صلو على اشرف خلق الله محمد صلى الله عليه وسلم
كان شعور لا يوصف لمن شفته بنوتتنا حبيبتنا وذادت فرحتي بشوفه دموع معز وهو بعاين لينا بكل حب 😔💛🔥
..حمد الله على سلامتك
....الله يسلمك 😇ما حتحاول تشيلها
...لالا اعفيني الليله لسه صغيره ما بقدر انا
...ههه طيب
في اللحظه دي جا الدكتور المشرف
وبقا يعمل للبيبي تمارين وكدا لزوم يتأكد انها طبيعيه 🤣🤣ومعز قرب يدقو وكدا
وتعالو شوفوني انا الدموع عشرة عشرة وشغاله ليهو ما تعصر لي بتي كدا حرام عليك يادوب عمرها يوم
الدكتور قعد يضحك وفهمنا انها اجراءات وقائيه وانو لازم يفحصوها وكدا
بعدو شالوها الحضانه عشان كان وزنها ناقص شويه لانو ولدتها بدري
وانا كل يوم اقعد ابكي ليهم جيبو لي بتي وحنين وحبوبه وخالتو سعديه يضحكو فيني
المهم قعدنا زي ١٠يوم كدا في المستشفى لمن اطمنا تماما انو الطفله سليمه
وبعدو مشيت البيت 🔥💛
لقيت حنين ماشاء الله ما قصرت نضفت وبخرت وفرشت الملايات والستاير وجهزت اي شي للحلاوه والخبيزهههه🤣💛
واشتغلو فيني مدايد وشنو حشوني حشي
لكن كانت روحي محرقه شديد خاصه انو بتي بكايه
""صحي ما وريتكم سميناها جود 🙊💛💛""
في يوم انا حايمه وشايلاها وهي شغاله تبكي اظن لانو الكهربا قاطعه والجو سخن بيها وانا خلاص شويه وابكي معاها
لافه بيها البيت كلو وابت نهائي تسكت
جاني معز
. .. مالها بتبكي كدا سامعها من قبيل
...يا معز ما تشيلها حبه امشي بيها الشارع يمكن بارد
...لالا ياخ بوقعها
...معز 😒شيلها توقعها شنو كان ما طولها شبر ما تامي امسكها من هنا ومن هنا
...كدا
...لالا خت يدك التانيه هنا عشان ما تتحلق 🤣
واي حلاتكم سوا الا اديكم صورة
...يا ردينه وقتك حسه
انا حاسي يدي كبيرة عليها وحاسي نفسي عاصرها
...لالا شايلها كويس بعدين يعني متين حتتعلم مثلا تشيلها
....جود يا عسل شفتي ماما دي حقارة كيف
بركه البقيتي تشبهيني 🙊💛
....ههههه امشي بيها خلاص من عاينت كدا حسي حتصرخ
