للالتقاء موعد

المواجهة

بسم الله الرحمن الرحيم

وبعد ما الفرح خلص محمد خد سما لمكان بعيد

عن الناس وقالها

محمد: عايز اتكلم معاكى شوية

سما: طيب لما نروح نبقى نتكلم

محمد: تمام

وراح محمد معاها البيت وقعد مع أهلها وشوية

وقعدوا هما الاتنين مع بعض لوحدهم

محمد: سما أنا بحبك جدا وياريت تفهمى

كلامى صح وتعرفى قصدى اي وأنا عمرى ما

هتخلى عنك أبدا

سما: ايه يا محمد خوفتنى فى حاجة حصلت

محمد: عايزك تسمعينى ومتقطعنيش

سما بقلق: طيب قول بقى

محمد: فى حاجة حصلت  معاكى فى أول يوم

في الكلية

سما: أيوا أول يوم كان وحش أوى لأنى كنت

لسه مخدتش على الجو وبعدين فى موقف

محرج حصل معايا استنى احكيهولك

محمد: لا مش عايزك تحكيه لأنى عارفه

سما: بجد فى حد قالك عليه وألا أنت عرفت إزاى

محمد: هقولك شوفتى الشاب إللى خلصكوا أنت ورشا من الصايع

سما: بص هو أنا معرفوش ولا شفته لأنى

ساعتها كنت خايفة جدا وكمان كنت غاضة

البصر عن الاتنين الصايع والشاب المحترم بس

دايما بتمنى له كل خير وبتمنى إنه يحقق كل

إللى فى باله هو إللى قالك صح هو يعرفك

محمد بتبسم: الشاب إللى دعيتى له يا ستى هو أنا

سما بدهشة: أنت إزاى 😰

محمد: أيوا أيوا متستغربيش

سما: استنى ساعتها رشا شكرتك وشافتك

يعنى هى كانت عارفة إن أنت إزاى هى

متقوليش ايوا صح  علشان كدا يوم الخطوبة

اتفاجئت لما شافتك

محمد: لأنى أقنعتها إنها متعرفكيش حاجة

علشان أفاجئك بطريقتى بس تعرفى لما كانت

هى بتشكرنى فى الكلية عينى منزلتش من

عليكى وكانت دى أول نظرة ومن ساعتها وأنا مغروم فيكى 😍

سما بذهول : بجد مش مصدقة بس أنا مش

هسامحكوا علشان تخبوا عليا حاجة زى دى

ولما اكلم رشا هزعق لها والله أنتوا مجانين

محمد: تعرفى كنت خايف من ردت فعلك أوى

وكنت دايما متردد إنى أقولك بس أخدت قرار

النهاردا بإن كل حاجة تتكشف أدامك وتختارى

أنت إللى هتشوفيه صح ليكى

سما: تعرف والله حاسة إنى بحلم متخيلتش

في يوم حاجة زى دى بجد مصدومة

محمد: شوفتى بقى أنت كنت قاعدة تدعيلى

المدة دى كلها وأنا كنت بدعى بردو إن ربنا

يكتبك من نصيبى وكنت  أنت هدفى إللى

بسعى لتحقيقه والحمد لله وصلت لحلمى دا

سما: مش عارفة أعبر عن إللى جوايا من فرحة

بجد الدنيا مش سايعانى بس أقدر أعبر عن

الغضب إللى جوايا ليك أنت ورشا

وضربته على كتفه وقعدوا يضحكوا

سما:تعرف لأول مرة أضرب شاب أو أضرب حد غير رشا

محمد: تعرفى كنت أصبر نفسى بأي كل السنين

دى بإن اسمى محمد يعنى بيبدأ بالميم وأنت

سما نفس الحرف ( الميم) قاسم اسمك نصفين

متساويين في عدد الحروف  زى القلب ما هو

مقسوم لجزئين متساويين علشان الإنسان

يعيش ويقدر يوزع الدم على الجسم كله وأنا

قلت إن ربنا هيدينى قلبى إللى بتمناه دا

علشان أقدر أعيش أنا كمان ❤

سما: أي دا بجد أول مرة الاحظ  أنت فكرت

كدا إزاى دا أنت طلعت عميق وأنا معرفش

محمد بقهقهة: تعليمك يا دكتورة بجد مبسوط

جدا إنك قدرتى تفهمى موقفى وكان دا أول

حاجة عايز أقولهالك وربنا يستر وتقدرى

تقتنعى بالباقى لأن ممكن يتغير رأيك كله بصى

بقى الحاجة التانية هى
❤❤❤
يا ترى هى أي المفاجأة التانية دى🤔