للالتقاء موعد

بلا عنوان

بسم الله الرحمن الرحيم
فى إحدى قرى محافظة الشرقية يوجد بنت زى القمر فى أخلاقها وجمالها الجسدى بردو اسمها سما لسه مخلصة الثانوية العامة ونجحت وبتفوق وهتدخل كلية الطب وهى كل أملها في الحياة هو رضا ربنا عليها وبعده رضا باباها ومامتها باباها اسمه سليم وبيشتغل مدرس لغة عربية فى الأزهر الشريف ومامتها اسمها سارة وهى متعلمة بس تعليمها تعليم متوسط سما اتربت أحسن تربية واتعلمت أحسن تعليم وكانت معروفة فى القرية بحترامها وجمالها الاخلاقى سما بنت وحيدة بس ليها صاحبة أكتر من أختها اسمها رشا ورشا بردو نجحت فى الثانوية وهتدخل طب معاها وبكرا أول يوم هيروحوا فيه الكلية واتفقوا إنهم يبقوا مع بعض دايما وجه تانى يوم واول ما سما صحيت من النوم رنت على رشا كالعادة لأنها كانت متعودة على إنها تصحيها كل يوم
سما: السلام عليكى أيه يا رشا صحيتى
رشا : ايوا هقوم أهو
سما: طيب يلا علشان دا اول يوم لينا فى الكلية ومش عايزين نتأخر
رشا :طيب خلاص قومت أهو وعرفنا إن الابلة سما بتحافظ على مواعيدها وضحكت😅
سما: أيوا يا أختى هنبتديها تريقة بقى🤔
وقفلوا المكالمة وقاموا صلوا ولبسوا زى بعض شميز كاشميرى وجيبة سمراء وخرجوا رشا ساكنة قريب من سما فى نفس المنطقة يعنى سما استنت رشا لحد ما جات وبعدها مشيوا وطول الطريق قضوا الوقت هزار وضحك البنات إللى مش بيخلص بس هما بطبيعتهم مش بيحبوا الزحمة وأول ما وصلوا لقوا المدرج بتاع الكلية زحمة أوى
رشا :يا نهار أبيض دا زحمة أوى دى حاجة تخنق بجد ومن أول يوم كدا 😲
سما :يلا يا بنتى نخش وربنا يستر🤤
ودخلوا الاتنين وهنشوف أيه إللى هيحصل معاهم جوا 🤗