الحلقه الرابعه عشر
( حوريتي)
رجع بص للورق اللي قدامه بهدوء غير متوقع من الكل ..اخيرا نطق لؤي: ممكن افهم احنا ليه احنا قاعدين ف حفله فين الغلط ف كده ...
مردش عليه ولا كأنه سمعه
رقيه بهمس لحور: الله ...ده اي الهدوء دهه
مالك: المفروض اني هحقق معاكو
حازم: احنا معملناش حاجه عشان التحقيق اصلاا وحتي محدش فهمنا حاجه
مالك: اظن انو الديسكو كله كان هنا واتحقق معاه مش انتو لوحدكو يعني( بص لحور) مش مستقصدكو اناا متخفوش
حور بشجاعه: طب ممكن نعرف التحقيق ليهه
مالك بهدوء: والله المفروض انو كان ف الديسكو دهه ديلر
حور: واكيد مش احنا ولا حد مننا يعني نقدر نمشي
مالك: والله واي الثقه ديي محسساني اننا ع معرفه قديمه ( بصتله ندي باستغراب من طريقه كلامه معاها والهدوء اللي هو فيه)
حور بارتباك: اكيد لا بس احنا مش من هنا من اسكندريه وانت عارف واكيد مش هنيجي هنا عشان نبيع مخدرات
بتصلها ندي باستغراب: وهو يعرف منين
بصلها مالك: اسكتي ي ندي ( بص لحور) انا مقولتش انو حد منكو احنا بس هنحقق معاكو عشان لو شوفته أو تعرفتو عليه أو اشتريته منه
حور بصدمه: اشترينا منه ازاي يعني ...انت عارف انت بتقول
خبط ع المكتب بعصبيه: صوتك ميعلاش فى مكتبي
قالت بخووف: طب اتفضل. حقق لما نخلص من ام الليله دي
قعد حازم وحقق معاه بهدوء الكل مستغربه وكذلك الكل لحد م جه دور حور وقعدت بخوف بس حاولت تستجمع شويه شجاعه تكلمو بيها
حور: اتفضل
مالك بخبث: تعرفي ...
قاطعته: بص انا عارفه الاساله اظن انك سألتهم ف انا هجاوب من غير م تتعب نفسك وتسأل( بصت ع ندي بخبث) وشكلك مش فاضي
بصلها بغضب من تلميحاتها ...يعني فعلا لسه مقتنعه انو متحرش...م تتقتنع ميشغلهوش اصلا( كانت افكار ف دماغه )
بصلها بغضب ممزوج بهدوء: اتفضلي لاني فعلا مشغول ( ومسك ايد ندي)
بصتله بغضب وغيظ: اولا كنا بنحتفل برأس السنه عادي وجينا من اسكندريه عشان نحضر الحفله ديي
مالك بشك: ومعقوله جايين من اسكندريه عشان حفله ليه معندكوش حفلات هنااك
بصتله بغضب لما فهمت بيلمح لاي: والله براحتنا نروح نيجي براحتنا المهم اننا مشوفناش الكاببتن اللي بتقول عليه دهه ولا نعرفه ( فضل يحقق معاها وكان متعمد يغيظها وهي كذلك)
