للالتقاء موعد

بداية على وشك الانتهاء

بسم الله الرحمن الرحيم

كل واحدة من الصديقتين هتبدأ حياة خاصة 

بها شوية ويوم الخطوبة والكل فرحان وأهلهم

بيجهزوا فرح بناتهم علشان تبقى أجمل فرحة

وخاصة إنها هتكون فى مكان واحد والبنات

مش متخيلين إزاى عروستين يبقوا في مكان

واحد وراحوا البنات لسنتر علشان يجهزوا فيه 

وكل واحدة واخدة فستانها معاها وفى النهاية

جهزوا الشباب علشان يروحوا يجيبوا البنات

واتفقوا إنهم يخرجوا مع بعض لكن كل واحد

منهم بسيارة وخرجوا البنات من السنتر مع  

بعض سما بفستانها الكاشميرى الجميل وكانت

فيه زى الأميرة😍

اتفاجئ سيف جدا من جمالها واتفاجئ خالد

من جمال ورقة رشا لما شافها بفستانها الجميل

البيج في أبيض كانوا فعلا أميرات 😍❤

وكانوا مبسوطين جدا وكل واحد وحبيبته

ركبوا السيارة الخاصة بهم و أول ما وصلوا

مكان الخطوبة لقوا الكل فى انتظارهم وكل

حاجة جميلة ومظبوطة وسلمت كل واحدة 

منهم على أهلها ودعت لهم سارة

سارة: ما شاء الله ربنا يسعدكوا

سما حضنت سارة وقبلت أيديها وعملت كدا مع

باباها سليم كمان ورشا سلمت على أهلها

وبعدين البنات لبسوا الدهب والكل قرر إن

البنات يرقصوا سلو مع الشباب بس سما

رفضت فى الأول

سما: حرام مينفعش أعمل كدا ميصحش لأن

لسه دى خطوبة مش جواز وبعدين الناس فيها

كتير  مش من محارمى وكدا حرام

رشا: يا سما هى مرة واحدة يلا قومى وبعدين

بصى على سيف هتلاقيه زعل

فلا سما لقت سيف زعل فاضطرت إنها ترقص

معاه وهما بيرقصوا سما لحظت إن سيف لسه

زعلان فقالت له

سما: سيف مالك فى حاجة أنت زعلان لي

سيف بنرفزة: مفيش حاجة عادى

سما: لا فى حاجة  بس على العموم براحتك

وجانبهم رشا وخالد بيرقصوا  مبسوطين جدا 

وخلصت الحفلة بس سما عارفة إن سيف

زعلان وقررت إنها تسيبه على ما يهدى وتكلمه

تانى يوم وعدى اليوم على خير وتانى يوم سما

كلمت سيف علشان تعرف سبب زعله أي

سما: السلام عليكم إزيك يا سيف

سيف: وعليكم السلام الحمد لله بخير

سما: أنت زعلت لى إمبارح بقى قولى

سيف: عايزة تعرفى أيه إللى زعلنى

سما: أكيد عايزة أعرف أنا بتصل بيك علشان

أعرف أصلا

سيف: بصى يا ستى إنك ترفضى ترقصى معايا

دا تقليل من قيمتى فيها أيه لما ترقصى معايا

يا دكتورة دا خلاص كام شهر وتبقى مراتى

سما: بص والله ما قصدت إنى أزعلك أنا

رفضت فى الأول علشان حرام أرقص أدام  

الرجال إللى مش من محارمى ودا مش أظن

قرار مش غلط ولا حتى يزعلك بالعكس دا

يفرحك وبعدين غلط  إنى أرقص معاك لما أبقى

مراتك ساعتها يبقى حلال إنى أرقص معاك

بس لما حسيت إنك زعلت ومفهمتش قصدى

رقصت بس

سيف: خلاص خلاص مش هتفهمينى

سما: خلاص حصل خير وعلفكرة أنا فهماك

كويس أوى
❤❤❤
يا ترى العلاقة إللى بين سما و سيف دى

هتستمر دا من يوم الخطوبة زعل منها 😂😍؟!