نوفيلا ملاك الالياس للكاتبة "زوزة"

البارت 20

على سفرة الفطار اتجمعت العيله كلها علشان يفطروا سوا وطبعا جيسي و ساميه مكنوش موجودين علشان سافروا فسحه

عاصم لألياس: عملت ايه يابني فى الموضوع ده

ألياس بتنهيده: أنشأ الله كله هينحل يابابا أنا تقريبا وصلت للي عمل كده بس المشكله أن الشخص ده غبى جدا وأنا متأكد انه معاه شريك و أنا لازم أعرفه

ملاك بصت لألياس بخوف و قلق وألياس رد عليها بنظراته اللي بطمنها

عاصم: طيب مين اللي عمل كده

ألياس ببرود: ممدوح اللي كان بيحب ملاك لما سابتني من خمس سنين

ملاك بصت لألياس بصدمه و خوف: ازاى ممدوح ده اضعف من كده بكتير و كمان ده جبان جدا

ألياس بحب و حنان: ماهو علشان كده انا بقول فى حد مشترك معاه بس مين أنا مش عارف

في وقت كلام ألياس مع ملاك ليل و ريس و رعد و أسد كانوا بيبصوا لبعض بتفكيرا و ذكاء و فجأة اتكلموا بدور وقالوا بثقه

ليل بثقه: اللي مشترك مع ممدوح فى اللعبه دي واحده ست مش راجل

وبعده اتكلم ريس بنف الثقة: والست دى مغلوله منكوا على الاخر وعايزه حاجه مهمه جدا عندنا

اتكلم بعده رعد بنفس الثقه: وبما ان ممدوح عايز ماما تبقى الست أكيد مش محتاجه تفكير عاوزه بابا

وفى الاخر اتكلم أسد بثقه متقلش عن ثقه اخواته وذكائهم: و الست دي واحده من الاتنين يا جيسي يا جومانه بس اللي الشك عليها أكتر هي جومانه خصوصا بعد لما جت لغايه عند ماما و اعتزرت و النوعيه دي من الستات مستحيل تتخلي عن غرورها و كبريائها

ألياس و عاصم كانوا بيبصوا للولاد بصدمة من ذكائهم بس ملاك لاء لانها عارفه ان ولادها اذكيه جدا وبيقدروا يحللوا مشكلهم و يحلوها بهدوء

ألياس صدمته مطولتش و اتحولت لفخر بولاده و وحوشه اللي هيكونوا سندوا فى الحياه

وعاصم كمان مقلش فخره عن فخر ألياس باحفاده وعرف أن دول أشبال الشيطان اللي مبيرحموش

ألياس قام و قرب ولاده وخدهم كلهم فى حضنه وقالهم بحب و حنان أبوى: متعرفوش أنا فخور بيكم أد أيه حتي انا مجاش على بالى التفكير ده بس الحمدلله انا عندى أربع رجاله يقدروا على الحديد

ليل و ريس و رعد و أسد ابتسموا بفرح علشان فخر ابوهم بيهم و حضنوا ألياس جامد اوى علشان عندهم اب زى ده

فاقوا من اللي هما فيه على اتصال عمر لألياس يقولهم أن حنين و فيروز بيولدوا و هو و أمجد فى المستشفى

ألياس خد ملاك و ساب الولاد مع عاصم و راحوا المستشفى لاصحابهم

ألياس وملاك وصلوا المستشفى وراحوا لعمر و أمجد لاقوهم لسا واقفين و لسا حنين و فيروز بيولدوا فى أوضة العمليات

ألياس خد ملاك فى حضنه و هو سامع صوت صريخ حنين و فيروز و بيفتكر أن ملاكه كمان كانت حامل وبتولد و بتتوجع زيهم بس في فرق بينهم حنين و فيروز معاهم اجوازهم أما ملاكه كانت لوحدها وغير كده ملاكه كانت حامل و تؤام أربع صبيان يعني وجعها مضاعف لاربع أمثال وجع حنين و فيروز

ملاك حست بيه بيشد على حضنها و بيتمتم بكلمات مش مفهومه

بصتله و عرفت بيفكر في ايه رفعت راسها و بصتله بحب و حنان أم لابنها وقالتله: متزعلش نفسك ياحبيبي انا مكنتش لوحدي كان معايا ماما هاله وكانت واخده بالها منى و بتحبني زي بنتها و يمكن أكتر

ألياس بصلها بحب و حضنها جامد بس فاقوا على صوت صرخات الاطفال و فرحه عمر و أمجد بولادهم

حنين و فيروز اتنقلوا أوضه سوا و معاهم ولادهم والاتنين خلفوا صبيان

حنين و فيروز فاقوا وعمر و أمجد كل واحد حاضن مراته و ابنه

وألياس واخد ملاك فى حضنه و بيبصلهم بفرح لسعادتهم

ملاك و ألياس: ألف مبروك يابنات

حنين و فيروز: الله يبارك فيكم يارب

ملاك بفضول طفولى خلي الكل يضحك: هتسموهم ايه ها ها

حنين بحب: ابنى هيبقي اسمه أسر

فيروز بحب شبه اختها بالظبط: وابنى هيبقي اسمه أيهم

ملاك بحب: الله الاسماء دي جميله اوى ربنا يجعلهم زريه صالحة يارب

الكل أمن على دعائها وقضوا وقت لطيف مع بغض و ألياس و ملاك روحوا البيت واطمنوا على ولادهم اللي ناموا و اطمنوا ان عاصم خد الدوا بتاعه وراحوا جناحهم

ألياس و ملاك غيروا هدومهم علشان يناموا بس ملاك لحظت أن فى ظرف هي متعرفش جه منين بس قربت تشوف في ايه

ملاك لما فتحت الظرف اتصدمت و دموعها نزلت و ألياس استغرب وخاف عليها وراح يشوف فيه ايه

بس هو كمان اتصدم لان الظرف فيه صور ليه مع جومانه بأوضاغ مش كويسة

ألياس بص لملاك بخوف ورعب انها تكون صدقت بس لاقها بتعيط و علامات العتاب على وشها و الخوف كمان

ألياس قرب من ملاكه علشان يفهمها أن اللي في الصور مش حقيقي بس ملاك منعته بأيدها وهو اتصدم و دموعه نزلت من الالم و الخوف من الفراق و العتاب انها صدقت انه ممكن يعمل كده

بس فاق على صوت تقطيع الصور و رميهم فى الزبالة و ملاكه بتجرى على حضنه و وقعت بيه علي السرير وهو حضنها جامد

ملاك ببكاء: ألياس مستحيل يعمل كده علشان ألياس بيحب ملاكه صح يألياسى

ألياس حضنها جامد اوى وقالها بحب و حنان و فرحه شديده علشان مصدقتش انه يعمل كده: اه صح ياروح ألياسك حبيبك مستحيل يبص لواحده غيرك

ملاك قالت كلام مش مفهوم وبعدين سكنت على صدر ألياس وهو بصالها لاقها نايمه راح حضنها أوووووى وقال بتوعد و غضب و غيظ من اللي كان عايز يبعد ملاكه عنه وبحرمه منها: نحيتك قربت ياممدوح الكلب أنت و الحقيرة اللي معاك هعلمكم ازاى تلعبوا مع الشيطان

وبعدين بص لملاك بحب و حنان و حضنها وشم شعرها وبعدين راح في أرض الاحلام

بقلم زوزه

يلا سلام بقا البارت خلص أشوفهكم البارت الجاي مع السلامه حبيبي