للالتقاء موعد

اعتراف بالعشق

الشاب وهو بيصلى فضل يدعى ربنا إنه يوصلوا ليها بأي طريقة وبعد ما خلص صلاة مسك تليفونه وقعد وقدر إنه يجيب رقم تليفونها بس مكنش عنده الشجاعة إنه يتصل بيها وخايف من رد فعل سما وفضل حيران نص ساعة وبعدين قرر إنه يقوم يصلى صلاة استخارة وإللى ربنا عايزه هيكون وقام وصلى وبمجرد ما خلص صلاة مسك تليفونه ورن عليها
سما: السلام عليكم ألو ألو
الشاب مقدرش إنه يرد عليها أو ينطق بكلمة وفضل ساكت يسمع ويتأمل في صوتها إللى بينزل على قلبه زى العلاج إللى بيشفى كل الأمراض  وهو سعيد وفرحان جدا بس سما زهقت لما محدش بيرد عليها وقفلت المكالمة وعدى اليوم عادى وتانى يوم لقت نفس الرقم بيرن وحصل معاهم نفس إللى حصل قبل كدا وقعدوا فترة على كدا والفضول كان هيقتل سما وفكرت شوية وقالت
سما: يا ترى مين دا وبيتصل ليه  وشكت إن ممكن تكون رشا هى إللى بتتصل وعاملة مقلب فيها واتصلت سما برشا
سما: سلام عليكى أيه يا أختى من ساعة ما بدأنا الأجازة وأنت مش بتسألى
رشا: وعليكى السلام والله يا بنتى غصب عنى وبعدين مش معايا رصيد وضحكت 😋
سما: عادتك ومش هتبطليها  طيب يعنى مجبتيش رقم جديد وبتكلمينى منه
رشا: لا والله أبدا لى فى حاجة
سما: لا بس فى رقم بيتصل ومش عارفة هو مين ومش بيرد
رشا: طيب خير إن شاء الله يا حبيبتى وخدى بالك من نفسك
سما: إن شاء الله طيب يلا سلام
وقفلوا المكالمة وبعدها بيومين سما لقت الرقم بيرن عليها تانى وقررت إنها متردش بس هو قعد يتصل كتير وهى زهقت وكانت متغاظةأوى وحلفت إنها هتهزأه لو اتصل تانى وبالفعل اتصل وأول ما فتحت المكالمة اتغيرت كل حاجة كانت مخططة لها لأن  هى مكنش لها فرصة إنها تتكلم أو تقوله السلام حتى لأنه مدهاش الفرصة دى من اول ما فتحت المكالمة لقت وأخيرا حد بتكلم
الشاب: إزيك يا سما أنا عارف إنك إنسانة محترمة جدا وملتزمة بدينك وجميلة فى كل حاجة ودا إللى خلانى أعجب بيكى وأعشقك كمان ووالله بحترمك جدا وأتمنى إنك تكونى معايا طول عمرى وأنا إللى كنت بتصل ومش برد كنت ببقى عايز أسمع صوتك بس
يا ترى أيه هيكون رد فعل سما؟!🤔 خمنوا كدا فى التعليقات  على ما نشوف فى الجزء الجاى😘