نوفيلا ملاك الالياس للكاتبة "زوزة"

البارت 9

ملاك و ألياس كانوا قاعدين مع بعض و ألياس مش راضي يبعد ملاك عن حضنه لغاية لما لاقوا الولاد دخلين وبصوا ليهم بحب و فرح ملاك اتكسفت وقامت وعدلت هدومها وقالتلهم: أنا هروح احضر الفطار ياولاد عقبال لما تتكلموا مع بابا شويه

وطلعت تجرى الولاد بصله هما و ألياس وضحكوا عليها

أسد قرب من ألياس وقعد على رجله و لحقه رعد وبكده الاتنين بقوا فى حضن أبوهم و ليل و ريس بيبصوا لخواتهم بحب و لابوهم كمان

ألياس أول لما أسد و رعد قعدوا على رجله حضنهم جامد اوى و بص لاولاده الاتنين لاقهم نظرتهم دفى مش غيره و لا زعل عرف أن ملاك ربت ولادها على الحب وانبسط قوى من حب ولاده لبعض

ليل و ريس قربوا من ألياس وقعدوا جانبوا بعد لما باسوا من راسو و أيده و ألياس هيطير من الفرحه

ليل بصله بحب و حيرة: بابا هو حضرتك كنت مسافر فعلاً ولا فى حاجه أحنا منعرفهاش

ريس بنفس النظرة: اه أنا ضايع مش فاهم حاجه خالص بس عمتا حضرتك تقدر تعتمد علينا

أسد و رعد بمرح: قول يا برنس سرك في بير

ألياس بصلهم بحب و فخر على طريقة كلامهم وتفكيرهم وضحك على أسد و رعد هو حب ولاده قوى بس أسد أكتر واحد خد قلبه لانه شبه ملاكه قوى

ألياس بحب و فخر: أه يا حبيبي فيه بس مينفعش أقولكوا غير أنى. كنت غبي و حمار وكنت السبب في وجع لملاكى زمان لانى كنت فاكر اني مش بحبها وكنت ماشي ورا اتنين أوسخ من بعض بس ملاكي عرفت تغيرنى والاتنين دول هما السبب فى بعدنا عن بعض كل السنين دي انا عارف اني غلطت بس والله مكنتش اعرف انها حامل أنا اصلا كنت حليت كل المشاكل اللي بينا بس الحيونتين هما السبب فى بعادكم عنى وعذابى وعذاب ملاكي بس والله ماهسيب حقي و حق أمكم

ليل بصله بغل: هما مين دول

ألياس بنفس الغل: جيسى و سامية

ريس بنفس الغل: وربي و ما أعبد لاوريهم الويل

رعد هو كمان بنفس الغل: كانوا السبب فى بعدنا عن بعض وعذاب أمي والله ماهرحمهم

ألياس بصلهم بحب و فخر على ولاده اللي شبهه قوى وقال ليهم: أنا أسف أنا آزيت ملاك كتير و ذلي

ليل قاطعه بحب: بابا حبيبي أحنا ملناش دعوه بالي حصل زمان بينك وبين ماما ده شئ يخصكم لوحدكم بس الاتنين الوسخين دول أنا مش هرحمهم

رعد و ريس بنفس الحب: اه يا بابا ليل معاه حق حضرتك أبونا اللي بيحبنا مش ممكن يأذينا

ألياس بصلهم بحب و فخر على تفكيرهم وحضنهم قوى وبص لأسد الساكت وباين عليه التفكير

ألياس هزه براحه و قاله: مالك يا حبيبي سرحان فى اى

أسد بطلقائية: هو اللي بيقع من علي السلم و بعدين لما يقوم و يكون فى زيت علي الارض و يتزحلق و يقع تاني و بعدين يقوم ولما يقوم ينكب عليه مايه بتلج وبعد الميه بتلج نسيب عليه كلب و بعد الكلب نرميه فى البسين هيعرف يعوم

أسد قال أخر جمله ببراءة وكأنه ماقلش كارثه

ألياس بصله بصدمه وقاله: لا ابدا يا حبيبي ده هيعوم و يطلع يلعب رياضه كمان

أسد بفرح: خلاص أحنا نعمل كده مع البرص الجعان و مرات أبو سندريلا

ألياس بصله و بعدين بص لاخواته وانفجر هو و عياله من الضحك

ألياس بضحك: شكل جيسي و سامية هيشوفوا أيام عنب على أيدك يا حبيبي

أسد بمكر طفولي: ده انا هشهيصهم العقربتان دول

ألياس بصله هو و أخواته بحب وحضنهم جامد اوى وبيحمد ربنا عليهم

بعدين لاقى عشق بتنادى عليهم و بتقولهم الفطار جاهز كلهم راحوا ياكلوا وسط جو مليان سعادة وحب بعدين ما خلصوا الفطار راحوا يتفرجوا على فيلم كومدي و ألياس واخدهم كلهم في حضنه مش راضي يبعد أى حد منهم عنه

وعدى اليوم مابين فرح ألياس و ضحكوا على ولاده المشاكسين و مناقشته لليل و ريس فى حاجات عامة واندهش ألياس من ذكاء ولاده ز و نظرته لملاك اللي كلها حب و عشق و تقدير

جه اليل وهما لسا قاعدين تلفون ألياس رن فتح ألياس التلفون لاقه أمجد فرد عليه و أنصدم من الى قاله

أمجد بصويت: أنت فين ياعم أنا مش عارف اعمل حاجه وعمر بيه مخلينى أنا اشيل كل حاجه وسايب مراتي الغلبانة لوحدها منك لله أنت و هو يا شيخ أنت بتعمل كده و أنت مش عندك حد في حياتك أمال هتعمل ايه لما يبقى فيه قولى

ألياس ببرود: عارف يا أمجد الرقم ده لو اتصلت بيه قبل بدايه الشهر هعمل فيك ايه

أمجد بسرعه: رقم أيه ده رقمك أتمسح من معايا أصلا وأنا معرفش حد اسمه ألياس أصلا أسف يا فندم الرقم غلط السلام عليكم

أمجد قفل و أول ما ألياس حط التليفون على التربيزة أنفجر هو و ملاك و ولاده على أمجد و ألياس حكالهم عن أمجد و عمر و حنين و فيروز و ملاك حبتهم هي و الاولاد و ألياس وعدهم أول لما يرجعوا هيعرفهم عليهم قضوا باقي اليوم فى الضحك والهزار واللعب وناموا فى حضن ألياس وهو كان هيموت من الفرحه و عيلته حوليه و وعد نفسه انه هيعوضهم على كل البعد اللي عاشوا وبعدين راح فى سبات عميق معاهم

بقلم زوزه

وبكدا يكون البارت خلص اشوفكم البارت الجاى يلا مع السلامه

يارب البارت يعجبك يا صحبتي العزيزة ده ليكي علي فكره