سما: والله أنا مصدومة حاسة إنى فى حلم إزاى دا كله يحصل
محمد: شوفتى بقى غلبتينى معاكى إزاى بس أكيد
أمنيتى اتحققت علشان أنت كنت بتدعيلى على إللى عملته في الكلية معاكى بس ياريت ما تكونيش دعيتى عليا ساعة ما اتصلت بيكى
سما: والله أبدا دا أنا دعيت لك بالهداية لأن مش بحب أدعى على حد بس وقتها قلقتنى جامد ومعرفتش أنام طول الليل
محمد: أنا آسف بس ساعتها كنت عايز أسمع صوتك مش أكتر ومعرفش جاتلى الشجاعة والقوة إنى أقولك الكلام دا إزاى ساعتها بس خير الحمد لله
سما: بجد دى قصة كفاح هههه
محمد: وأنهى كفاح وقبل ما أمشى بقى مفيش شكرا على كفاح السنين إللى فاتت دى كلها
سما: لا بس شكرا على الصدمة والمفاجأة إللى صدمتنى بها النهاردا دى
محمد: أيه دا بس كدا
سما: أمال عايز أي يعنى
محمد: عايز أسمع الكلمة إللى علشانها عملت كل دا
سما: أاه مرة تانية إن شاء الله
محمد: لا لازم دلوقتى مينفعش تأجيل
سما بخجل: أنا بحبك❤ راضى كدا
محمد: ياااه متعرفيش أنا حاسس بأي دلوقتى ربنا يخليكى ليا وميحرمنيش منك ابدا
سما: ويخليك ليا يا حبيبى
محمد: لا كدا كتير عليا النهاردا يتقالى بحبك وحبيبى مرة واحدة دا أنا أروح بقى يلا سلام
وهو خارج قابل أبو سما واتفقوا إن كتب الكتاب هيكون نهاية الأسبوع وانتهى اليوم ومرت الأيام وسما كلمت رشا وحكت لها
رشا: أنا اتفاجئت لما لقيته هو يوم الخطوبة أصلا بس والله هو إللى طلب إنى مقلكيش حاجة عن الموضوع أنا آسفة
سما: دا أنا هنفخك تخبى عليا ماشى بينا الأيام
رشا: يا ستى ميبقاش قلبك أسود بقى بس الموضوع التانى دا وإنه هو إللى كان بيتصل دي مفاجأة أكبر لينا كلنا بس فرحت لك والله وربنا يفرحكم ويقدملكم إللى فيه الخير
سما: يارب يا حبيبتى ويخليكي ليا وأسمع اسم خالتو قريب بقى
رشا: إن شاء الله يا قلبى
وقفلوا المكالمة وخلاص تانى يوم كتب الكتاب وبيجهزوا للحفلة وبصت سارة لابنتها وقالت لها
سارة: خلاص يا سما هتمشى والبيت هيفضى علينا
سما: متقلقيش يا ماما هنجيلكوا أنا ومحمد على طول
سليم: ربنا يخليكوا ليا يارب ويخليلك محمد ويباركلكوا فى حياتكم الجاية ويسعدكوا
سما: يارب يا بابا ويخليك لينا يا حبيبي
وكتبوا الكتاب والكل فرحان لهما وكانوا زى القمر كالعادة وعدت الحفلة على خير بس فى مكان تانى سيف مش بيسكت ولا بيستكفى وبدأ فى تخطيط مهمة أكبر علشان يكمل انتقامه للتفريق بينهم
سيف: المرة دى هندمهم بجد وهشوف محمد إللى كان زى الأسد هشوف هيعمل أي، بسببهم أنا اتحولت من دكتور لبلطجى بيفكر في خطط قتل وانتقام علشان كدا لازم المرة دى تكون الضربة القاضية لهم
مجهول: طيب يا معلم أيه إللى فى دماغك
سيف: مش عارف لسه بس عايز خطة تقضى على الحب دا عايز سما تنكسر وأهم حاجة نبعد عن فكرة إننا نحطم الثقة بينهم لأن الموضوع دا مستحيل لأن الثقة بينهم عمياء
مجهول: لو عايز تكسر البنت اكسر حبيبها لأنه هو ظهرها إللى بتتحمى بيه
❤❤❤
يا ترى فرحتهم هتدوم
يا ترى أي خطة سيف 🤔
أنت تقرأ
للالتقاء موعد
Romanceمرحلة المراهقة أهم وأصعب المراحل العمرية إللى بيمر بيها الإنسان وإللى بتحدد مستقبله إما الضياع أو النجاة والصح فيها إننا نفكر كويس في أى حاجة هنعملها ونستشير شخص حكيم وذو خبرة وممكن فيها الإنسان يعجب بشخص وساعتها يعتقد إنه بيحبه وبيعشقه كمان وغالبا...
