رواية جزائرية 100%
توضيح : هادي الرواية باللهجة الجزائرية فقط لكن الأحداث الواقعة فيها ليس لها صلة بالعادات و التقاليد الجزائرية (ما تقولوليش مستحيل تصرا فالجزائر 😄(
صغيرة كنت أستعجل الأيام كي أكبر ☺️،والآن أرتجي الأيام أن تعيدني حيث طفولتي وتنس...
رفد التيليفون باش يشوف نومرو تاع كاش صديقة ليها ، بصح لقاه فيه الكود
نبداو درك :
أسامة : 😤😤 زهري و نعرفوا ، مالا لازمني ندير هذا الشئ ، مالغري رايح نخاطر .............، درك نديها لداري تبات نتم و صايي
بصح إيماجيني تفهمها بلي حبيت نستغلها ، بففف لالا مستحيل اصلا تحب تتأكد تتأكد ...... ، ولا إيماجيني يحوسوا عليها تاع دارهم ، لالا كون جاو عينهم فيها كون ماوصلتش بيها لحد انها تولي مدمنة ......
يا ربي واش هاذ المشاكل اللي نحط فيهم روحي ، عندها الحق كي قالتلي واش دخلك ...
قطعت تخمامي اللي رايح يهبلني و ديماريت للدار ، و في طريقي عيطت ليما قلتلها بلي رايح نبات في دار صاحبي ، باغسكو علابالي بيها كون نقوللها بلي بايت في داري ، رايح تصبح عليا على 6.00 باش تجيبلي الفطور و تنقيلي الدار ............
وصلت للدار ، حاولت اني نوضها باش نشرحلها واش صرا ، بصح لا حياة لمن تنادي ، راهي في سابع نومة لدرجة اني شكيت فيها ميتة ، هههه علابالي بلي نبانلكم مهبول مي الله غالب شكون قاللكم عليا نضل نجيب فالبنات لداري سوغتو كي عادت شاربة .......
بعد محاولات فاشلة باش نوضها ، هزيتها و دخلت بيها ، حطيتها في بيتي ترقد و أنا رحت للصالون تفرجت شوية و مبعد رقدت نتم ...........
_____________ في الصباح 😊 _____________
إيلين : نضت الصباح و على غير عادة راسي ماراهش يوجع فيا !! 😳.....
بقيت نخزر فالسقف مدة طويلة راني حاسة حاجة غريبة 😐......
