بسم الله الرحمن الرحيم
خرج محمد وراح المطعم وطلب إنه يقابل المدير ولما قابله
محمد بعصبية: أنا مراتى اتسممت بسبب الأكل بتاعكوا وكانت هتروح من بين أيدي أنا عايز أعرف مين إللى عمل كدا وإلا هطلب البوليس وهتتسجنوا كلكوا
المدير: إحنا آسفين جدا لحضرتك اتفضل اقعد وهنشوف أي الغلط حالا
واستدعى المدير الشيف علشان يعرفوا أى إللى حصل
المدير: فى غلط حصل في أوردر الأستاذ ومراته اتسممت بسبب الأكل إللى عملته ممكن نعرف أي الغلط دا
الشيف: مراته إزاى
محمد: مستغرب لى انطق بسرعة يلا
وبدأ محمد يضرب فى الشيف لكن المدير وعده إنه هيجيبله حقه بس بهدوء
المدير: إحكيلنا كل حاجة بالتفصيل لو سمحت
الشيف:....................
المدير: لو فضلت ساكت كدا أنا إللى هطلبلك البوليس وهفصلك حالا علشان سمعة المطعم كدا هتتشوه بسببك
الشيف بفزع: أن هقول على كل حاجة بس بلاش البوليس لو سمحتوا
محمد: طيب انطق بسرعة
الشيف: فى واحد جه ودفع فلوس ليا مقابل إنى أسمم الأكل بتاع حضرتك علشان عايز يقتلك بس للأسف مرات حضرتك إللى اتسممت علشان بدلتوا الأكل
محمد: ومين الشخص دا
الشيف: والله ما أعرفه ولا أعرف أى حاجة عنه بس ممكن أوصفه لحضرتك
طلب محمد رسام بسرعة وبدأ الشيف يوصفه للرسام ولما خلص كانت المفاجأة لمحمد إن إللى حاول يقتله هو سيف😲 وطلب محمد البوليس لسيف ولما اخدوا سيف على القسم شاف محمد واتصدم
سيف: أنت إزاى حى دا المفروض تكون ميت دلوقتى
اضايق محمد لما شافه وفضل يضربه لحد ما وقع على الأرض لكن الظابط طلب منه إنه هيهدأ
محمد: الحيوان دا لازم يموت كان هيموت حبيبتى
سيف باستغراب: سما إللى أكلت السم؟!
الظابط: ولا يهمك خلاص يا دكتور محمد إحنا هنتعامل معاه بطريقتنا
ورجع محمد المستشفى لسما وفضل سيف محبوس فى السجن ويفكر في إللى عمله أول ما وصل محمد راح لصاحبه اطمئن على صحة سما
محمد: أحمد سما عاملة أى دلوقتى
أحمد: الحمد لله أحسن من الأول بكتير بس لازم طبعا تقعد في المستشفى لبكرا ويكون معاها حد
محمد: طيب تمام وشكرا يا حبيبى مش هنسالك الموقف دا أبدا
أحمد: على أي يا ابنى دا واجبى وبعدين إن منقذتش مرات أخويا هنقذ مين يعنى ومتنساش إنك كنت معايا بردو يعنى مكنتش لوحدى ويلا علشان نطمئن عليها
وراحوا لها واطمنوا عليها ومحمد أقنع باباها ومامتها إنهم يروحوا علشان يرتاحوا لأنهم تعبوا جامد ،سلموا على سما ومشيوا
سما: روحت فين وسبتنى
محمد: روحت المطعم علشان أعرف أيه سبب إللى حصل دا كله
سما:طيب وعرفت
محمد: أيوا...........وحكى لها كل إللى حصل معاه
سما: دا كله من سيف يعنى لسه مزهقش كان عايز ينتقم بإنك تأكل السم بس الحمد لله إنى أنا أكلته
محمد: كنت هموت لو حصلك حاجة مكنتش هسامح نفسى أبدا الحمد لله على إنك بخير يا حبيبتى هقوم أصلى ركعتين شكر لله بقى وأنت نامى
فى السجن سيف فكر كتير وفى الآخر اقتنع إنه كان على غلط وإنه غلط فى حق سما كتير بس للأسف الندم على الشئ المكسور مش هيرجعه سليم تانى
وخلص اليوم وتانى يوم خرجت سما من المستشفى وراحت البيت وسلمت على أهلها
سارة: نورتى البيت يا حبيبتى حمد لله على سلامتك
وجهزوا الغداء وقعدوا يأكلوا وشوية وسما نامت ومحمد مشى ومرت الأيام بعدها عادى وجه اليوم المنتظر من سنين كتير فاتت وهو يوم الفرح😍❤
❤❤❤
طول ما الواحد قريب من ربنا دائما قراراته هتكون صح وهتتحقق كل أمنياته بس الواحد محتاج شوية صبر ويقين علشان يفرح بإللى اتمناه😍😘
أنت تقرأ
للالتقاء موعد
Romanceمرحلة المراهقة أهم وأصعب المراحل العمرية إللى بيمر بيها الإنسان وإللى بتحدد مستقبله إما الضياع أو النجاة والصح فيها إننا نفكر كويس في أى حاجة هنعملها ونستشير شخص حكيم وذو خبرة وممكن فيها الإنسان يعجب بشخص وساعتها يعتقد إنه بيحبه وبيعشقه كمان وغالبا...
