الحلقه الثالثه والعشرون
( حوريتي💛💋)
ناريمان لحور: حور ....ي بت....انتي ي زفته
فاقت: ها
_ مالك ي حور
_ مفيش ي نيرو .....انا هنزل اشوف لو محتاجين اعمل حاجه معاهم تحت
بصتلها باستغراب: طيب
*نزلت وفضلت عين عليها لحد م نزلت وهي متاكده مليون ٪ انو ف حاجه مش طبيعيه*
ناريمان: حاسه فيها حاجه....لا مش حاسه متاكده
ندي: خليكي دلوقت بس ف اللي انتي فيه
★★★★★★★★★★
نزلت حور بفستان ابيض طويل من ورا وقصير من قدام وحمالاته نازله ع كتاافها وعامله فرمه سمبل ف شعرها ولابسه كعب عالي .
*لما نزلت شافت صحابها داخلين القاعه ف جريت عليهم وحضنتهم*
رقيه: اوووه اي الجمال ده
حور بابتسامة: دي اقل حاجه عندي
دعاء: طب م طلعينا عند نيرو
حور وقفت جرسون: بليز ممكن تطلعهم الاوضه اللي فيها العروسه
_ تمم اتفضلوا
طلعوا معاها بس فضلت رقيه مع حور وكانت لسه هتتكلم بس اتفاجات بعدد كبير من الصحافه بيقرب منها
_ حضرتك حور الاسيوطي اللي واخده لقب حوريه اسكندريه مش كده
_ حضرتك بتعملي اي هنا....
_ هل ف علاقه بتجمعك بعيله الحلاني
رقيه: اييي اييي براحه عليها ف ايي...لو سمحتوا دي مناسبه عائليه واظن انتو مش جايين عشانها وهي مش هتسيب الخطوبه وتقعد تجاوب ع اسالتكو
_ معلش ي انسه حور خمس دقايق بس من وقت حضرتك
_ احنا عارفين عائله الحلاني هل حضرتك كمان ليكي علاقه بيهم
_ واي سبب اخفاءك عن الاعلام والصحافة من بعد المسابقه
رقيه: م قولنا خلاص الله
...يلا ي حور
*جات تمشي بس كانت الصحافه منعاهم....شاف مالك الزحمه اللي حواليها ف قرب منهم واتوجهت أسأله الصحافه كلها لي*
مالك: ي جماعه دي حور الاسيوطي بس مؤخرا بقت حور الحلاني لأنها حاليا مراتي
الكل بصله وبدأت الاساله تزيد
مالك حط ايده ع كتفها وهي ساكته مش بتتكلم خالص وحتي مش بتبصله ودي حاجه ضايقته واتمني لو ياخدها ويمشي من الفرح ويبقا معاها لوحده ويقولها ليه بيعمل كده وانو غصب عنه
مالك: لو سمحتو دي مناسبه عائليه ف لو عاوزين تتكلمو مع حد عندكو بابا والعريس
_ طب م حضرتك كمان عريس...بس ليه مأعلنتوش عن جوازكو
