رواية جزائرية 100%
توضيح : هادي الرواية باللهجة الجزائرية فقط لكن الأحداث الواقعة فيها ليس لها صلة بالعادات و التقاليد الجزائرية (ما تقولوليش مستحيل تصرا فالجزائر 😄(
صغيرة كنت أستعجل الأيام كي أكبر ☺️،والآن أرتجي الأيام أن تعيدني حيث طفولتي وتنس...
كيما قلتلكم من قبل هادي الكرونيك باللهجة الجزائرية فقط لكن الأحداث الواقعة فيها ليس لها صلة بالعادات و التقاليد الجزائرية ما تقولوليش مستحيل تصرا فالجزائر (لقد بلغتكم مرتين باش ما تنساوش 😊)
🖤🖤🖤🖤🖤🖤🖤🖤🖤🖤🖤🖤🖤🖤
إيلين : 😐😐😐😐 سمير (الجد) : ماكرهتييش من روحك ، شوفي مع حالتك يا طفلة و فيقي مع رووحك 😡😡. إيلين : لكان خلصت كلامك خليني نطلع لبيتي راني عيانة . سمير : خرجتيي ليماك 😡 ، قليلة تربية و ماتحتارمي لا كبير و لا صغير ، روحيي طريق السد . إيلين : كل يوم نفس الهدرة ما كرهتش 😒 ؟!! طلعت و خلاتوا يغلب وحدوا ، دخلت لبيتها رمات روحها فوق السرير و رقدت بقشها تاع برا . غدوة الصباح : ناضت على الخمسة راصها رايح يطرطق دخلت غسلت وجهها، لبست سورفات
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و راحت تدير السبور ...... عاودت رجعت على 7:30 دوشت ، دارت سيشوار و ماكياج و لبست لبسة كلاسيك ... هبطت لتحت و كيما العادة كلمة ماهدرتها ، قعدت فطرت (القهوة تاع الصباح ) و ناضت ، هزت الصاك تاعها و ركبت فالطوموبيل و ديمارات ،....... دخلت بكل هيبة لشركتها الموظفين ڨاع يحتارموها و يخافوا منها لأنها ماتقبلش الخطأ فالخدمة ، دخلت للبيرو و بدات الخدمة بكل جدية إيلين : فاديااااااااا فادية : وي مادوموازال إيلين ستحقيتيني ؟! 😟 إيلين : جيبيلي الملف تاع الشركة اللي رايحين نتعاقدوا معاها . فادية : إ...إإ..إييه ، درك نجيبهم بصح مازال شهر على الصفقة هاديك . إيلين : آآآآآ ، سمحيلي ديرونجيتك، ... قوليلي برك آسكو لازمني نسقسيك باش نشوف الملف ؟😡 فادية : 😳😟😟😧😥 لالا لالا سمحيلي ماكانش قصدي هكذا إيلين : اييه خفي جيبيه مالا واش قاعدة تستناي 😒 فادية : زوج دقايق و يكون عندك مادوموازال. و راحت تجري جابتوا ، إيلين كملت دققت فيه مليح و عرفت كل المعلومات على الأعمال تاع الشركة اللي رايحة تعقد معاهم صفقة ..... فات الوقت و ڨاع اللي فالشركة روحوا من غير إيلين اللي كانت مزالها تخدم إيلين : (مع روحها ) ايييييييي راح الحال راهي 6:55 و أنا مزالني هنا ، ... ايه يا إيلين ماكانش اللي يسقسي عليك إذا راكي حية ولا ميتة و تعمروا عينيها بالدموع كي تفكرت عايلتها
__________البطلة : إيلين 💜🖤____________
إيلين تحكي: بون كيما شفتوا إسمي إيلين ، في عمري 24 سنة ، الشكل تاعي مليح على عكس زهري المسود ، اللي يشوفني يعطيني قل من عمري ، انا كنت في وقت من الأوقات طفلة عادية كيما كل وحدة فيكم كانت عندي عائلتي اللي نعتبرها مثالية و كل وحدة منكم تتمناها والمتكونة من بابا و ماما و خويا أمير اللي يكبرني ب 4 سنوات ، كنا توجور نضحكوا و نفرغوا همومنا لبعضانا و نخففوا على بعضانا ، حتى جا اليوم المشؤوم كنت في هاديك عمري 15 سنة اي قبل 9 سنين و خويا كان 19 سنة ربح الباك و في العام الأول تاعو تاع الجامعة مدولوا منحة باش يكمل قرايتو فالولايات المتحدة الأمريكية في مدرسة خاصة ، ماما و بابا كانوا شوية مترددين لأنو المدرسة هادي فيها قوانين صارمة و المتمدرسين فيها ممنوع عليهم الخروج من أمريكا حتى يخلصوا قرايتهم و يتخرجوا ، لكن والديا وافقوا لأنهم علابالهم بلي كي يخلص القراية رايح تكون عندوا فرص كبيرة للنجاح بحكم أنوا شهادة هاديك المدرسة معترف بها عالميا ، و زيد كاين وسائل التواصل الاجتماعي باش نتواصلوا معاه و نقدروا نروحوا عندوا لأمريكا فالعطلة ، ....... وصل هاداك النهار اللي رايح فيه أمير ، آلوغ وصلناه للمطار و ودعناه بفرحة و إفتخار لأنو رايح يرفعلنا راصنا بقرايتوا ، أما انا كان عندي إحساس وحداخر و اللي هو هادي هي آخر مرة نشوفوا ولا حاجة ماشي مليحة رايحة تصرا ، المهم نحيت هادوك الأفكار من راصي و ودعت خويا و رحنا للطوموبيل انا و ماما و بابا ... الطريق كامل و أنا تايهة في عالم خلاف حتى نشوف ضوء قاوي جاي جيهتنا ..................................................... نضت لقيت روحي فالسبيطار و آخر حاجة متفكرتها هي صوت الكلاكصوون و الرجال تاع الحماية المدنية ، حتى تفكرت ماما و بابا، جيت نايضة بزربة لقيت رجلي و يدي مكسرين و رقبتي تاني وليت نعيط حتى دخل الطبيب عندي الطبيب : مادوموازال ريحي في بلاصتك سيلتوبلي ، راكي سلكتي من حادث مميت ، و زيد دخلتي في غيبوبة لمدة 15 يوم .. كذبنا لكان تقدري تتجاوزي هاد الحادث أنا هنا تشوكييت و جاو بزاف أفكار ماشي مليحة فراسي إيلين : ماما و بابا وين راهم ؟!!🤕😞 الطبيب : الله غالب يا بنتي البركة في عمرك 😔😣 ، يماك لقيناها ميتة في عين المكان أما الأب ديالك فحاولنا معاه بكل الوسائل بصح الأجل تاعوا وصل بعد ما وصل للسبيطار إيلين : لالا لالا راني سور بلي راك غالط 😭😭😭😭 مستحيل انا والديا راهم حيين ، روح تأكد برك رايح تصيبهم قدام الباب يستناو فيا نفطن باش نروحوا لدارنا 😭😭😭 الطبيب : 😔 مادوموازال ماتديريش في روحك هكذا راكي مزالكي مضرورة من الحادث 😣 بقيت نبكي و نندب و نعيط حتى دارولي برا (تشكة 💉 ) باش هديت ، ....... بعد 3 سوايع وليت لوعيي و غير تفكرت شا صرا تجمعوا الدموع فعينيا ، هزيت راسي لقيت جدي قاعد فالكرسي اللي مقابلني ، كان وجهوا خالي من المشاعر كيما كل مرة نشوفوا فيها أصلن انا كنت نشوفوا غير فالأعياد لأنو كانت بينو و بين ماما و بابا مشاكل ، بسبة اللفعة تاع مرت عمي اللي هي في نفس الوقت بنت أختو تاع جدي ، من نهار جات ماما عروسة و هي تكرهلها في حياتها باغسكو أختها كانت تحب بابا و هي حبت تزوجها بيه ، و بحكم انو هي بنت أخت جدي تعاونت هي و يماها و اختها باش يشوهوا سمعة ماما قدام جدي و هاد الشي اللي خلا بابا يشري دار باش يتفادى المشاكل المهم جدي قعد يشوف معايا بالنظرة المعتادة و مبعد قالي بلي بابا قبل ما يموت وصاه عليا ، صافيك رايحة نعيش معاه ، آلوغ استسلمت للأمر الواقع و رحت و نتم زادت حياتي تقلبت مرة وحدوخرة بسبة مرت عمي اللي كانت توجور تعمر في جدي عليا ، وكي يروح يخدم تجي تفتعل فالمشاكل معايا مالغري كنت صغيرة عليها ، أما خويا أمير مازدتش شفتوا ولا تكلمت معاه من نهار راح كنت كل يوم نبكي و نحاول في جدي باش يلقا أي وسيلة نلقاو بيها خويا أما هو كان يتجاهلني باغسكو ماشي حاب يتحمل مسؤوليتنا في زوج انا و بالسيف باش خلاني نعيش عندو بسبب وصية بابا و بيانسور مرت عمي كانت تعمرلوا راسو باش مايحوسش على أمير ، أما انا فكان عندي امل واحد و هو اني نصبر حتى يخلص أمير قرايتو و يجي يخرجني من الميزيرية اللي كنت عايشتها ، صبرت و صبرت حتى فاتوا خمس سنين و هو ما رجعش فقدت الأمل و قررت اني نحوس عليه وحدي رحت للجامعة تاعو اللي كان يقرا فيها قبل ما يروح لأمريكا ، عطيتهم الإسم تاعو و اللقب باش يحوسوا على ملف استفادتوا من المنحة و يعطوني لادراس تاع الجامعة اللي كمل فيها قرايتو بصح قالولي بلي صرا حريق كبير فغرفة الأرشيف و تحرقوا ڨاع الملفات القديمة، حاولت بكل الطرق باش نلقاه بصح ولا طريقة جابت نتيجة ، أما بالنسبة لقرايتي فهي الشيء الوحيد اللي بقالي كنت توجور كي تحڨرني مرت عمي ولا يضربني جدي نروح نقفل عليا فبيتي و نبدا نقرا باش ندير مستقبل لروحي و نتهنى من المعيشة تاع الهم ، آلوغ كملت قرايتي و نجحت فيها و أسست شركتي الخاصة من الصفر بعرق جبيني مالغري جدي كان قادر يعاونني بدراهمو اللي ماتحرقهمش النار بصح لالا كرامتي و عزة نفسي ماخلاتنيش نطلب منو ولا دينار لدرجة أني خدمت فبيرو عند مصمم قديم فهاد المجال باش نستفيد من خبرتو و في نفس الوقت خدمت سارفوز فالبيتزيريات باش نقدر نأمن مصروفي اليومي و نوفر دراهم لمشروعي و زدت تحملت نعيش معاهم فهاذيك الدار اللي تعتبر الجحيم بالنسبة ليا لأني ماكنتش قادرة نزيد عليا العم تاع الكراء ...... بعد معاناة كبيرة و توفير و اقتصاد و حرمت روحي من كلشي متشهيتو قدرت نأسس شركتي الخاصة اللي كبرت في وقت قياسي و ولات معروفة ، و المعاناة اللي مريت بيها باش نحقق حلمي خلاتني متشددة بزااف فالخدمة و مانسمحش بالخطأ .......... و نهار قلت بلي معاناتي خلصت و رايحة نخرج من هاد الجحيم جاتني صدمة كبيرة ماقدرتش نتحملها و هي انو جدي هددني اني كون نخرج من هاديك الدار رايح يقتل خويا ، و بلي راه لقاه و كاين رجال وراه يتبعوه وين يروح ، ماشي حبا فيا و لكن حب المادة عمالو عينيه و طبعا هدرة مرت عمي عندها دور ،....... هنا صاييي فقدت الأمل انو حياتي رايحة تتحسن و نولي انسانة عادية بلا اي هموم او مشاكل كيما كل طفلة في عمري ، حتى وصلت بيا وين وليت نشرب الشراب كل ليلة باش ننسى همومي شوية و نقدر نرقد كيما العباد
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هادي هي صورتي
🖤🖤🖤🖤🖤🖤🖤🖤🖤🖤🖤🖤🖤🖤
نشاله يكون عجبكم اول بارت من روايتي الجديدة ماتنساوش الفوط و الكومنت باش نحط البارت التالي بزربة 😘
