قاعده وسرحانه وشايله مكشاشتي وقاعده في طرف السرير جاني ليك ولد عمي الصغير جاري 😹😹
ردينه ردينه
...اهلين اول مرة تناديني باسمي
ما قلته لي النينجا ليه
....رغد اتحرقت
...سجمي اتحرقت بشنو 😀انت بتكضب ولا جادي ما عاوزه هظار
...لا ما بكضب دا البلوله الشرير دقاها وكشح فيها الزيت 🌚الحار
...سجمي سجمي
وجريت عليهم بهناك لقيت رغد حالتها بطاله ملفلفه كلها ما قادرة تتكلم وعمي خاتي يدو في راسو ومرت عمي تشيل وتبكي
جريت بهناك كلمته حبوبه وجينا جارين سوا
مرت عمي ...الله يكسر كرعينو ويدينو العفن المعفن لاقيها وين حرق لي بتي وقطع قلبي احي يا الله😭😭😭
حبوبه ..خير يا ناس الحاصل شنو البت مالها
شهد ...دا البلوله الفقر دا جا سكران امس دقاها ولا شنو ما عارفه هي اصلا ما كان قادرة تتكلم وما قدرنا نفهم حاجه
...لا حول ولا قوه الا بالله حسبي الله ونعم الوكيل
قلته بدل القعاد ساي نمشي نعمل ليها شي دافي ولا حاجات تتغذى بيها ...دخلته المطبخ سويت ليها كورة مديده وعصير جبتهم ليها شالتهم مني وعد وحنسوها عشان تاكل اكلت معلقتين ووقفت ....ادوها مسكناتها والمسكينه طوالي نامت😭💔
شويه كدا ابوي واخوي جو داخلين كفرو لعمي وجابو فواكه وحاجات ومشو بهناك
.....
انا قعدته معاهم حبه كدا بعدها قلته احسن اخليهم براحتهم سقته حبوبه ومشيت بهناك
وعقلي ما وقف من التفكير في رغد وفي حالتها ....بالجد حالتها تصعب على الكافر 💔
...مرت الايام ورغد بدت تتحسن سويه وشويه وحرفيا مرت عمي وعمي بعدو عن المهاترات وبقو بالهم في بتهم ..بالرغم من العلاج المتواصل الا انو الحروق كانت عميقه💔وعملت علامات دائمه خاصه في وشها
رغد طلبت الطلاق من البلوله بس رفض تماما فبقت حيه وما حيه دايما سرحانه وما بتتكلم وعيونها دايما فيهم دموع 💔
حاولو كتير معاها وعرضوها لدكتور نفسي برضو ما نفع 💔
وما عاوزه تتكلم نهائي حاصل عليها شنو 💔
........
بعد ٣اسابيع من الحادث سمعته انو مرت عمي ماف ووشهد مرقت لصحبتها ووعد مع المسلسل قلته استغل الفرصه امشي اشوف رغد واحاول اعرف منها او اخفف عنها
وفعلا دخلته اوضتها لقيتها سرحانه
...السلام عليكم رغوده الحلوه بقيتي كيف
