بالليل ضربت لي وجدان اضطريت اكذب عليها واتحجج بس حسيت بيها ما صدقت بس مشتني لانو عارفه عمي وحركاتو 🙌
المهم الموضوع قفل على كدا ..اليوم البعدو سامعه ليك ناس عمي يشيلو ويجرجرو في العفش ويشيلو وينضفو بس عملته رايحه نضفته غرفتنا انا وحبوبه ونضفته الحوش ومليت الازيار وعملته روتيني اليومي بعدها سقته حبوبه للمركز وجيت راجعه لقيت عمي واقف في نص بيتنا ويكورك باعلى حس
...يا بت يا ردينه يا كرور انت وين البت دي
....نعم يا عمي
...نعامه التزوزي بيك وين كنتي صايعه ما عارفه انو عندنا الليله ضيوف ولا عشان ما تشتغلي شردتي
...بسم الله يا عمي انت متعود علي كدا؟ بعدين انا ماف زول وراني انو في ضيوف
شبت شهد طوالي جات
شهد . .والله يا ابوي امس جينا انا ووعد نكلمها بس ابت تسمع كانت نايمه زي الغوول 😒
....اصلا بقا جنك نوم تجي من الجامعه ولا القشرانيه دي وتنومي اليوم كلو
في نفسي قلته دا شنو الكذب دا
....طيب يا عمي فهمني الجاي منو
....الليله خطوبه رغد من بلوله أكبر ولد لشيخ الحله
...اها مبروك
شهد ...ومالك بتقوليها بطرف خشمك كدا ولا دي البوورة عاوزه تنهشك نهش
....خلاص يا بنات ماعاوز كلام وشكل ما فاضي ليكم انا ....امشي يا شهد ساعدي امك بغادي وانت طيري امشي ساعديهم
"" متخيلين اسلوبو كيف معاي 👀""
...حاضر بس اغير واجي
بعدها مشيت لبسته جلباب طويل كدا معاهو نقابو كان حلو شديد ومسعف بالنسبه لي لو جا زول فجاه خاصه انو البيت البهناك فيهو عمال بنقلو في الكراسي
المهم مشيت بهناك وكالعاده اشتغلته الشغل كلو وديك بقو يتجيهو ويتلخبطو 🙌
انتهيت الشغل ومشيت بيغادي مهدوده وزهجانه وكلوو علي ما حسيت بنفسي الا ونمته
شويه احس بصوت كركبه جنبي فتحته عيوني لقيتو عادل
....قومي قومي امشي بيغادي انت المرقدك هنا شنو الرجال ديل في الباب طيري بهناك مع البنات
طوالي ختيت نقابي وجريت الحمد لله النقاب كان عملي لانو صادفتهم في الباب 💅💖
المهم زي المغرب كدا جو ناس البلوله واهلهم واتفقو مع عمي وعملو خطوبه وحددو العرس نهايه الشهر 💖
بعد مشو طبعا البيت حيكون مبالغه زي ما انتو عارفين بيت المناسبه بكون كيف
المهم لقيت لي بتين كدا من صحبات ناس شهد ساعدوني في المضايرة ..اما السجمانات ديك يشيلن ويتصورن 🙃
