رجعنا للبيت طبعا وحنسكن في بيت ناس معز ... ووعدني انو بعد يوفق اوضاعو ممكن نفصل جزء من البيت ونبقا برانا وحتى المطبخ حيفصلو لي 🙄المهم ما كنته بفكر في حاجه لقدام وكان كل همي علاقتي بمعز واعرف شنو بحب وشنو بكره 😅وساعيه انو اكون الانسانه الكان متمنيها لمن نسيت انو مفروض الزول ما يتكلف 💔اول ما وصلنا استقبلونا كويس وماف حاجه طوالي دخلنا غرفتنا كانت رايقه كدا ماعنو عفشها كان عادي بس بيفي بالغرض ...فيها سرير وتلاجه وحمام داخلي اهم حاجه وتوليت وكم درج كدا وجزامه ووكنبتين وكم تربيزه كانت بسيطه وحلوه 💛بس طبعا كأي انثى في الدنيا بتحب تفرش حاجاتها على كيفها😅دخلنا حاجاتنا وارتحنا وشالتنا نومه للعصر حتى مرقنا رسلو لينا حمودي يقول لينا الغدا جهز لبسته لي توب كدا حلو لزوم عروس وكدا ولفيتو في وشي لقيناهم قاعدين كلهم رجال ونسوان بقيت مقلقه حاكل كيف معز حسا بي قال ليهم ...يا جماعه ايه رايكم نقسم الاكل دا عشان الرجال ياكلو براحتهم امو شبت قالت ليهو ...هو قدر شنو لمن تقسموهو بعدين هم وينم الرجال ما ياكا انت واخوك ...وحمودي يا امي ما عاجبك 😹😹وهمس ليها في اضانها حتى سكتت فعلا قسمنا الاكل وبقينا ناكل انا وحنين وام معز "" اسمها سعديه ""ومرام مره اخوهو المغترب والرجال معز وحمودي على قول معز 😹واخو معز اسمو ماهر .....سعديه ..اصلو دي ما بقت علينا قبل كدا قسمه اكل وبشتنه حنين ..ما خلاص يا خالتي احسن عشان ناخد راحتنا ولا شنو مرام ...غايتو شكلو في تغيرات كتيرة حتحصل حنين حمرت ليها وانا الاكل ابا يتبلع لي كلو كلو حسيت بيهو حجارة سعديه ...انت صحي يا ردينه مالكم من جيتو نايمين كدا ...والله تعب السفر بس سعديه ...البسمعك بقول مشيتو دبي كان ما بورسودان "طبعا اتخلعته عرفت من وين 🙄 لكن سكتت"اسمعيني انا من زمان منورة حنين ومرام ومورياهم مسؤلياتهم ومقسمين الشغل وانت حتخشي معاهم في الشغل ...حاضر " بقلبي قلته هو متين هو ""حنين ...يا خالتي خليها اوف الاسبوع دا عشان عروس سعديه ...عروس دي اسطوانه انتهت بعد كدا تشوف حاصل شنو عشان ما تتعود على العسل اسمعيني انت تنضفي الصالون البيغادي وعليك العشا ومرام اصلها بتعمل الفطور وحنين الغدا وانا بشرف عليكم ...ان شاء الله يا خالتي حنين ...مالك قمتي ...لالا شبعته بالهنا عليكم ومشيت طوالي اوضتي ....................................................حنين ...يا خالتي مالك شديتي عليها كدا البت لسه عروس ما اتعودت علينا سعديه ...لا احسن عشان الاولو شرط اخرو نور.......................................................مشيت الغرفه وزهجانه زهج كدا مبالغ انا متعوده اشتغل وشغل بيتنا كلو كان علي بس ما بحب زول يتأمر فيني استغفرته وغسلته يدي وبطني حاسه بيها فاضيه لاني ما شبعته او بالاحرى ما اكلتهجا معز داخل يصفر ويغني ...اقول مشتاق مشتاق عيون الشوق ترررا رررا رررا 💃🏽عيون الشوق تررررا رررا وانا ساكته 🙊....مالك كاضمه كدا معقوله الكابلي بذات نفسو بغني ليك يا جميل وانت ساكت ...ماف حاجه ...احكي نحنا خلاص ما بقا بينا رسميات وريني حاصل شنو ....ما عارفه حاسه امك بتكرهني ...لالا اصلا هي طبعها صعب كدا بس بتحبك وبتعزك ...يمكن بس برضو حاسه نفسي غريبه بيناتهم ما قادرة افهمهم ....ما تقلقي ياخ مع الوقت بفهموك وحتعرفي اي زول وطبعو وحيعرفو طبعك...امممم ...خليك من دا 🤤مشتاق ليك انا ....معز ياخ انا زهجانه وجعانه كمان ....في مرا بالذمه راجلها يقول ليها مشتاقين تقول ليهو جعانه 😀...اعمل شنو ما اكلته كويس في الغدا ...اوك حسي بطلب ليك دلفري ....يا سلام 🥺عسل انت ....😜عارف نفسي بعد نص ساعه وصل الدلفري ومعز جابو طبعا سعديه لمحتو بس هو ما شافها جا داخل ويغني 🤗ومبسوط وبقينا ناكل ونتونس 🙈ونتغزل في بعض ...يا معز ...عيونو ... عاوزه اسالك انت ما كان شفتني قبل العرس الخلاك توافق شنو بصراحه شغل الاخلاق وبتاع دا خليهو للمسلسلات 🙈....😅لالا خليها بالنيه احسن ...باليز ...صراحه شفتك بمساعده حنين في صور وكمان شفتك باحلى كعكات 😅...تاريك ما ساهل وانا اقول شغال لي حلوه من برا وجوا كيف 😅...اصلك حلوه من جوه وبرا 😋....اسكت خلاص فهمنا 😂...طيب تعالي اقول ليك سر ...ماعاوزه🙊...والله حلوو بس تعالي 😆وووو...................................................الصباح اصلا انا بصحا بصلي وبعدها باخد نومه معز جهز من بدري ومشا شرب الشاي بهناك وطلع جاني حمودي بخبط في الباب صحيت بعد صعوبه ...ايوا ايوا ...ماما سعديه قالت ليك تعالي ....كويس جايه مشيت لبسته لي توب ولفيتو 🙄اخخخ من التعب بيتنا كان رحمه للنقاب.....................................................وينك يا ردينه معز دا من الصباح مرق * اي عارفاهو ....طيب مدام عارفاهو مالك ماقمتي شفتي عاوز شنو * سالتو قال ما عاوز شي ...ما ضروري يقول تقومي معاو من الصباح تسوي ليهو الشاي وتنتظريهو لحدي ما يطلع ولا امك ما ورتك كلام زي دا * 😔حاضر يا خالتي ....كويس يلا امشي على الصالون سرعه اول مره تبقا علينا معقوله للساعه ١١ماف حاجه جهزت * حاضر مشيت بهناك نضفته الصالون وانا بغلي كيف تدخل امي في نقاشها وبعدين المرة دي مالها كلامها حار كدا بقيت ببكي من غير ما احس حسيت نفسي حاتعب شديد في البيت دا حنين جاتني قشيت دموعي 💔💔💔😭...ردينه جيبي اتمو ...لالا يا حنين احسن اي زول يعمل شغلو ومنو زاتو اتعود عشان لو ادلعته تاني بتعود ...معليش ما تزعلي من ماما سعديه طيبه هي بس عشان ...لالا ما زعلانه واكتفيت بكدا وطلعته كنته داخله ومارقه واشيل وانظم وارتب وايييك دخلته غرفتي منهكه وما حسيت نفسي الا نمته صحيت على كركبه معز ...اهلين صحا النوم ...انت جيت ....اي لي ربع ساعه ...هههه من التعب ما حسيت ...قالو لي اندرشتي الليله في الشغل ...اي والله بس هانت انتهيت ...طيب وانا ...انت مالك ....ما اشتقتي لي ....افففف منك يا معز ما كل دقيقه مشتاقين مشتاقين انا زهجانه وعيني طالعه واليوم كلو نضافه وقرف ...روقي حسي انت هايجه مالك ....معليش طلع ولا قال لي انت بتقولي لي في شنو وهنا يادوب الشيطان بقا يحرش فيني 🙄ابيت امرق اتغدا .................................................معز ...قومي قالو ليك تعالي الغدا ...ماعاوزه خليهم ياخدو راحتهم لو جيت حيقسمو الاكل وماف زول بشبع وانا زاتي ما فايقه لاكل ...براحتك ما توجعي لي راسي ومرق في قلبي بقيت مليانه شديد برضو انا البوجع الراس يا معز كويس من الحرقه بقيت شغاله اطبز في تلفوني ساي ولا عارفه زاتو بشوف في شنو قعدته اقلب في صور شهر العسل استغفرته وقلته في نفسي شكلو يا ردينه انت ما قادرة تقتنعي انو الزواج ما حب بس في مسؤليات ومشاكل وجوطه بس لازم احاول اتعامل معاها عشان ارتاح بقيت استغفر وقلته لمن يجي معز اصالحو .................................................حنين ...وين ردينه ما جات نحنا قسمنا الاكل ...ما جايه تعبانه شويه سعديه ...بدينا دلع من حسي ولا اتعودت على الدلفري معز ...لالا يا امي بس تعبانه شويه قالت بتاكل بعدين سعديه ....بطريقتها نحنا الما بياكل وقت الغدا بعدين ما بيلقا شي ياكلو حنين ...خلاص يا جماعه خليكم من دا ضوقو سلطه الحمص دي اول مرة اسويها ماهر ...سجمكم الليله تسمم وبقو يضحكو فيها اكلو اكلهم ومعز شال حبه رز وكم حاجه كدا في شكل كوكتيل وغطاهم ودخلهم التلاجه الفي اوضتنا ومشا رقد في الكنبه وشغل الكورة وبقا قاعد يتفرج انا عاهدته نفسي اتظبط واجي اصالحو 🙊🔥طلعته من الحمام بقيت اتكلم معاو وما برد ...معز ....امممم ...عاين ما ملاحظ حاجه متغيرة فيني ...لا .هو ولا عاين لي زاتو ....عاين شوف طيب عشان تلاحظ اداني نظرة كدا باردنه ورجع يحضر ...معز حبيبي انت مالك حمقي كدا 😔🙈انا ما قصدي ازعلك بس كنته زهجانه شديد وبعدين شوف الاستايل والنيو لوك دا كلو عشان منو ما عشانك عاين لي كدا ورجع يعاين في الكورة جيت جمبو .......اها كدا ما شايف ....شايف يا ردينه شايف 😅....طيب لسه زعلان انا ما بتحمل زعلك ياخ 🙊....لالا ما زعلان المزعلني انك بتربطي النقاش بالاكل حسي مالك ما اتغديتي كدا بتلفتي لينا نظر عاوزين اي حاجه بيناتنا تكون بيناتنا ...حاضر تاني ما بعمل كدا ....اها وريني رايك شنو ...حلو الفستان ...والشعر ...والشعر برضو 🙈خليك من دا هسي انا جبته ليك صحن تلقيهو في التلاجه ....اوك ماعاوز تاكل ...لالا انا اكلته بالهنا عليك 💛اكلتا و بقينا نتونس معز ...اها اقول ليك مشتاقين ولا حتتزهجي ...معز خلاص ما تذلني بيها ذله لسان قلنا 🙊....طيب عاوز اقول ليك ...اها ...انت مالك حلوه كدا قعدته اتكشم زي الهبله وفجاه الباب دق 🙄معز ...ايوا نعم حمودي ..ماما سعديه قالت لردينه تعالي عشان تسوي العشا معز ...اوووف ياخ ردينه ...معليش خليني امشي عشان ما يقولو متسيبه ...اوك ما تتأخري بس ...حاضر 🙈.......................................................حنين ...ههه ماشاء الله متظبطه يا بت 😆....لالا بس ...خلاص ما تتخجلي حقك ما عروس اصبري تاني زي الوقت دا بدل الريحه دي حيبقا ريحتك بصل بصل 🙊💔استمتعي ساي واقشري ...هههه محبطه انتي خليك مني وريني بتتعشو بشنو انتو ...والله اي حاجه خفيفه رز بلبن شعيريه مديده وكدا بس ماما سعديه بتاكل عيش بلبن ....ايوا طيب ...اساعدك ...لالا يا بت امشي شوفي ولدك وراجلك بوين ...هههه حاضر وبقيت شغاله في العشا قلته انشط ويمكن المرا الكريهه دي تسكت مني لمن ابدع في الاكل واصلا الاكل ملعبي 🙈عملته ام علي وظبطها تمام وعملته كنافه والعيش واللبن لماما سعديه ماهر ..ماشاء الله مرتك طلعت طباخه معز ...هههه اي والعجب لو عملت ليكم الكبسه ماهر .....هههه شكلو حندلع حنين ..ما شاء الله حلو ردينه ...تسلمي حنين ..خالتي ضوقي ...لالا اكلو انتو انا الحاجات دي بتعمل لي حرقان ردينه عليك الله جيبي لي سكر لبنك دا مسيخ شديد...حاضر مشيت جبته ليها السكر وجينا بقينا نتونس عادي ودي كانت اول مرة ما يحصل مشاحنات اتونسنا عادي وبعدو اتفرقنا اي زول لغرفتو .....معز ...الليله ابدعتي في الاكل شكلي حانوم ...معز ما وعدتني نحضر الفيلم سوا ...ااا صاح خليهو بكرة عشان ابوك موصيني اجي بدري ...افف كويس وطوالي نمنا 🙄💔..........الصباح بدري صحيت مع معز ماعاوزه كلام مع سعديه وسويت ليهو شاي ووريتها وشي دا حتى قلبها برد ووعملته شغلي حتى اندفسته في غرفتي سمعته الباب دق وسامعه صوت حبوبه وناس شهد ووعد وورغد وامهم جو قالو يزوروني ...لقيت حنين فضلتهم وادتهم مويه لبسته لي توب حلو ومشيت عليهم وداك يا السلام والبوس شهد ووعد لمن ما عرفتهم شهد ..اشتقنا ليك ...هههه وانا برضو وعد ...قلنا مدام نسيتينا نجيك نحنا ....هههه لالا والله كنته جاياكم يوم الجمعه واتفقنا انا ومعز نجي نفطر معاكم مرت عمي ...طوالي تشرفو حبوبه ..اها وكيف معز معاك سعديه ...مفروض تقولي لينا كيف ردينه معانا ما كيف هو معاهاحبوبه .... ههههه كلو واحد الاتنين اولاديردينه ...كويسين الحمد لله بعد شويه بجي يلاقيكملمن قلته كدا لاحظته شهد بقت تلف في طرحتها واتغيرت ملامحها بس سكتت بقينا نتونس وحنين ومرام ما قصرو شالوهم فوق راسهم وغدوهم وونسوهم ....معز جا داخل ...السلام عليكم....وعليكم السلام...اهلا اهلا حبوبه عديل عندنا زارتنا البركه والله....ههه كيفنك يا معز وكيف البت دي معاك ...كويس والله 😂وردينه تمام التمام معاي تربيتك برضو لازم تطلع زيك ...هههه ربنا يحفظكم يا رب بعدها بقا يسلم على الباقين ...اهلين اهلينشهد لمن جا معز يسلم حيلها برد مسحت يدها فيهو كدا برقه 🙄🔥وبحنيه كدا قالت ليهو ....كيفك ...تمام الحمد لله واتجاوز وسلم على الباقين بقينا قاعدين ونتونساما شهد تشيل وتلف في طرحتها وتقلب في عيونها ونظراتها وتعاين لمعز حاولته اتجاوز كم مرة بس حركاتها كانت واضحه اتجاوزته لانهم ضيوف وبقينا نتونس وكدا لحدي ما استأذنو وقدمناهممعز ..بالله يا حبوبه كرروها ....ان شاء الله ونحنا كمان منتظرنكم في الفطور يوم الجمعه ....ان شاء الله شهد ...ما تمقلبونا منتظرنكم معز ما رد ليها واكتفا ب ان شاء الله من غير ما يعاين ليها ودعناهم ومشو ...سعديه بصوت قاصده تسمعني ليهو ...يا ولد هوي من متين دي حبوبتك شابكها حبوبه حبوبه عرفه من متين 🌚....يا امي ساي يعني هي بتحب اقول ليها كدا وغمز ليها نظام خففي المنقه ....اسمعني انا يوم الجمعه متعوده ما بمرق.. اهلنا علمونا يوم الجمعه المرا بتقعد في بيتها لو انت ومرتك ماشين تحومو امشو انا فطوري في بيتي يوم الجمعه ...حاضر يا امي براحتك انت بس ما تزعلي والفطور بنفطر هنا وهناك الفي شنو والماف شنو🙈انا اضايقته بس عملته رايحه ومشينا انا وحنين ومرام بقينا نلم في العده ونغسل وكل ما اتذكر شهد ونظراتها اقرب ابكي بس اتمالك نفسي تاني واقول معز زول كويس ومحنك ولو ما زول كويس ما حيقدر يستحمل امو وطلباتي في نفس الوقت 🙊🔥دايما الاختلاف بعد الزواج بيجي من انو الطرفين بيكونو خاتين صور وهميه لحياتهم متناسين مسؤليات ومجاملات وحاجات كتيرة 🔥💔 والزواج ما بكون بس بين اتنين ...بيكون بين عيلتين❤بس بالصبر وبالحنك اي شي بجي خليكم زي معز حنننااااك كدا وكل شي بالحنك بجي 🙈🔥نشوف حيحصل شنو ونهايه شهد ونواياها شنو نتلاقى امووووله صلو على اشرف الخلق محمد صلى الله عليه وسلم 💛🔥يا جماعه انا والله بقرا اي اي تعليق تعلقوهو وبحاول بقدر الامكان انو ارد على التعليقات حتى لو باعجبني 💛فما تحرموني من تشجيعكم ودعواتكم السمحه اهم شي
يتبع.....
