الحلقه السادسه والعشرون (حوريتي 💛🥀)
*كانت هي واقفه بتابعهم واتحولت ابتسامتها لكا سمعت كلام ريهام الاخير*
عصام ضربها بالقلم: اخرسي ي ريهام اللي بتقوليه ده
ريهام: رجعت تضربني تااني.... بس انا كنت عاوزه افكرك بالحقيقه دي
*لفت بسرعه ومشيت وهي حاسه انو رجليها مش قادره تشيلها... فضلت وقت كتير تحت تأثير الصدمه..... راحت عند عربيتها وهي زي المغيبه حاسه انها ماشيه وخلاص ومش عارفه هي رايحه فين ولا هتعمل ايي... عقلها وقلبها وقفوا ف اللحظه اللي سمعت كلام امها.... لا دي مش امها.... ركبت العربيه ودورتها ومشيت بيها وهي ف حاله صدمه رهيبه.*
حور بصريخ: ليههههه... ليه كل ده ف وقت واحد يارب ليه... والله انا مش حمل صدمات اكتر والله.. (بتصرخ ومفيش دموع نازله كأن خلاص دموعها جفت ومبقاش ف دموع)
*ساقت العربيه بسرعه الجنون ولسه تحت تأثير الصدمه ولسه رافضه دموعها تنزل*
*********************
ناريمان: اصبر ي مالك رايح فين
مالك بصلها: رايح الشغل
ناريمان: طب اصبر عاوزاك
قعد: ها
ناريمان: عندي ليك خبر حلو... عارفه اني كان لازم اقوله امبارح بس نسيت بسبب اخوك
مالك: طب يلا قولي أنا متاخر
ناريمان بفرحه: القضيه خلاص اتقفلت ...وانت وحور تقدروا تتطلقوا وكل واحد يعيش حياته... ياااه اخيرا شويه من مشاكل حور خلصت.... والله البت دي تعبت اوي الفتره الفاتت بس الحمدلله ان شاءلله ربنا هيعوضها
سهير: يعني هما خلاص هيطلقوا
ناريمان: اها ي طنط... وجيه الوقت بقا اللي هنمشي فيه انا وحور.... بجد ميرسي ليكو كلكو... وخصوصا انت ي مالك... ميرسي بجد
محمد: مالك ي بني ف ايي...
سهير: اتكلمم ي مالك.... انت عاوز تطلق حور
ناريمان: اكيد هيطلقها.... هو ف ايي
مالك: مفيش( خرج برا القصر)
************************
ندي: مالك... اصبر
وقف: نعم
_هتطلقها ي مالك
_اكيد يعني.... القضيه خلاص اتقفلت
_سيبك من القضيه دلوقت والكلام دهه انت حاسس انك مش عاوزها وعاوز تطلقها
سكت شويه ف كملت هي: انا عارفه اجابتك... اكيد مش هتوافق تكرر نفس وجعك مرتين... مش هتقدر تعيش وجع غيابها عنك تاني... مالك انت لسه معاكك فرصه... كلمها ي مالك قبل م تضيع منكك ومش هتلحق ساعتها تعمل حاجه وهتفضل تقول يتريت سمعت كلام ندي
