(Unicode)
"သူပြောတဲ့...BFF..ဒီစကားမှာ စည်းအထပ်ထပ်...တားထားတာ သိလျက်ပျက်...ချစ်လာပြီ..ငါတစ်ဖတ်သတ်...စိတ်ကူးနဲ့..ငါတစ်ရက်ရက်...ပြောလိုက်မယ်..ဘာမှမထည့်တွက်ပဲ.......
"ကိုကိုရေ!..ကိုကို.....ရေမြန်မြန်ချိုး...အောက်မှာ..ကိုသွေးရောက်နေပြီ.....မေမေခေါ်ခိုင်းလိုက်လို့....."
ရေချိုး ခန်းတွင် လွှမ်းပိုင်နှင့် နီနီခင်ဇော် သီချင်းညည်း နေရင်း ညီမလေးအသံကြား၍ သီချင်းရပ်လိုက်ကာ
"အေးအေး...ပြီးပြီ....သွေးသစ်အတွက်...coffee တစ်ခွက်ဖျော်ထားလိုက်....မခါးစေနဲ့နော်...သကြားလျော့ထည့်...နို့ဆီများများထည့်. .....ကြားလား.."
သူကလေးက အခါးကြောက်သည်၊ သကြားလည်းသိပ်မထည့် နို့ဆီပါသော coffee ဆိမ့်ဆိမ့်လေးသာ သောက်တတ်သည်ကို အချိန် ကြာလာသည်နှင့် ကျွန်တော်သိလာရသည်။
"ဟုတ်ကဲ့......" ဟုပြောကာ ညီမလေး ဆင်းသွားလေသည်။
တော်ပါသေးရဲ့... ကျွန်တော်ဆိုနေသော သီချင်းကို..ဒီကောင်မလေး..ကြားများကြားသွားသေးလား...ဟူ၍ သက်ပြင်းတစ်ချက်ချမိသည်။
သူကလေး စောင့်နေသည် ဆိုသော အသိက ကျွန်တော့်ကို လှုံ့ဆော်သောကြောင့် မြန်မြန် ပင် အဝတ်အစားလဲ၍ Physics စာအုပ် တစ်ချို့နှင့်အတူ ဆင်းလာခဲ့တော့သည်။
ယခုဆိုလျှင် သူကလေးနှင့်ကျွန်တော်သည် ကျောင်းစာအတူကျက်၊ အတူတွက်ကာ အတူတူပင် နေ့တိုင်းနီးပါး ရှိနေတတ်သည်။
သူကလေးက စာတော်သည်။ သူမတူအောင် ရည်းစားများလှသော်လည်း မည်သူ့အကြောင်းကိုမျှ စကားထဲပင် ထည့်မပြော။ အပျော်သဘောဖြင့်သာ တွဲကြောင်းဖြစ်ပြီး စိတ်ထဲတွင် နှစ်နှစ်ကာကာမရှိကြောင်းကိုလည်း ကျွန်တော် တဖြည်းဖြည်း သိလာရသည်။
သူလေး ခုလို ဆိုးပေချင်ယောင်ဆောင်နေရသည့်အကြောင်းရင်းမှာလည်း ၁၀နှစ်သာသာ မိဘသွန်သင်ပေးမှုအောက်တွင်ရှိနေ ရမည့်ကလေးတစ်ယောက်သည် မိဘများ၏ ပဋိပက္ခ များကြားတွင် မြေဇာပင် ဖြစ်ခဲ့ရသောကြောင့်ပင် ဖြစ်သည်။
သားအကြီးဖြစ်သူနှင့်အိမ်ခွဲ နေနေသော မိခင်ဖြစ်သူက တစ်ခါတစ်ရံမျှပင်လျှင် သူကလေးဆီရောက်မလာတတ်။ ဖုန်းဖြင့်သာ အဆက်အသွယ်ရှိသည်။ဖခင်ဖြစ်သူကလည်း အလုပ်များသောသူဖြစ်၍ အတူတူရှိချိန်မှာ ရှားပါးလွန်းလှသည်။ တစ်ဦးတည်း အထီးကျန် နေသော သူကလေးကလည်း ကိုယ်တိုင်အပျော်ရှာလိုက် ခြင်းဖြစ်သည် ဟုကျွန်တော် နားလည်လိုက်ရသည်။
YOU ARE READING
ထာဝရသူငယ်ချင်း (B.F.F) (Z+U){Completed}
Teen Fiction* အနီးဆုံးမှာရှိနေလျက်နဲ့ ငါတို့ဝေးနေတာ ဘာကြောင့်လဲဆိုတော့ သူငယ်ချင်းတွေဖြစ်နေလို့... * တစ်ယောက်ရဲ့ ခံစားချက်ကို တစ်ယောက်က သိနေပေမယ့် ဖွင့်တော့မပြောဖြစ်ကြဘူး ဘာကြောင့်လဲဆိုတော့ သူငယ်ချင်းတွေဖြစ်နေလို့... * ကိုယ်နာကျင်ရလည်း သူ့ကိုတော့ပျော်ရွှင်နေစေခ...
