ، يتخضوا ، يقوم عمر وياخد چنى ينزل بيها تحت كاتم صوتها )
كريم : چنى انا عارف إنك جوة
( تتخض چنى اول م تسمع صوت كريم ، عايزة تصرخ بس عمر ماسكها وحاطط ايده ع بؤها )
كريم : وعارف إنك سمعاني
( تنزل دموعها )
كريم : چنى انا اسف ، الي بيحصل غصب عني والله ، انا عارف إنك خايفة ، بس مش اكتر مني ، انا محتاجلك جنبي اوي ، طب ممكن تخليني اشوفك بس
عمر وهو بيهمس ل جنى ف ودنها : لو ناوية تسرعي اجله دلوقتي طلعي صوت ، اقسم بالله هموتهولك ي چنى
( تشاورله ب لأ )
كريم : م انا يمكن امشي مرجعش طيب
( چنى عمالة تعيط )
كريم : ي چنى انا محتاجلك ، بالله عليكي ردي عليا ، مش هتحرك من هنا غير لما اشوفك ع فكرة
( يقعد كريم ع سلم الباب مستنيها تطلع )
عمر : وبعدين بقااا ، هتطلعيله اوك
( تشاورله ب اة )
عمر : بس لو قلتيلوا إني هنا هبيتهولك ف المشرحة
( يشيل عمر ايده من ع بوء چنى ويمسح دموعها )
عمر : قوليله يمشي
جنى : حاضر
( تفتح چنى الباب ، يقوم كريم اول م يشوفها يحضنها )
كريم : وحشتيني اوي
( عمر واقف ورا الباب ، تنزل دموع چنى )
جنى وهي بتبعده : امشي
كريم : چنى انا اسف والله انا .....................................................................
جنى : امشي ي كريم
كريم ب استغراب : مالك ؟!
جنى : مش عوزاك هنا ، امشي
كريم : طب انا مسا ...............................................................
جنى ب انفعال وعياط : امشي بقا متجيش هنا تااااني ، ابعد عني ي اخي ابعد بقااااا
( يبصلها ب استغراب )
كريم : حاضر حاضر اهدي ، هبعد عنك ، انا اسف لو كنت سببتلك اي مشاكل او تعب ف حياتك ، انا عارف ولا انتي ليا ولا انا ليكي ، بس انا مش عارف اكمل من غيرك ، والله م عارف !
جنى ف سرها : متمشيش استنى متسيبنيش !
كريم : انتي وعدتيني إنك متسيبنيش ، ليه رجعتي ف وعدك دة ؟!
جنى : عشان بخاف
كريم : من ايه ؟!
( تسيبه وتدخل البيت وتقفل الباب ، المفتاح جواه يتربسوا عمر ويحطوا ف جيبه ، كريم يبص ع البيت ويمشي ، يمسكها عمر من ايدها ، چنى ع اخرها ، وب اقوى م عندها تضرب عمر بالقلم يعلم ع وشه ، يتخض عمر ويتغاظ ، يردلها القلم تقع ف الأرض من قوته ويجرها من شعرها ع فوق )
جنى بصريخ : اوعااااا !
( يدخلها الأوضة ، تقوم وتزقه ، يضربها قلمين ورا بعض يدوخها ويحدفها ع السرير )
جنى بتعب : كريم !
( يقلع التيشيرت ويقرب عليها ، يطلع الصبح ، يقوم كريم يحضر شنطة سفروا وينزل مع ابوه يركبوا العربية ويمشوا ، تقوم چنى م النوم تلاقي عمر نايم جنبها ، تتخض وتبعد وتقوم تجري ع تحت ، تفتح باب الڤيلا مبيتفتحش ، تمسك فون البيت وتتصل ب حمو ، حمو ف طريقه للمطار عشان يسلم ع كريم هو رامي )
حمو : الو
جنى : حمو الحقني
حمو بقلق : چنى في ايه ؟!
چنى بعياط : عمر عندي ف البيت من امبارح وحابسني وبهدلني ي حمو
حمو بخضة : نعم !
( تحكي چنى ل حمو ع الي حصل ب اختصار ، يلف حمو ويرجعلها هو ورامي ، كريم ف طريقه للمطار ، باباه سايق وهو جنبه ، ماسك الفون فيه صورته هو وچنى ، تنزل دمعة من عيونه ويمسحها ، چنى قاعدة جنب باب الڤيلا من جوة مستنية حمو ، يوصل حمو ورامي ميعرفوش يكسروا الباب عشان كبير ، يلفوا ويكسروا الباب الي بين الڤيلا والجنينة عشان ازاز ويدخلوا ، رامي يسند چنى ويركبها العربية ويمشي بيها يوديها المستشفى ، حمو يطلع ل عمر )
حمو بزعيق : قوم ي روح امك
( يتخض عمر ، يمسكوا حمو يضرب فيه ، چنى ف المستشفى معاها رامي وتوصل غادة ورودي وحمو يجيلهم ، كريم ف المطار مستني طلوع الطيارة ، ابوه وايمن واقفين بيخلصوا باقي الأجراءات وهو قاعد لوحده مافيش حد جاله يسلم عليه ، قاعد مهموم وچنى وحشاه ، يتصل ب رودي )
رودى بخضة : دة كريم !
حمو : اوعي تقوليله حاجة !
رودى : اوك ، ايوة ي كريم ؟
كريم : ايه ي رودي ، متقدريش توصلي ل چنى ؟
رودي ب ارتباك : اااا ااا ..................................................................
( رودى مش عارفة تقول ايه ، تدمع عيون كريم )
كريم : كان نفسي اسمع صوتها قبل م امشي بس !
ايمن : يلا ي كريم
كريم : قوليلها إني بحبها اوي ي رودي ، اوي
( يقفل كريم مع رودي ويركب طيارته )
غادة : قالك حاجة ؟
رودى : كان عاوز يكلمها ، انا معرفتش ارد عليه اقول ايه ف قفل
حمو : زمانه طلع الطيارة
رودي : اة
( يطلع الدكتور من عند چنى )
الدكتور : هو ايه الي حصلها ؟!
غادة : ااااا ...............................................................
رودى : دي حادثة ي دكتور
الدكتور : طب تحبوا ابلغ ؟
حمو : لا طبعاً لا ي دكتور
غادة ب استغراب : وليه لأ ؟!
رامي : ايوة لأ ي دكتور
الدكتور : ع العموم براحتكم ولو حبيتوا تبلغوا قولوا للمستشفى تحت ، هي عمتاً كويسة يعني شوية خدوش بس
الكل ب ارتياح : الحمدلله
( يمشي الدكتور )
غادة : لا ليه ، انتوا كدة هتضيعوا حقها !
رودى : حق ايه ي غادة ، فكرك لو بلغنا هيتجاب حقها اسكتي بالله عليكي
غادة : ايوة خليه يتسجن عشان ميكررهاش تاني !
حمو : هو يتسجن وصاحبتك تتفضح مش كدة ؟
غادة بفهم : ااه ، صح !
رامي : ادخلوا يلا خلينا نشوفها
( يدخلوا ل چنى ، اول م تشوفهم تتفتح ف العياط ، تجري عليها غادة تاخدها ف حضنها )
جنى : اااااه !
غادة : اهدي ي قلبي !
رودى : اهدي كل حاجة هتبقا كويسة ، انتي زي الفل مجراش حاجة
جنى بعياط : مش قادرة !
حمو : هو راحلك ليه ؟!
جنى : معرفش ، بهدلني والله ، بعدها اغمى عليا محستش بنفسي إلا الصبح !
رامي : شكله كان سكران ولا شارب حاجة ونام هو كمان
جنى : ايوة كان سكران !
( يعدي الوقت ، يمشي حمو ورامي من عند چنى )
رودي : هو كريم جالك امبارح ؟
جنى : اة
غادة ب استغراب : طب ازاي ، مشافش عمر ؟!
جنى : لا مشافهوش ، عمر هددني لو عرفت كريم إنه جوة هيموته
رودي بغيظ : ابن الكلب !
غادة : يعني خرجتيله ي چنى ، كنتي خدتيه وطلعتوا تجروا دي كانت فرصة !
