مشينا السوق الشعبي وماعنو اصريت على معز انو نخش لجوه بس قال لا عارفين الرجال ما بحبو يلفلو قلته بس حساده ما حاسالو ولا حاوريهو انو الدكاكين اللبرا بيعها غالي لانها مؤجرة 😹
المهم دخلنا محل وبقينا نشوف القماش وشنو
جات مرا عندها شافعتين وولد شايلاهو صغيروني وماشاء الله جميله شديد
وتعبانه مع شفعها تعالي يا ميمي تعالي يا شوشو
انا عجبوني بناتها التوأم بقيت بعاين ليهم
معز لكزني عشان اديهو راي في القماش
...ها
...شنو ها خلصيني دا حلو
...اي حلو ونشيل من اللون دا تقيل وكمان وحده خفيفه بالابيض تعكس اللون
...ليه دا كلو
..اجي يا معز في ستارة بركبوها واحده كدا ؟
...اها يعني شنو تاني
...يلا واكسسوارات ستاير وعاوزه مقابض برضو
...اممم طيب انجزي
فجأه وحده من بنات المرا جات جمبي ومعز والبياع مشو للحساب
امها جات جاريه قلعتها وشالت الحلاوه الاديتها ليها جدعتها منها وحمرت لي وجرت بتها
الصراحه استغربت بس قلته يمكن عشان منقبه خافت على بتها مني 😹المهم حاسبنا وطلعنا
~~~~~~~~
في الطريق
...معز
...اممم
...ما تتم جميلك وتعزمني حاجه جعانه ياخ
....لا بالله مشرياني ستاير وحاجات بقرابه ال١٢مليون
....ربنا يخليك لي انت الزيك منو 💕
دا كلو عشان شنو؟ ما عشان بيتنا يبقا سمح وتاني بكل قوه عين تعزم اصحابك بس كم يوم اظبط الصالون تاني اعزم الدايرو
...هههه اي والله لي زمن يشيلو ويعزموني وانا ولا كشكرته
...طيب تمام كدا تعزم براحتك
...طيب عاوزه تاكلي شنو
....بيتزا
...اوك حسي نقشا ناكل 😹
واكلنا احلى بيتزا واتونسنا اااااخر ونسه واتزكرنا اجمل زكريات
~~~~~
وصلنا بالليل شديد لقينا الناس نايمه
اتسحبنا براحه بيتنا ونمنا 🙊
الصباح جهزته بدري ومشيت بهناك لحنين سلمته عليها وبقيت منتظرة الترحيل ...جاتني ليك منيرة
