بسم الله الرحمن الرحيم
سيف: إزاى يعنى
مجهول: دلوقتى هما كتبوا الكتاب يعنى بقوا متجوزين وأكيد ممكن يخرجوا في الوقت دا فإحنا لازم نراقبهم كويس وأول ما يخرجوا نعمل مع الشاب الصح كله
سيف: أيوا صح فكرة حلوة تاهت عنى فين الفكرة دى ويلا نراقبهم من النهاردا
مجهول: تحت أمرك يا معلم
ونفذوا الخطة وفضلوا يراقبوهم لحد ما جه يوم ومحمد استأذن سليم وأخد سما وخرجوا يتغدوا في مطعم وساعتها عرف سيف وراقبهم لحد ما وصلوا المطعم ودخلوا ومن غير ما حد يشوفه دخل المطعم وراح للشيف واتفق معاه إنه هيحط سم فى أكل محمد مقابل إنه هياخد ١٠ آلاف جنيه وطبعا الرقم مغرى فوافق الشيف وخلص الاتفاق وخرج
برا المطبخ سما ومحمد قعدين يضحكوا ويهزروا وعايشين في رومانسية جميلة واتفقوا إنهم هيأكلوا من نفس النوع وطلبوا الأكل وبعدها بشوية الجرسون نزله كانت الخطة متنفذة بالظبط بس سما أصرت إنها تبدل طبقها بطبق محمد وهما بيأكلوا حس محمد إن سما تعبت من الأكل وسألها
محمد: سما مالك في أي
سما: مش عارفة بس تعبانة أوى
وفى اللحظة دى فقدت سما الوعى وأخدها وراح بسرعة المستشفى وطلب من أحمد دكتور زميله إنه يكشف عليها وعرفوا إنها اتعرضت لحالة تسمم شديدة
محمد: انقذ سما بالله عليك يا أحمد هى حياتى ومقدرش أعيش من غيرها
أحمد: طيب بس اصبر وثق فى ربنا إن شاء الله هتبقى كويسة بس هى حالتها خطر السم انتشر في جسمها بسرعة كبيرة
محمد: إن شاء الله هتقوم بالسلامة
راح محمد صلى ركعتين ودعى لها إنها تقوم بالسلامة لأنها أغلى حاجة بالنسبة له ودخل يساعد أحمد وطول ما الوقت بيمر وهى لسه مفاقتش التوتر والقلق بيزيدوا عند محمد ولما مر ساعة وهى لسه زى ما هى مقدرش يعمل حاجة غير إنه يمسك إيديها
محمد ودموعه ملازماه: سما لازم تقومى أنا استنيت كتير وصبرت لحد ما بقيتى مراتى وأنا مسمحلكيش إنك تسبينى كدا يلا قومى
أحمد: محمد خلاص لو مش هتقدر تكمل اخرج استنى مع أهلها برا
محمد: لا مقدرش أسيبها دى روحى
وبعدها قدروا إنهم يتغلبوا على السم وخرجوه من جسمها بس هى لسه مفاقتش
أحمد: الحالة بقت مستقرة الحمد لله بس لازم تفضل فى العناية لبكرا فى اللحظة دى سجد محمد سجدة شكر لله إن حبيبته بقت كويسة وفى حالة أحسن
مرت ساعة وفاقت سما والكل كان فرحان وساعتها اطمن محمد عليها واستأذن علشان يمشى
سما: أنت رايح فين خليك جانبى
محمد: الأول حمد لله على سلامتك يا حبيبتى هروح مشوار صغير كدا وراجع على طول أدام اطمنت عليكى ومعاكى عمو وطنط أهو على ما أجى
سارة : حمد لله على سلامتك يا قلب ماما إحنا جانبك أهو وألا أنت عايزة محمد ومش عايزانا
سما: لا والله يا ماما عايزاكوا كلكوا جانبى
سارة: كلنا جانبك يا روحى
سليم: ارتاحى ونامى شوية يا حبيبتى
❤❤❤
يا ترى محمد هيعمل أي
وهيكون أى رد فعله لما يعرف حقيقة إللى حصل🤔
أنت تقرأ
للالتقاء موعد
Romanceمرحلة المراهقة أهم وأصعب المراحل العمرية إللى بيمر بيها الإنسان وإللى بتحدد مستقبله إما الضياع أو النجاة والصح فيها إننا نفكر كويس في أى حاجة هنعملها ونستشير شخص حكيم وذو خبرة وممكن فيها الإنسان يعجب بشخص وساعتها يعتقد إنه بيحبه وبيعشقه كمان وغالبا...
