رواية جزائرية 100%
توضيح : هادي الرواية باللهجة الجزائرية فقط لكن الأحداث الواقعة فيها ليس لها صلة بالعادات و التقاليد الجزائرية (ما تقولوليش مستحيل تصرا فالجزائر 😄(
صغيرة كنت أستعجل الأيام كي أكبر ☺️،والآن أرتجي الأيام أن تعيدني حيث طفولتي وتنس...
إيلين : (مع روحها ) ايييييييي راح الحال راهي 6:55 و أنا مزالني هنا ، ... ايه يا إيلين ماكانش اللي يسقسي عليك إذا راكي حية ولا ميتة و تعمروا عينيها بالدموع كي تفكرت عايلتها ، كملت شغلها بالخف و خرجت ...... بقات تدور بطونوبيل تاعها باغسكو ماعندها وين تروح ، حتى حست بالجوع راحت لريسطورون، دوموندات واش تاكل ، و بقات تخرب في تيليفونها ....... كلات خلصت و راحت ديراكتومون للطونوبيل تاعها ، قصدت بلاصتها اللي كل ليلة تروحلها باش تنسي روحها فهمومها ، بلاصة جاية معزولة في جبل و تطل على البحر الظلمة فيها في كل جيهة غير ضوء القمر اللي يبان ، وصلت ڨارات الطونوبيل و خلات الأضواء تاعها شاعلين راحت فتحت الباب تاع لاريار و جبدت قرع تاع الشراب .......قعدت فوق الطوموبيل تتفرج مع البحر الهايج و تتجرع فالسم هداك اللي تعتبروا ملجأها الوحيد ، بقات هكذاك ساعات حتى ولات ماتعرفش واش راهي تهدر ، هزت روحها و راحت للدار ، علابالي بلي راكم تقولوا بلي ماتقدرش تسوق و هي فهاذيك الحالة بصح هي والفت ، دخلت للدار تتمايل و تضحك و تبكي في نفس الوقت ، حتى جاو الخدامات تاع القصر شدوها من يديها و يمشيو فيها ، وسيلة (مرت عمها ) : نتي ماتحشميش واقيلا ، كل يوم نفس الشي من كي تخرجي الصباح بكري حتى تدخلي في نص الليل بهادي الحالة ، وشراكي حابة يقولوا علينا الناس
إيلين : هههههههههههههههههه بصوت عال ، نتي اللي ماتفهميش كل يوم نقولك و نعاودلك نتي ماعندو ما دخلك ما تدخليييييش روحك فيا ما تدخليييييش روووحك فيااااا فهمتييي ، و الناس اللي راكي تهدري عليهم ماراهمش سامعين بيك و أنا ماشي سامعة بيهم ، إذا كرهتي مني خليني نخرج من هادي الدار .....قولي لجدي يخرجني علابالي بيك تقدري تغيريلوا رأيو بالخف كيما كل مرة هههه وسيلة سكتت و راحت ، أما إيلين وصلت لبيتها ، و دخلت دوشت باش تروح منها ريحة الشراب ، و راحت رقدت ديراكتومون
في الصباح : ناضت راسها رايح يطرطق ، لبست السورفات تاعها و راحت تجري شوية ، ....... عاودت رجعت للدار غسلت عليها و لبست قشها سروال جين كحل مقطع عند الركبة و تيشرت غوز و فاست تاع الجلد نواغ مع بوت قصير و شعرها دارتو بوكلي ، بكل إختصار جات كيما Popstars ، هزت sac à dos ( حقيبة الظهر ) تاعها كانت هكذا :
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و هبطت لتحت لقات جدها ، مرت عمها و عمها اللي يخدم فالخارج ، كانوا قاعدين يشربوا فالقهوة إيلين : صباح الخير واحد ما رد عليها غير عمها عزيز (عمها) : صباح النور بنتي ، جوزي تقهواي معانا إيلين : 😊😊 ، ايه راني جاية قعدت تشرب في قهوتها حتى نطق جدها سمير : واش هادي اللبسة اللي راكي لابستيها ، هادي تروحي بيها لشركة 😡😒 إيلين : قصدك شركتي أنا ، نحب نلبس هكذا نحب نلبس كيما اللي رايحين للعرس ، نحب مانلبسش ڨاع ، واحد ما يقدر يمنعني خاطرش راني في رزقي 😏😎 وسيلة : ماتحشميش تردي لهدرة لجدك ، ديجا علاه راني متفاجأة باينة ديريها خرجتي كيما يماك إيلين : هههههه مزالت النار تاع الغيرة في قلبك من يما حتى و هي ميتة وسيلة : بلعي فمك ماشي مربية عزيز : وسييييلة خلاص اسكتي ، ....... وشبيكم درتو عليها هكذا ، خلوها تلبس واش تحب راهي كبيرة و تفهم ، هيا بنتي كملي قهوتك و روحي تخدمي الله يرضى عليك وسيلة : تقعد نتا دافع عليها حتى تبهدل بينا (عزيز هو راجل وسيلة بصح ماعلابالوش واش راهي تدير هي و باباه لإيلين لأنو أغلب وقتوا فأوروبا عندوا شركات تاع التصدير و الإستيراد ، لكن علابلوا بلي العلاقة بينهم متوترة بزااف ، هو على عكس باباه و مرتو توجور يحب يعاون إيلين و دايرها كيف بنتوا لأنو هو ماعندوش أولاد ) كملت قهوتها بالخف و راحت تخدم فات يومها كأي يوم عادي خدمة ، خدمة و فالليل تروح تشرب حتى تسكر و تروح للدار ، ماكانتش تحب يشوفها عمها بهاديك الحالة مالغري علابالو بيها باغسكو هي تقادرو و تحبو و هو توجور يقوللها تحبس مي هي ماقدرتش
