الحلقه الرابعه والثلاثون ( حوريتي)
قرب منهاا ولفهاا لي وسالهاا: نتي واقفه كدا ليه وبتعيطي ليه
_اثل مث لاقيهه الداده
مالك ابتسم ممن طريقتها الطفولية: طب هي كانت فين
_مث عالفه احنا كنا مع بعض ف المول وكان ف زحمه كتيل ونا مث لاقتها بعد كداا
مالك مسحلها دموعها وقالت هي: نت هتوديني عند مامي
مالك: مش عارف انا اي الامهات اللي تسيب بناتها للداده دي
_هتوديني عند مامي ولا لاا
ابتسم بحب: اهاا هوديكي تعالي معايا
مسكت ف صباعه ومشيت معاه وركبوا العربيه وهو قعدها جمبه وفضل باصصلهاا قد اي جميله شعرهاا بني واصل لبعد رقبتها وعينيها بني فاتح نفس لون عينيه وبشرتها برونزيه زيه خدودهاا ورديه وشفايفها كمان
قاعده تفرك ف ايديها ومنزله راسها ف الارض
مالك بابتسامه: انتي مكسوفه
بصتله ببراءه: نا خايفه.. انو انت مث توديني عند مامي
مالك: هههه لا متخفيش انا ظابط ع فكره
سقفت بفرحه: بجد... انا نفسي اطلع ظابط لما اكبر
_هههه ازاي ونتي بنت
قالت بحزن: مامي برضو بتقولي كدا
فضلوا يتكلموا مع بعض لحد م هي نامت جمبه ووصلوا القسم... طلع من عربيته وشالها وهنا حس احساس غريب ومعرفش يفسرهه... ابتسم ع ملامحها الطفوليه ودخل بيها وهو شايلها بين ايديه والكل باصصله باستغراب بس محدش فيهم يقدر يتكلم ....دخل مكتبه وحطها ع الكرسي وهي صحيت وفركت ف عينيها بنوم
_نا فيين
مالك وهو بيقعد ع كرسيه: ف مكتبي
—يعني ده مكتب الظابط
_اممم هو.
_نا عملي م دخلته
_ههه انتي لدغه ف حرف الراء
نزلت راسها بحزن ف قال هو بسرعه: لا لاا متزعليش انتي اجمل لدغه
بصتله ببراءه وهي مبتسمه: فعلاا
_اهاا والله... انتي قمر اووي
_عمو انت اسمك اي
_اسمي مالك ونتي
_اسمي كالما
_كارما... امم اسمك جميل زيك
كارما: طب مث هتودينني عند مامي بقاا
ابتسم: حاضر... ( ندهه ع ظابط)
_ايوه ي فندم
مالك: شايف البنت دي عاوزك تجبلي اي معلومات عنهاا لانها كانت تايهه ف المول ومش لاقيه الداده بتاعتها
