قصة : { #حتة_مني } الجزء الثاني 👫🧡
الحلقة السابعة { ٧ } 🙈
دلال : م قلت جاية اسأل عليك ، بس واضح إن الوقت مش مناسب خاااالص !
كريم : هو فعلاً كدة
دلال : طب انا هنزل اقعد مع مامتك تحت لحد م تخلصوا الي بتعملوه ، بس متطولوش عشان انا مستعجلة ، ماشي ي كيمو ؟
( تضايق چنى ، تسيبهم وتمشي )
كريم : رايحة فين ، چنى !
( يجري كريم وراها ، تطلع چنى م البيت وكريم وراها )
كريم : ي بنتي استني !
جنى وهي ماشية : عاوز ايه ؟
كريم : رايحة فين ، مش قاعدة معايا !
جنى : غايرة ي كريم
كريم : طب استني اغور معاكي
جنى : بطل هزار واطلعلها عشان هي مستعجلة
كريم : انتي هبلة ي بنتي غيرانة من دلال !
جنى ب انفعال : لا مش غيرانة ، بس الي فيه طبع مش بيبطله ، ارجعلها ي باشا
كريم : يخربيت الجنان ، استني ي چ ................................................................
( يغمى عليه ويقع ف الأرض )
جنى بخضة : كريم !
( تجري عليه وتحاول تفوقه )
جنى : كريم فوق بالله عليك انا اسفة انا اسفة !
كريم ب ضحك : خلاص سامحتك
جنى : تصدق إنك جزمة !
كريم : لازم الواحد يعمل فيها بيودع يعني عشان تبطلى جنان !
جنى بخوف : بالله عليك م تعمل كدة تاني ، المرة الجاية هتجيبلي القلب مش السكر !
كريم : بعد الشر عليكي
جنى : قوم يلا
كريم : م تخلينا كدة شوية
جنى : بلاش رخامة
( تقوم چنى وتشد ايد كريم تقومه م الأرض )
جنى : انا هروح
كريم : چنى قلنا خلاص بقا
جنى : لا بجد هروح الوقت اتأخر ، هتييجي المدرسة بكرة ؟
كريم : اة جاي
جنى : اوك ، اشوفك بكرة
كريم : طب مفيش حاجة لبكرة ؟
جنى وهي بتمشي : لأ
كريم : اهون عليكي ، يمكن متلاقنيش بكرة
( تتخض چنى ، ترجع تحضنه ، يبتسم ويحضنها بحب )
جنى وهي بتبصله : متستغلش الظروف هاااا
كريم : هههههه حاضر
جنى : باي
كريم : باي
( تمشي چنى ، يطلع كريم اوضته ، يقلع التيشرت ، يلاقي دلال ف وشه )
كريم بخضة : الله يحرقك انتي لسة هنا !
دلال : وحشتني بقاااا
( تحضنه )
كريم وهو بيبعدها : دلال روحي !
دلال وهي بتقرب عليه اكتر : انا مش مروحة
كريم : اتهدي امي وابويا قاعدين تحت يخربيتك !
دلال : خلاص تعالى نمشي بلييييز
كريم : لا مش عايز امشي انا
( عند چنى ف العربية )
جنى : وقف العربية ي رضا
رضا وهو بيقف : في حاجة حضرتك ؟!
جنى : شكلي نسيت موبايلي عند كريم ، ارجع معلش
رضا : حاضر
( يرجع رضا عند بيت كريم ، تنزل چنى وتدخل الڤيلا )
دلال وهي بتحط ايدها ع كتف كريم : بلاش تبقا قاسي كدة
كريم وهو بيشيل ايدها : بلا قاسي بلا حنين ، يلا اخلعي
( يفتح كريم باب اوضته عشان يخرج دلال يلاقي چنى طالعة ع السلم ، يتخض ويقفل الباب تاني بسرعة بالمفتاح )
كريم : ينهار اسود ومنيل ، الله يحرقك امشي قدامي !
دلال ب استغراب : في ايه ؟!
كريم وهو بيزقها : امشيييييي
( چنى تخبط ع باب الأوضة ، كريم يدخل دلال البلكونة )
كريم : لو سمعت صوتك هحدفك من هنا ، فاهمة ؟
دلال : طيب حاضر !
( يفتح كريم ل چنى )
جنى وهي بتدخل : ايه ي بني ساعة ، ايه الي مقلعك كدة ؟!
كريم بتوتر : اااا كنت باخد دش !
جنى ب استغراب : بالبنطلون !
كريم : ملحقتش اغير ، رجعتي ليه ؟!
جنى : نسيت الفون ، اهو
( تاخد چنى فونها )
جنى : يلا سلام
كريم : سلام سلام
جنى وهي بترجع بقلق : مالك ؟!
كريم : مالي ؟
جنى : شكلك متلغبط !
كريم : ازاي ؟
جنى بشك : مش مطمنالك ، حساك عامل مصيبة !
كريم : انا ؟
جنى : ايوة انت
كريم : ممكن برضو
جنى : والله !
كريم : اة طبعاً ، كل شئ جايز
جنى : ماشي ي كريم ، باي !
كريم : بااااي
( تمشي چنى ، كريم ياخد نفسه ب ارتياح ، تطلع دلال م البلكونة ، يقرب عليها كريم ، يخبط باب الأوضة ، يتخض كريم ويزق دلال ع البلكونة ويجري ع الباب قبل م يتفتح ويتكبل ف الأرض يقع ، الباب يتفتح )
الام ب استغراب : ايه مقعدك ف الأرض كدة ؟!
( ينام كريم ، تطلع دلال م البلكونة )
كريم : دلال مش عاوز اعرفك تاني
دلال : جت سليمة !
كريم : ربنا ياخدك !
( يطلع الصبح ، يصحى كريم يروح المدرسة هو وچني ، يقرب ع صحابهم )
كريم : صباحكم مطين
حمو : ليه كدة ي عم !
كريم : هو كدة
حمو ل جنى : چنى عاوزك ف موضوع مهم
جنى ب استغراب : موضوع ايه ؟!
حمو : تعالي هقولك
كريم : تعالى هنا ياض !
حمو : دقتين بس الموضوع شخصي
جنى ب استغراب : شخصي !
حمو : ايوة قبل غادة م توصل
جنى بفهم : امممم هو الموضوع فيه غادة !
كريم : م تقول كدة ي عم ، روح الله يسهلك
حمو : انا مُحرج اكلمها صراحة
جنى ب استغراب : انت بتتحرج ي حمو ؟!
كريم بضحك : الحقوا اشباااااب ، حمو مُحرج !
( يضحكوا صحابهم ويتريقوا عليه )
جنى : لا تعالى ع جنب عشان مش هتخلص منهم كدة !
( يقفوا ع جنب )
جنى : قولي بقا ، انت عاوز تقولها ايه ؟
حمو : بحبها
جنى ب اندهاش : بتهزر ، هي وصلت لحب !
حمو : شوفتي اخوكي مدهول ازاي !
جنى : طب م تقولها
حمو : لا انتي عرفاها دبش وممكن تحرجني !
جنى : خلاص سيبها عليا
حمو : بس بالله تخلصيني م الحوار دة انهاردة
جنى : لا هظبطهالك متقلقش
حمو : طب اشطا ، هي جاية علينا اوك ، همشي انا
جنى : اوك
( يمشي حمو )
غادة ب ارهاق : ياربي هفطس م الحر !
جنى : تعالي نطلع فوق عوزاكي
غادة ب استغراب : في حاجة ؟!
جنى : تعالي بس
غادة : اوك !
( تطلع چنى وغادة يقعده ف فصلهم )
غادة بخضة : هو قالك إنه بيحبني ؟!
جنى : ايوة ، وشكله دايب ع الأخر
غادة : الحيوان عمره م لمحلي حتى !
جنى : ي بت لمي لسانك يخربيتك !
غادة وهي بتقوم : دة انا هطلع روحوا !
جنى بخضة : ي بنت المجنونة تعالي هنا !
( تنزل غادة تحت ووراها چنى ، حمو واقف مع صحابه ، تشده غادة من ايده ع جنب ، حمو يبص ل چنى بتوتر ، تضحك چنى )
كريم : انتي قلتلها ولا ايه ؟!
جنى : اة ، الله يكون ف عونه صراحة !
( عند غادة )
حمو بقلق : في ايه ي غادة ؟!
غادة : انت هتستهبل ، مش عارف في ايه !
حمو بتوتر : مش فاهم !
