البنات غادي ندير كيما قالتلي وحدة منكم ، غادي نخلي ليسباس بين الأسطر ، باش تقدرو تكتبوا رأيكم او أي ملاحظة ، حتى اذا مافهمتوش كاش كلمة نشرحلكم 😊😊 ، درك نكملوا :
______________________________________
إيلين تحكي :
كيما شفتوا البارح غير خرجت من عند فادية ، رحت ديراكتومون للبلاصة تاعي المعتادة ، بصح هادي المرة لقيت طوموبيل مڨارية نتم ، مادرتش عليها ....
ڨاريت ، جبدت هادوك ...... ، قعدت فوق الطوموبيل و بديت نشرب و نخمم في نفس الوقت..........
اليووم فات هايل مع فادية ، اول مرة نفتح قلبي لواحد و نحكيلوا حياتي الشخصية ، علابالي بلي ليوم وين عرفت عقليتها خارج العمل طبعا ، بصح قلبي رتاحلها بالبزااف ......
اول مرة نضحك فيها و ننسا معاناتي بعد 9 سنين من القهر و الدموع اللي مايحبسوش ........
كنت نشرب و نتفكر فالأوقات اللي فوتهم اليوم مع فادية سورتو التبهديلة اللي داوها هادوك الزوج ، كنت نضحك بأعلى صوتي كي المهبولة ......
راني فايقة مع روحي بصح ماشي قادرة نحبس ، حتى زدت تفكرت عائلتي اللي تشتت ، بديت نبكي و نعيط بكلام ماشي مفهوم ........
و أنا في هاديك الحالة حتى جاتني مفاجعة كبيرة ، هادوك الزوج كلاب تاع الصباح جايين جيهتي
الرجل 1 : ايييه شكون راهي هنا
الرجل 2 : ايييي عمري راكي هنا ، وشرايك نروحوا ندوروا شوية بالطوموبيل تاعك * ضحكة صفرة*
إيلين : هههههههههههههههههههه يا يما شكون راه يهدر ، نتا..... واحد كيما نتا يركب في الطوموبيل تاعي انا هههههههههه واقيلا راك عايش فالأحلام
الرجل 1 : واقيلا راهي سكرانة 😏😉 ، هيا نديروا لافار درك مادامها ماراهيش في عقلها ، و نزيدوا نسرقولها الشئ اللي عندها و الهربة تسلك 😈😈...
الرجل 2 : اييه فالليل واحد مارايح يفيق و هي ماشكيتش تعقل علينا 😈
الرجل 1: واشرايك تجي معانا نروحو نسهرو 😉
الرجل 2 : مكان محترم بالتأكيد 😊
إيلين : 🤐🤐🤐
الرجل 1 : باينة هادي ، هيا واش رايك فاللي قلتهولك ؟
الرجل 2 : مادامها ساكتة باينة بلي قابلة 😈، و دار يدو على كتفي باش يجبدني ليه
_ انا لتم فقت مع روحي بعد ماكنت مبحرة ڨاع ، درت بزربة لقيت قرعة تاع الشراب هزيتها بلا تفكير و كسرتلوا راسو بيها ......
و درت لصاحبو اللي كان زعما رايح يضربني عطيتوا بركلة مستحيل بعدها يخمم يجيب ولاد ...
و جيت رايحة للطوموبيل تاعي بكل برود ، بصح لمحت واحد واقف شوية قريب مني باين عليه بلي مدهوش من الشي اللي صرا ، وجهوا ماشي غريب عليا .....
أنت تقرأ
الفتاة السيئة (نهاية إدماني )
Abenteuerرواية جزائرية 100% توضيح : هادي الرواية باللهجة الجزائرية فقط لكن الأحداث الواقعة فيها ليس لها صلة بالعادات و التقاليد الجزائرية (ما تقولوليش مستحيل تصرا فالجزائر 😄( صغيرة كنت أستعجل الأيام كي أكبر ☺️،والآن أرتجي الأيام أن تعيدني حيث طفولتي وتنس...
