نوفيلا ملاك الالياس للكاتبة "زوزة"

النهاية

فى المكان المجهول كانوا جومانه وممدوح قاعدين بيخططوا ازاى يفرقوا بين ألياس و ملاك

جومانه بغل: أنا لازم أخلص من البت دي خلاص معنتش قادره عاوزه ألياس يبقا ليا فى اسرع وقت

ممدوح بخبث: خلاص قربنا نخلص وانتي ليكي ألياس و أنا ليا ملاك

جومانه بغيظ:طب هنعمل اى علشان نخلص

ممدوح بحقارة: عادي انتي هتروحي لألياس المكتب وتحاولى تقربى منه وأنا أول ماتوصلي الشركه هتصل بملاك وقولها جوزك بيخونك مع شريكته

جومانه بفرح: اه و بعدين تبعد عن ألياس وتطلق منوا وهو يبقا ليا صح

ممدوح بخبث: اه وملاك هتيجي تحت ايدى و اطلع عليها القديم و الجديد

جومانه قامت وقالتله بخبث: خلاص انا هروح دلوقتي لألياس المكتب علشان أعمل اللي اتفقنا عليه

جه صوت من وراها بيقول: وانتي تتعبي نفسك وتروحي ليه أدينى جتلك اهو

جومانه و ممدوح لفوا للصوت بخوف وتوتر لاقوا ألياس واقف ومعاه عمر و أمجد و ثائر وبيبصولهم بقرف و استحقار

ألياس قرب منهم وقال بغضب: أنا مكنتش أتوقع أنك توصلي للوساخه دى بس بجد شابو عليكي ارفعلك القبعة انتى ايه معندكيش كرامه انتى عارفه انى بعشق ملاكي ومهووس بيها وعندى أجمل أربع ولاد فى الدنيا عاوزه منى ايه

جومانه بغل: عوزاك أنا بحبك لا بعشقك وانت ولا حاسس بيا انت ملكى لوحدي انا وبس

ألياس بقرف: انتى شكلك اتجننتي انتى فاكره اني ممكن ابص لواحده زيك حتى ملاكى مش موجوده دا أنا اقرف اقول انك شريكة ليا فى الشغل مابالك بقا وانا معايا ملاكى اللي بعشقها

جومانه بجنون: انت ليا انا وبس انا غلطانه كان لازم اخلى جيسي و ساميه يموتوها مع عيالك بس قولت انها تلبسها احسن

ألياس و أمجد و ثائر و عمر بصولها بصدمه وكره واستحقار هي اللي كانت عاوزه تقتل ولاد ألياس وتحرمه منهم وكمان تلبسها لملاك اللي من غيرها ألياس يموت حتي ممدوح بصلها بصدمه هو ممكن يعمل اى حاجه بس مستحيل يفكر يقتل روح

أما بقا ألياس عينه اتحولت لجمرات من النار ونزل فوقها ضرب بكل خوفه و تعبه و قلقه على ولاده و ملاكه

ثائر و عمر و أمجد اتدخلوا وحاشوا ألياس عنها وألياس برضو عمال يضربها برجله فى بطنها ويشتمها بافظع الكلمات

ألياس بغضب و كره و قرف: عاوزه تموتيهم وتبعديهم عني دا انا هخليكي متشوفيش النور تانى همحيكى من علي وش الدنيا

ألياس بص لثائر وقاله دخلهم وثائر مسك تليفونه وقال فيه كلمتين وبعدها بثوان يلاقوا لاقوا البوليس داخل وخد ممدوح و جومانه مع توصية من ألياس انهم يفضلوا اطول وقت ممكن في السجن