الحلقه التاسعه والثلاثون
( حوريتي💗🎼)
( قبل م ابدأ محدش يسيب مشهد غير لما يقراه عشان تفهموا كل حاجه ومحدش يدخل يقولي مش فاهمه كذا كل حاجه موجوده ف المشاهد)
*مر اسبوع واخيرا قررت قرارهاا... اسبوع اقسمت انهه اكتر اسبوع ف حياتها كان مهلك لنفسيتهاا ..حيره.. تفكبر... وجع.. حزن.. مشاعر كتير كانت بتلاحقهاا واكتر كانت تعباهاا ...لبست هدومهاا وراحت للدكتور عشان تقوله قرارها اللي خدته بعد تفكير كبير*
حور: اهلا ي دكتور
_اتفضلي ي مدام حور.. اظن انك قررتي
حور بحزن: اهاا ي دكتور قررت
_طب ها؟؟
_نا مش هنزل البيبي ي دكتور
اتصدم كان مفكر انها هتنزله.. مين المجنونه اللي هتنهي حياتها مقابل طفله لسه حتي مشافتهاش ولا جات للدنيا
_احمم... نتي متاكدا ي مدام حور من قرارك دهه
حور بتلعثم: اها عادي فيها اي يعني
_مدام حور نا بقول لحضرتك انك عشان متنزليش البيبي ده مقابله حياتك مش لعبه يعني
_ونا عارفه نا بقولك اي كويس.. نا مش هخاطر بحياه بنتي عشان نا اعيش.. دي اسمها انانيه... نت ي دكتور مش متخيل حالتي وحاله جوزي لو نزلت البيبي.. نا عندي الموت اهون من اني اعيش تاني نفس احساس النقص والحرمان... نت عمرك م هتحس باحساسي او احساس اي ست مبتخلفش
_احمم.. بس لازم حضرتك وجوزك تمضوا ع الكلام ده عشان لا قدر الله لو حصل حاجه ساعه الولاده ابقاا اناا والمستشفي مالناش دعوه
اتوترت... ازاي هتخلي مالك يمضي.. هتخلي يمضي ع انهاء حياتهاا.. عارفه انه مساحيل يعمل كدا.. ده حتي لسه ميعرفش بالكلام دهه ولا هو ولا اي حد تاني... احتفظت بالسر لنفسها عشان محدش يمنعها
حور: طب هو لازم مالك كمان يمضي
_طبعا عشان لو حصل حاجه.. وبعدين جوز حضرتك ظابط وعارف انه لو حضرتك حصلك حاجه احنا هنروح ف داهيه
حور: امم طب هات الورق ونا هخلي يمضي
_لا لازم يجي بنفسه
حور بعصبيه مصطنعه: يجي ازاي يعني هو هيسيب شغله ومؤتمراته عشان يجي لحضرتك
_طب اهدي ي هانم.. خلاص خدي الورق بس لازم يجيلي ممضي بالكتير اوي بعد يومين
قامت بارتباك ومشيت وهي خايفه تتفضح قدامه
اما الدكتور كان مستغرب من الراجل اللي اهتم بالطفل اكتر من حياه مراته نفسها.. بس اذا كان مراته نفسها مهتمتش لحياتهاا
_هو لسه ف ناس كداا سبحان الله
*************************
ركبت عربيتها واخيرا سمحت لنفسها بالعياط... لا بالنهيار.. انهارت ف العياط.. مش متخيله انه فرحتهاا مش هتكمل.. كان نفسها من زمان تسمع انها حامل ..بس ليه الحلم ده كمان مش هيتحقق.. ليه مش هتلحق تشوف البيبي اللي كان نفسها فيه من زمان... بس ع الاقل تبقا حققت حلمهاا وحلم حبيبهاا... غبيه غبيه متخيله انه بيحلم بحاجه تانيه غير وجودها جمبه... متخيله انهه ممكن يقدر يعيش غيو وهي جمبه... حتى الطفل اللي كان عاوزه منها اكيد قصاد حياتهاا ولاا حاجه...بس ساعات كتير بنفكر بقلنا كتير ذياده عن اللازم وللاسف بيخليناا نعمل حاجات غلط ومتخيلين انهاا صح.. زي م هي هتعمل.. هتنهي حياتها وهي مفكره انه ده هيسعد مالك ومتعرفش انه دي اكتر حاجه غلط هتعملهاا.. اولا هتموت كافره... ايوه ده انتحار... ثانياا هدمر حياته هو كمان بغيابها ...مفكرتش انه ممكن بما يعرف يعيش حياته كلها يأنب نفسه وهو مفكر انه السبب ف موتها.. ده لو عرف يعيش أصلا..بس للاسف هي مفكرتش ف كل ده.. فكرت بس ف حاجه واحده وهي انها مينفعش تنزل الطفل الاي حلموا بيه سنين وشافت انه دي انانيه منها.. ومفكرتش انه ممكن الطفل يتعوض ري م اتعوض دلوقت لكن حياتها مش هتعرف ترجعها تاني
