للالتقاء موعد

موعد منتظر

بسم الله الرحمن الرحيم

الحاجة الثانية هى ودى عرفتها لوحدى من برا يا أبلة

سما بذهول: فى لسه حاجة ثانية و عرفتها من برا كمان طيب من مين يا أستاذ

محمد: من واحد كدا بقى ودا كل إللى همك إنك تعرفى مين مش عايزة تعرفى الموقف نفسه

سما: واحد مين وبعدين موقف أي

محمد: تعرفى يا سما إن لو حد حاول يعاكسك أو يتعرضلك أنا هقتله

سما باستغراب: محمد فى أي قلقتينى

محمد: عرفت إن من كام سنة فى واحد رن عليكى وكلمك وكان بيحبك والكلام دا

سما: واحد رن عليا دا أمته دا مش فاكرة

محمد بغضب: افتكرى يا أختى ومتستعبطيش

سما لاحظت إن محمد تحول مزاجه من ضحك وهزار لجدية وزعل

سما: محمد الواحد إللى حكى لك عن الموقف دا قالك حصل أمته وقالك أي بالظبط

محمد: أنا عايز أعرف منك الأول فكرى كدا

وقعدت تفكر شوية وفجأة

سما: أيوا أيوا صح فى واحد اتصل بيا والكلام دا كنت لسه فى أجازة أولى كلية من زمان يعنى
والموضوع خلص خلاص

محمد:  أنت لي مقلتليش أنا عايز أعرف كل حاجة حصلت لو سمحتى

وبدأت سما تحكى لمحمد كل إللى حصل وبعد ما خلصت كلام

محمد: أنت إزاى تسمحى له أو لغيره أنه يكلمك كدا

سما: محمد أنا ساعتها انصدمت من إللى قاله وبعدين يعنى أنا ماتكلمتش معاه يعتبر كنت أغلب الوقت ساكتة بس فى الأخر هزقته قولتله متتصلش بالرقم دا تانى وياريت إللى حكى لك يكون قالك الحقيقة كلها وألا هو قالك إللى على مزاجه بس

محمد: طيب هو حاول يتصل بيكى تانى من بعدها
أو اتواصل معاكى بأي شكل من الأشكال

سما: لا مفيش تواصل ولا حتى فاكرة رقمه يا بنى دا موضوع قديم وانتهى

محمد: لا لسه

سما: أنت مش مصدقنى وألا اي

محمد: أيوا مش مصدقك لأنك لسه على تواصل معاه

سما: ياعم والله مفيش الكلام دا خالص

محمد: بس خلاص بطلى حلفان لأن حرام تحلفى كدب

سما: محمد أنت كدا تخطيت الحدود

محمد: لأنى متأكد إنك على تواصل معاه وأمارة كمان إنك قاعدة معاه حالا

محمد فضل يضحك من تعبيرات الصدمة بتاع سما

سما بقلة تركيز: بتهزر صح

محمد بفرحة : لا والله مش بهزر خالص دى حقيقة
وحكى لها كل حاجة بالتفصيل

محمد: تعرفى أنا اتعذبت أوى على ما وصلتلك لدرجة إنى صليت استخارة علشان اتصل بيكى وكمان علشان لو الموضوع دا فى شر ليا ربنا يبعدك عنى بس من بعد ما صليتها وأنا تعلقى بيكى وحبى لكى  زادوا عن الأول بكتير

سما بدهشة: للدرجة دى دا أنت مجنون تعرف إن لما كلمتك فضلت حاسة بالذنب وعيطت كتير وتشهد على كدا رشا استنى هى رشا كانت عارفة دا كمان 

محمد : لا رشا متعرفش ألا المفاجأة الأولى بس أيه رايك بقى

سما: فضلت كل السنين دى مستنى يالهوى

محمد: الحب بقى هنعمل أيه وبعدين أنا لما بوعد بوفى وأنا بعتلك وعد فى رسالة إننا هنكفر عن الذنب دا مع بعض وأهو هيتحقق

سما: تعرف إن الرسالة دى أكتر حاجة خوفتنى وساعتها اتمنيت إنى أشوفك علشان أولع فيك

محمد: هههه وأهو جه اليوم إللى  أنت شوفتيني فيه واتقابلنا وجها لوجه بعد طول انتظار

كانت دى المفاجأة الكبيرة في حياة سما ومحمد 
❤❤❤
مفيش أجمل من الحب لما يجى بعد كفاح كبير أوى بس يا ترى هتدوم فرحتهم🤔