واقفه ومسخنه لابعد ما تتصورو وحاسه الشمس دي شده ما حاره لمن حيغمى علي 💔
في وسط نقنقه الناس وزهجهم جات مواصلات من هنااااك ومن هنا بدا وضع الاستعداد للتفحيط 😹🤝
لملمته حاجاتي الكانت شبه مدفقه وربطته طرحتي حرصا عليها من اي مدافره 💔🤝وبقيت منتظرة عشان افحط 🤝
ما تمت ثانيه الا وماعارفه روحي زاتي وصلته جوه كيف 😹يمكن بالمدافره شالوني المهم
الحمد لله بعد جهد حتى لقيت مواصلات 💔زي ما بيقولو البلد دي دايرة صبر 💖
وبكدا المواصلات اتحركت ✨عاينته بالشباك كان في كسرة نفس في عيون البرة الله أعلم يمكن يكونو كانو احوج بيها مني لكن في زمنا دا اي زول بخدم مصلحتو 🤝فإذا كان الرجال بقو يدافرو البنات في المواصلات الدنيا تاني حتمشي لوين 😹🤝واذا كان الشباب بقعدو والنسوان الكبار بكونو شماعه 🙂الله يصلح الحال
معليش دوشتكم مع دوشتي في المواصلات 😹🙌خلوني النصل البيت بعدين بوريكم انا منو 🙌
....بعد حوالي ٣ساعات
كنته ماشه علي البيت بعد نومه طويله في المواصلات الرابعه 🤝💔وزادت عليها فوته شارع بيتنا وبكدا زاد الطين بلاا واضطريت ارجع كداري وطوالي دقري لبيتنا 🙌كان عندي استعداد لو زول اتكلم معاي اديهو كف عادي ..
فتحته باب البيت وكالعاده شكل بنات عمي وامهم في اضاني اتعمدته ما اسمع حاجه وطوالي دخلته على غرفتي
طيب احكي ليكم شويه عني 💖
أنا ردينه توب سنير جامعه امدرمان الاسلاميه 💔معنى اسمي براهو حلو 😹
خليكم من قصتي ...ردينه جايه من وقع السلاح 🔫 وكمان كان اسم صحابيه مجاهده بتصنع الرماح 💖
المهم دخلته ادوشته وصليت الضهر والعصر الفاتوني 💔
وطوالي على السرير ..كميه النقتف انرجي الكنته بحس بيهو يومي وانا بمشي وبجي دي كانت كافيه تخليني اجلي حنك القرايه واسمع كلام اخوي واعرس 😹مصطفى السكير صحبو
شويه وسمعته عكاز حبوبه بيعمل صوت في الارض قمته ومشيت عليها سلمته عليها ودخلتها معاي الاوضه وبقينا نتونس
ما بتتخيلو كميه الفرحه البحس بيها وانا بتونس معاها ولا هي البتشيل مني كل همي وبتخفف عني تعب اليوم 🤝
لمن اعاين في عيونها بحس بيهم بيتكلمو قبل ما تقول .....غير جمله..✨✨ الدنيا زايله يا بتي ماف شي بستحق زعلك ✨✨
طبعا الحمد لله انا امي وابوي عايشين ودي نعمه كتير فاقدنها بس امي اختلفت بدري مع ابوي وانفصلو بس نحنا احترمنا قرارها جدا لانو بصراحه ابوي هو الكان الغلطان المهم هي حسي مهندسه اتصالات مع قناه عالميه في امريكا وعايشه حياتها بس برضو ما ناسيانا ودايما بتسأل عننا وعن اخبارنا وما محسسانا بالنقص رغم دا كلو اخوى عادل ما بحبها وبحس بيهو ماحاسيها امو ماعارفه ليه
