الصباح صحيت زهجانه وماعارفه اعمل شنو وداخله ومارقه من غير سبب وززززهج ما طبيعي 💔
لحدي ما ابوي ناداني شلته الشاي ووديتو ليهو بهناك في الصالون شويه وعاوزه اطلع ناداني
...ردينه
...نعم يا أبوي
...عاوزك في موضوع كدا وعاوزك تفكري قبل ما تديني رايك
....اها يا أبوي
....بتعرفي معز 🌚؟
...مش الشغال معاك في الدكان
...بسسسس كويس انك اتزكرتيهو وكدا سهلتي علي الموضوع
يلا هو طلبك مني
هنا انا زي الكشحو فيني مويه بين مبسوطه ولا ماعارفه ليه اصلا
...انا
...اي وقال لي بنتظرك السنه الاخيرة دي تخلصي قرايه كمان
اها قلتي شنو
....يا أبوي لكن
...ما تديني رايك حسي الزول دا شاريك انا ضامن مستقبلك معاهو بس انت استخيري وورينا
....حاضر
مشيت بهناك دايرة اطير من الفرح 💃🏽
شويه واتزكرته شهد ورده فعلها جاتني خوفه كدا من الموضوع قلته أحسن تعرف مني من تعرف من غيري
انتظرته العصر لحدي ما جا ومشيت ليهم بهناك وكدا وبقينا قاعدين نتونس وانتظرته اللحظه المناسبه لحدي ما فضلنا انا وشهد ورغد برانا في الاوضه
...شهد
...نعم
...أنا عاوزه اقول ليك حاجه
لاني عاداك أختي وماعاوزه اعمل حاجه تجرحك
إنت مشاعرك لمعز حقيقيه ولسه ولا كانت عابرة
؟
...معز😀الذكرك ليهو شنو المقطع دا
بريييي خليتو طلع تعريفه حمرااا ما عندو ماتشوفي السماحه دي مقحط ساي
...المهم خلينا في موضوعنا ...انا صراحه كدا هو إتقدم لي وكدا قلته ما اديهو جواب الا اشوفك
...يا بيبي إنت يعني حاسه بانك واو بالحركه دي😭😂😭😂😭😂واي طبعا يا بتي هو إتقدم لينا قبليك لمن رفضناهو وطبعا بابا قال ليهو ما بناسبنا ولا بناسب مكانتنا 😒عشان كدا ما تعملي فيها واو 🤝🌚
رغد ...عيب يا شهد هي جات توريك عشان ما تجرح مشاعرك لو عندك ليهو شي قولي ما عندك اسكتي بعدين ماف داعي للافتراء
...انا قلته شي يا ردينه اشبعي بيهو اصلا شبهينا واتلاقينا ولعلمك انا بدل معز عندي مازن ومنذر ومؤمن ومجتبى وايييك منتظرين اشارة مني ويجو كلهم يتقدمو بس انا اشاور 🌚فشنو فكي بورتك انت يا بت امي
